Fréttablaðið - 27.01.2023, Blaðsíða 6

Ég er mjög hugsi yfir
þessari framgöngu
ríkissáttasemjara.
Halldór Benjamín Þorbergsson,
framkvæmdastjóri SA
Þetta geta verið
nokkuð vandræðaleg
augnablik.
Gísli Einarsson
Eftir langa leit að því sem olli
nýtilkomnu máttleysi sagna-
meistarans Gísla Einarssonar
í skrokknum kom í ljós að
hann er með taugasjúkdóm
sem hrjáir einn af hverri
milljón manna. Dæmigert að
ég skuli vera þessi eini, segir
Gísli sjálfur.
gar@frettabladid.is
FÓLK Sjónvarpsmaðurinn lands-
kunni og einn rómaðasti sögu-
maður þjóðarinnar, Gísli Einarsson,
tekst nú á við nýja áskorun í lífinu
eftir langan og farsælan feril í öllum
sínum hlutverkum á sviði og í sjón-
varpi. Hann reynir núna afar sjald-
gæfan taugasjúkdóm á eigin skinni.
„Þessi sjúkdómur hrjáir einn af
hverri milljón manna – og það er nú
þannig í mínu lífi að ég er yfirleitt
þessi eini,“ segir Gísli í nýjasta við-
talsþætti Sigmundar Ernis Rúnars-
sonar, Mannamáli, sem frumsýndur
var á Hringbraut í gærkvöld.
Hann varð krankleikans var
fyrir fáum árum, en tíma tók að
greina nákvæmlega hvað amaði
að – og segir Gísli það mega þakka
einum margra lækna sem hann hafi
gengið til, en sá hafi hreinlega ekki
gefist upp fyrr en nafn var komið á
meinið.
Það reyndist bera skammstöfun-
ina PAF (e. Pure Autonomic Failure)
og lýsir sér með þeim hætti að blóð-
þrýstingur fellur við áreynslu í stað
þess að hækka.
„Þetta gerir það að verkum að ég
verð máttlaus og missi fótanna,“
útskýrir Gísli og bætir við: „Þetta
geta verið nokkuð vandræðaleg
augnablik.“
Og stundum kalli þetta á mis-
skilning, ekki síst á mannamótum
þar sem hann er tíður gestur, en til
að halda sér uppi þurfi hann oft og
einatt að klemma saman fótleggina
– og fólk haldi fyrir vikið að hann
sé að pissa á sig þegar hið rétta er
að hann er að reyna að halda uppi
blóðþrýstingnum.
Gísli segir dæmigerða sögu af
þessum nýju áskorunum í lífi sínu,
en einu sinni sem oftar hafi hann
verið að stjórna fjölmennri veislu.
Hann hafi gengið full til rösklega
inn í salinn, í ljósi þessara nýju
veikinda sinna sem hann er enn
að venja sig við, og fallið fyrir vikið
kyllif latur í gólfið frammi fyrir
öllum fjöldanum sem horft hafi á
stjörnuna hrapa með þessum eftir-
minnilega hætti.
Eftir fallið hafi veislustjórnin
farið fyrir lítið. „Það gilti einu hvaða
brandara ég var að reyna að segja.
Allir áhorfendur biðu bara eftir því
að ég dytti aftur,“ segir Gísli.
Eins haldi þetta auðvitað aftur
af honum í íþróttum og útivist sem
hann hafi unnað alla tíð. Bumbu-
boltinn sé að baki, sem að vísu leik-
félagar hans kunni að þakka fyrir,
jafnt mótherjar sem samherjar, en
verra sé með fjallgöngurnar.
„Núna er ég lengur upp brekkurn-
ar og þarf að fara hægar um,“ segir
Gísli sem farið hefur fyrir ferða-
félagi sveitunga sinna í Borgarfirði
um árabil.
„Þetta er auðvitað íþyngjandi,
en eitthvað sem ég þarf bara að lifa
við,“ bætir hann við, fullra fimmtíu
og sex ára í gærdag þegar viðtalið
var upphaflega sent út.
Viðtalið er endursýnt á Hring-
braut í dag, aftur á sunnudag klukk-
an 18.30 og aftur 20.30. n
Gísli glímir við máttleysi og
missir stundum fótanna
Ferðabók Gísla slær í gegn
Enda þótt Gísli takist nú á við
sjaldgæfan taugasjúkdóm
af fádæma æðruleysi heldur
hann áfram að koma fram
sem sjónvarpsmaður, svo og
veislustjóri og sögumaður á
mannamótum. Fáir dagar eru
liðnir frá því hann frumsýndi
einleik sinn Ferðabók Gísla –
en hvorki Bjarna né Eggerts á
Söguloftinu í Landnámssetrinu
í Borgarnesi. Þar leggur hann út
af mannlýsingum þeirra Bjarna
Pálssonar og Eggerts Ólafssonar
sem fóru um landið á átjándu
öld og drógu upp mynd af
landi og þjóð sem reynst hefur
einstök heimild um lifnaðar-
hætti þjóðarinnar á þeim tíma.
Skemmst er frá því að segja að
sýning Gísla á Söguloftinu hefur
slegið í gegn og er uppselt á
næstu sýningar og næsta ljóst
að fjölga verður fyrirhuguðum
sýningum vegna mikillar að-
sóknar.
„Það gilti einu hvaða brandara ég var að reyna að segja. Allir áhorfendur biðu
bara eftir því að ég dytti aftur,“ segir Gísli um uppákomu við veislustjórn.
mynd/hringbraut
„Það fyrsta sem við gerðum var að leita til
Krafts. Við vitum ekki hvað gerist en njótum
þess sem lífið hefur upp á að bjóða“
Kraftur er stuðningsfélag fyrir ungt fólk sem
greinst hefur með krabbamein og aðstandendur.
Kaupum kolluna á lifidernuna.is
Kolluna upp
fyrir okkur og
fjölskylduna!
ragnarjon@frettabladid.is
KjaramáL Ríkissáttasemjari lagði í
gær fram miðlunartillögu í von um
að höggva á hnútinn í deilu Eflingar
og Samtaka atvinnulífsins (SA). Til-
lagan gengur út á að félagar í Eflingu
fái sömu kjarabætur og félagar í
öðrum stéttarfélögum Starfsgreina-
sambandsins og fái launahækkanir
afturvirkar frá 1. nóvember rétt eins
og önnur félög.
Efling og SA hafa verið gagnrýnin
á tillöguna og lýsti Ef ling meðal
annars yfir vantrausti á ríkissátta-
semjara í kjölfar ákvörðunar hans og
hafnar einnig lögmæti hennar. Til-
lagan hafi verið lögð fram í flýti og
án samráðs við Eflingu. Ríkissátta-
semjari hefur vísað fullyrðingum
Eflingar um ólögmæti á bug en vildi
ekki tjá sig um vantrauststillöguna.
„Ég er mjög hugsi yfir þessari
framgöngu ríkissáttasemjara. Sam-
tök atvinnulífsins hafa um áratuga-
skeið tala gegn íhlutun ríkisvaldsins
í kjarasamningum á almennum
vinnumarkaði. Það á líka við í þessu
tilviki,“ segir Halldór Benjamín Þor-
bergsson, framkvæmdastjóri SA, en
hann telur að Efling hafi fyrirgert
rétti sínum á afturkræfni með því
að boða til verkfalla. Ekki náðist í
Sólveigu Önnu Jónsdóttur, formann
Eflingar, við vinnslu fréttarinnar.
Félagsmenn Eflingar kjósa um
miðlunartillöguna á laugardag og
stendur kosning fram á þriðjudag
klukkan 17.00.
Til að fella tillöguna þarf meira en
helmingur atkvæða að vera á móti
henni. Einnig þurfa atkvæði sem
falla á móti tillögunni að vera fleiri
en fjórðungur atkvæða samkvæmt
atkvæða- og félagaskrá. Þá mega
greidd atkvæði ekki vera færri en
5.153 ef fella á tillöguna. n
Efling og SA ósátt við miðlunartillögu
Aðalsteinn Leifsson ríkissáttasemjari tilkynnti miðlunartillögu sína í gær.
Fréttablaðið/Ernir
helgisteinar@frettabladid.is
PaLestína Níu Palestínumenn lét-
ust í gær eftir árás ísraelska hersins
í bænum Jenín á Vesturbakkanum.
Árásin var sú mannskæðasta í Pal-
estínu í mörg ár.
Að sögn ísraelska hersins höfðu
hermenn umkringt byggingu til að
handtaka íslamska hryðjuverka-
menn sem hygðust skipuleggja
stórárásir. Ísraelski herinn hefur
sótt hart að meintri hryðjuverka-
starfsemi síðan í apríl á seinasta ári.
Forseti Palestínu hefur hins vegar
ásakað herinn um fjöldamorð, en
Jenín hefur verið miðpunktur fyrir
ítrekuð átök undanfarna mánuði.
Meira en 150 Palestínumenn létu
lífið á Vesturbakkanum árið 2022
og voru nær allir drepnir af ísraelska
hernum.. n
Níu létust eftir árás Ísraela í Palestínu
Forseti Palestínu
ásakar herinn um
fjöldamorð.
6 fréttir FRÉTTABLAÐIÐ 27. jAnúAR 2023
fÖStUDAGUr