Fréttablaðið - 27.01.2023, Blaðsíða 18

Ég vil helst vera
fyrirmynd fyrir
hvaða kyn sem er í
atvinnurekstri.
Ásta Sigríður Fjeldsted, for-
stjóri Festi, hlaut í gær viður-
kenningu Félags kvenna í
atvinnurekstri. Hún segir
viðurkenninguna hafa
komið sér í opna skjöldu.
thordisg@frettabladid.is
„Já, það kom mér heldur betur á
óvart að fá FKA-viðurkenninguna
og ekki dró úr því eftir að ég
kynnti mér listann yfir konurnar
sem hafa hlotið þessa viðurkenn-
ingu í gegnum árin. Það er nett
pressa að feta í fótspor þeirra og
ef ég get lagt eitthvað af mörkum
við að ryðja brautina enn frekar
fyrir næstu kynslóðir kvenna, líkt
og kvenskörungarnir sem ruddu
brautina fyrir mína kynslóð, mun
ég fyllast stolti. Annars horfi ég
fyrst og fremst á viðurkenninguna
sem hvatningu til að halda áfram
á þeirri vegferð sem ég er á með
stjórn fyrirtækisins og einstöku
samstarfsfólki sem mér hefur
hlotnast að vinna með – og láta
gott af mér leiða.“
Þetta segir Ásta Sigríður
Fjeldsted sem í gærkvöldi hlaut
viðurkenningu Félags kvenna í
atvinnurekstri (FKA). Viðurkenn-
ingin er veitt fyrir vel unnin störf
í þágu atvinnureksturs kvenna,
eða þeim sem hafa verið konum í
atvinnulífinu sérstök hvatning.
„Ég hef ekki velt því fyrir mér
hvort ég sé sérstök fyrirmynd
fyrir konur í atvinnurekstri en
að sjálfsögðu er ég meðvituð um
ábyrgðina sem fylgir því að stýra
stóru fyrirtæki. Ég vil helst vera
fyrirmynd fyrir hvaða kyn sem er í
atvinnurekstri,“ segir Ásta.
Meðvituð um hið ómeðvitaða
Ásta er innt eftir því hvað hún
hafi tileinkað sér í starfi konum til
framdráttar og hvatningar.
„Ég reyni eftir fremsta megni
að vera meðvituð um hið ómeð-
vitaða. Ég hélt stutt erindi um
þetta efni á Jafnvægisvog FKA 2022
þar sem ég varpaði því fram að
ég teldi engan ætla sér vísvitandi
að mismuna fólki vegna kyns,
þjóðernis, menntunar, aldurs eða
trúarbragða. Flest viljum við vera
til fyrirmyndar að þessu leyti og
veita öllum jöfn tækifæri – sýna í
verki að við erum meðvituð um
mikilvægi sanngjarnra ákvarðana
í þessum efnum. Ákvarðana sem
stuðla að fjölbreyttu samfélagi þar
sem við höfum öll jafnan rétt og
möguleika til að blómstra í lífi og
starfi. Ég lít á það sem mína ábyrgð
að tryggja að ákvarðanir innan
félaga Festi séu ekki litaðar af
ómeðvitaðri hlutdrægni og að við
horfumst í augu við samsetningu
hópsins hjá okkur, tryggjum
fjölbreytni þvert á kyn, uppruna,
menntun, aldur, kynhneigð og
svo framvegis. Þannig tel ég að við
munum laða að besta fólkið og ná
árangri til lengri tíma.“
Sannur Breiðhyltingur
Ásta er fædd og uppalin í Selja-
hverfinu í Breiðholti.
„Pabbi var skólastjóri í Hóla-
brekkuskóla og mamma kennari
þar. Landamæri minnar heims-
myndar voru Breiðholtsbrautin og
Mjóddin svo ég hef því ávallt litið
á mig sem sannan Breiðhylting.
Bestu vinir mínir og vinkonur
eru enn í dag þaðan. Frá unga
aldri var ég haldin mikilli útþrá
og þráði að upplifa eins mikið af
ólíkum löndum og mögulegt væri.
Ég fékk fyrst að svala þeim þorsta
á 13. árinu þegar ég fór tvisvar í
tveggja mánaða vist hjá danskri
vinafjölskyldu mömmu og pabba.
Komst upp á lagið með dönskuna
og þá varð ekki aftur snúið. Að ná
tökum á einhverju sem í fyrstu
virðist óraunhæft var eitthvað sem
ég fann strax að veitti mér sanna
lífsfyllingu,“ segir Ásta sem tók ung
snúninga á töluverðri ævintýra-
mennsku – allt frá því að fara í
frekara nám erlendis, í Danmörku
og Frakklandi, yfir í bakpokaferða-
lag um hálfan hnöttinn þar sem
Síberíuhraðlestin var hvað eftir-
minnilegust og að vinna nokkur
ár í Asíu.
„Ég trúi því að maður eigi að elta
drauma sína og prófa nýja hluti
snemma, áður en maður verður
of fastmótaður og hræddur við að
taka áhættu.“
Sanngjörn en ákveðin
Ásta er vélaverkfræðingur að
mennt. Hún tók við starfi forstjóra
Festi í september síðastliðnum,
eftir að hafa verið framkvæmda-
stjóri Krónunnar tvö árin á undan.
„Forstjórastarfið er vissulega
krefjandi, en um leið gefandi og
þannig hafa fyrstu mánuðirnir
flogið frá mér. Ég er vissulega enn
að kynnast starfinu og móta, en
rétt eins og í öðrum stjórnenda-
störfum snýst þetta um fólkið
sem maður vinnur með alla daga,
að veita því rými og stuðning til
að ná árangri. Því meiri ábyrgð
sem maður tekur á sig, þeim mun
mikilvægara er að skilja vel rekstur
allra eininga í grunninn en um leið
hafa augun á stóru myndinni – og
horfa lengra fram í tímann. Ábyrgð
gagnvart hluthöfum í skráðu
félagi eins og Festi er mikil en
ekki síður gagnvart samfélaginu,
almenningi sem reiðir sig á okkar
þjónustu, bæði hagstætt verð, gæði
og umhverfisábyrgð. Hjá Festi
starfa um 2.000 manns og ég set
velferð þeirra líka í öndvegi í okkar
rekstri,“ segir Ásta.
En hvernig stjórnandi er Ásta?
„Ég vona að ég sé sanngjörn, þó
ég sé ákveðin, að ég leyfi sam-
starfsfólki mínu að njóta þess
árangurs sem það nær og það njóti
trausts og sjálfstæðis í störfum
sínum, þó svo ég leggi upp úr upp-
lýsingagjöf, skipulagi og mælan-
legum markmiðum.“
Er engin ofurkona
Eftir áralöng störf á erlendum
vettvangi segir Ásta helstan mun á
atvinnulífinu hér heima og úti vera
umhverfið sem sé að mörgu leyti
mannlegra á Íslandi.
„Úti kynntist ég samkeppni sem
gat verið ansi hörð. Lærdómurinn
þar, eins og hér, er að góður undir-
búningur og fagmennska er lykill
að öllum árangri. Það þekkja allir
týpuna sem lætur eins og hún hafi
ekkert fyrir hlutunum, en skilar
öllu af sér upp á tíu, en það liggur
alltaf mikil vinna að baki öllum
árangri,“ greinir Ásta frá.
Hún segir engan lenda í því að
verða eitthvað og sjaldnast eða
aldrei sé bein lína frá upphafs-
punkti að stórkostlegu starfi.
„Ég hef sóst eftir hlutverkum,
skólum og störfum í gegnum árin
og ekki fengið – rétt eins og aðrir.
Þau sem vilja ná árangri vinna að
því baki brotnu. Það þarf að hafa
fyrir hlutunum og grípa tæki-
færin og þó svo að hlutirnir gangi
ekki alltaf upp eða verði eins og
vonast var til – má ekki gefast upp.
Svolítið eins og í íþróttum – það er
geggjað að vinna en mikilvægt að
kunna líka að tapa.“
Mikilvægast sé að hafa gott fólk
í kringum sig, bæði á heimavelli og
vinnustað.
„Að finna að maður hafi
stuðning, skilning og fái aðstoð
þegar á þarf að halda. Ég hefði ekki
sóst eftir því að verða forstjóri
ef ég vissi ekki að ég hefði sterkt
bakland. En svo er lífið líka stutt og
hverfult og mikilvægt að láta slag
standa – taka slaginn en vera klár
í bylturnar sem geta fylgt,“ segir
Ásta.
Hún er þriggja barna móðir og
nú í fæðingarorlofi með níu vikna
syni sínum meðfram því að vera í
reglulegu sambandi við stjórn og
stjórnendur fyrirtækisins. Hún
kveðst þó engin ofurkona.
„Það tekur vissulega á stundum,
en ég á góða að og börnin heil-
brigð. Ég reyni að þiggja alla þá
aðstoð sem mér býðst. Án þess
væri þetta ekki mögulegt.“ n
Að baki árangri liggur alltaf mikil vinna
Ásta Sigríður
Fjeldsted er
forstjóri Festi.
Að baki sjást öll
þrjú rekstarfélög
Festi: Krónan,
ELKO og N1.
FRÉTTABLAÐIÐ/
ANTON BRINK
K
A
V
IT
A
4 kynningarblað A L LT 27. janúar 2023 FÖSTUDAGUR