Fréttablaðið - 27.01.2023, Blaðsíða 12

Útgáfufélag: Torg ehf. Stjórnarformaður: Helgi Magnússon forStjóri og Útgefandi: Jón Þórisson ritStjóri: Sigmundur Ernir Rúnarsson ser@frettabladid.is aðStoðarritStjóri: Garðar Örn Úlfarsson gar@frettabladid.is
fréttaStjóri: Lovísa Arnardóttir lovisa@frettabladid.is. Fréttablaðið kemur út fimm daga í viku og hægt er að nálgast það ókeypis á 120 fjölförnum stöðum á höfuðborgarsvæðinu, á Suðurnesjum, Árborg, Ölfusi, Akranesi, Borgarnesi,
Akureyri og víðar. Að auki er blaðið aðgengilegt í pdf-formi og í appi. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871 fréttaBlaðið Kalkofnsvegur 2, 101
reykjavík Sími: 550 5000, ritstjorn@frettabladid.is. VefStjóri: Einar Þór Sigurðsson einarthor@frettabladid.is marKaðurinn: Guðmundur Gunnarsson ggunnars@frettabladid.is HelgarBlað: Björk Eiðsdóttir bjork@frettabladid.is
menning: Þorvaldur S. Helgason tsh@frettabladid.is Íþróttir: Hörður Snævar Jónsson hoddi@frettabladid.is ljóSmyndir: Anton Brink anton@frettabladid.is framleiðSluStjóri: Sæmundur Freyr Árnason sfa@frettabladid.is
halldór
Frá degi til dags
En Adam
var víst
ekki lengi í
Laugardal.
Ef hann var
yfir höfuð
einhvern
tímann á
leiðinni
þangað.
Guðmundur
Gunnarsson
ggunnars
@frettabladid.is
Ágúst Bjarni
Garðarsson
þingmaður
Framsóknar
Hvað er samfélag og hvað einkennir gott samfélag?
Ég held að við f lest teljum að við tilheyrum og séum
hluti af góðu samfélagi.
Ég sjálfur er alinn upp í Hafnarfirði og bý þar
ásamt fjölskyldu minni. Þar var gott að alast upp, þar
er gott vera og þar er gott að ala upp börnin sín.
Vaxtarverkir
Hafnarfjörður hefur stækkað gríðarlega frá því að
ég sleit barnsskónum, en í þeirri miklu stækkun og
öllum þeim vaxtarverkjum sem slíku fylgir tel ég að
vel hafi tekist til við að halda utan um fólkið.
Hafnarfjörður er bær í sveit ef svo má segja og ég tel
almennt að íbúar upplifi sig sem hluta af heild, þátt-
takendur í góðu samfélagi. Það er mikilvægt.
Góð umgjörð
Ég veit að þegar á reynir er samhugurinn mikill í
samfélaginu. Það þekki ég úr mínum heimabæ. Fólk
stendur saman þegar á bjátar, það er tilbúið að koma
og rétta fram hjálparhönd eða sýna samkennd með
öðrum hætti.
Við erum gott samfélag með góða umgjörð, en það
er eins og annað í lífinu að víða má gera betur og laga
til eða fínstilla ákveðna þætti eins og það er stundum
orðað.
Samstaða og samfélagsleg ábyrgð
Íbúar um allt land finna nú fyrir þeim miklu hækk-
unum sem eru að verða hvar sem litið er. Við sjáum
það á lánum okkar, leigugreiðslum, matarkörfunni,
tryggingum og svo mætti lengi telja.
Fólk tekur eftir og finnur fyrir því á eigin skinni
að þetta hefur áhrif á fjármálin. Það reynir því víða
á um þessar mundir og mikilvægt að sýna samstöðu
og samfélagslega ábyrgð í því verkefni að ná niður
verðbólgu.
Breiðu bökin
Nú reynir einnig á hin svokölluðu breiðu bök og að
þau sýni að ekki þurfi að velta öllum hækkunum
beint út í samfélagið með tilheyrandi áhrifum á
fjármál heimila. Þau geta, en það er víst annað en að
vilja. n
Gott samfélag
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Alex og William
manual hvíldarstólar
Alex manual með 20% afsl. 195.000 kr.
Alklæddir
Anelín leðri
Litir: svart,
dökkbrúnt og cognac
William manual með 20% afsl. 215.000 kr.
Nú með
20%
afslætti
Íbúar um
allt land
finna nú
fyrir þeim
miklu
hækk-
unum sem
eru að
verða hvar
sem litið er.
gar@frettabladid.is
Skák og mát
Ríkissáttasemjari virðist
kominn út í mikið fúafen með
svokallaðri miðlunartillögu í
kjaradeilu Eflingar og Samtaka
atvinnulífsins. Í grunninn vill
sáttasemjarinn smeygja málinu
fram hjá stjórn og samninga-
nefnd Eflingar og bera tilboð
Samtaka atvinnulífsins beint
undir félagsmenn verkalýðs-
félagsins. Þannig sýnist gull-
tryggt að vilji atvinnurekenda
nái fram að ganga því leikregl-
urnar eru þannig að minnst
25 prósent þeirra sem eru á
kjörskrá hjá Eflingu þurfa að
hafna samningnum. Sú tala er
nefnilega vel umfram það hlut-
fall félagsmanna sem venjulega
tekur þátt í slíkum atkvæða-
greiðslum.
Lokalausnin
Kannski hefði ríkissáttasemjari
frekar átt að snúa þessu við og
bera síðasta tilboðið sem Efling
gerði Samtökum atvinnulífsins
undir þá atvinnurekendur sem
eiga aðild að samtökunum,
fram hjá forystu og samninga-
nefnd þeirra ágætu samtaka
sem virðast hvort eð er farin að
hljóma eins og rispaður vínyll
á fundum í Karphúsinu. Það
hefði þó getað ógnað þeirri nýju
söguskýringu að samningar
sem þegar hafi verið gerðir séu
meitlaðir í stein og ófrávíkjan-
legir fyrir alla þá sem á eftir
koma og vilja fá eitthvað fyrir
sinn snúð á vinnumarkaðnum –
ógnað sjálfri lokalausninni. n
Hún var falleg stundin í Laugar-
dalnum á dögunum þar sem
krúttlegu hjónakornin, ríki og
borg, stilltu sér upp fyrir framan
fjölmenni og sýndu hróðug fyrstu
sónarmyndirnar af nýrri þjóðarhöll. Alveg kaf-
rjóð í kinnum.
Fólk ærðist úr fögnuði. Og klappaði fyrir
draumabarninu. Varla annað hægt þegar blásið
er svo hraustlega í lúðra og tilkynnt að króginn
sé svo gott sem kominn í heiminn. Að biðin sé
loks á enda og vel hægt að fara að sjá fyrir sér
andlitsmálaðar stundir á yfirfullum áhorfenda-
pöllum.
En Adam var víst ekki lengi í Laugardal. Ef
hann var yfir höfuð einhvern tímann á leiðinni
þangað.
Seinna sama dag bárust nefnilega þær fregnir
úr fjármálaráðuneytinu að sennilegast hefðu
hróðugu hjónakornin í Laugardalnum verið
full bráð á sér. Og tónninn í lúðrinum helst til
of falskur.
Það á nefnilega eftir að finna út úr því hver á
að sjá um uppeldið á draumabarninu. Það mál
er bæði óleyst og í þykkum hnút. Þótt vissulega
hafi verið ákveðið að slá upp heljarinnar veislu.
Ófæddum þjóðarkróganum til heilla.
Ef marka má orð fjármálaráðherra á reyndar
líka eftir að finna út úr því hver ber ábyrgð á
öllu glensinu. Ef svo má að orði komast. Svo
á víst líka eftir að ákveða hvert á að senda
reikninginn. Sem verður nú að teljast frekar
stór breyta í stóra samhenginu.
Samt er okkur sagt að biðin sé svo sannarlega
á enda. Allt innan seilingar í Laugardalnum.
Um meinta þjóðarhöll íslensku þjóðar-
innar ríkir því enn mjög undarlegt ástand. Þar
stendur yfir einhver stórundarleg og langvinn
forræðisdeila. Yfir ófæddu afkvæmi. Vegna þess
hve illa foreldrunum gengur að tala saman. Um
ósýnilega höll án hirðis.
Hið sorglega er svo auðvitað að landsmenn
eru farnir að venjast þessari tegund af sam-
skiptum á milli ríkis og borgar. Eða öllu heldur,
samskiptaleysi. Höllin í Laugardal er bara enn
eitt dæmið. Enn ein störukeppnin.
Hvernig stendur á því að það gengur alltaf
svona illa að fá ríki og borg til að leiða mikil-
væg mál til lykta? Og gera það í bróðerni. Þeim
virðist fyrirmunað að klára verkefni. Meira að
segja þau verkefni sem breið samstaða ríkir
um að verði að veruleika. Þetta er eiginlega að
verða sjálfsagt rannsóknarefni.
En hvað sem því líður þá mun draumurinn
um ófæddu þjóðarhöllina vísast lifa eitthvað
áfram. Sónarmyndirnar munu sjálfsagt ylja
okkur um hjartaræturnar alveg fram að næsta
blaðamannafundi.
Þar sem okkur verður sagt að biðin sé enn og
aftur á enda. n
Höll án hirðis
12 skoðun FRÉTTABLAÐIÐ 27. jAnúAR 2023
FÖsTuDAGuR