Veiðimaðurinn - 01.12.1943, Síða 32

— Fossinn —
VeiSimannahúsin í baksýn.
og mikið vatn í ánni í maímánuði, lax
verið kominn í byrjun veiðitíma.
Upptök Grímsár eru úr Reyðarvatni.
Rennur hún niður Lundarreykjadal og
Andakíl, þar til hún fellur í Hvítá
skammt fyrir ofan Hvítárvelli.
Efstu veiðistaðir í ánni eru hinar svo-
kölluðu Gullberastaðaveiðar. Ekki er
þar mikill lax enn sem komið er, en
þær eiga fyrir sér að batna, því stutt
er síðan þær voru friðaðar fyrir netum.
Lundahylur og Kotakvörn, beint fram
undan bænum að Lundi eru nú orðnir
mjög skemmtilegir veiðistaðir. Hefur
laxinum mjög fjölgað þar hin síðustu
árin. Sama er að segja um Skarðshyl.
Veiðiaðstaða er þar þó ekki eins góð
nema í hylnum Skarðsmegin.
Nú kemur langur kafli í ánni, sem
engir teljandi veiðistaðir eru, þar til
komið er að Grafarhyl. Hann er stærsti
og bezti hrygningarstaður í ánni, breið-
ur og lygn og hefur öll hin ákjósanleg-
ustu skilyrði.
Laxmergðin er þar oft ótrúlega mikil
og veit ég til að eitt sinn áður fyrr, er
dregið var á þar, fengust 160 laxar 1
einum drætti, og þó stökk laxinn á
eftir eins og aldrei hefði verið
hreyft við honum. Veiðiaðstaða er góð
báðum megin: Þó mun bezt að standa
á klapparhorninu Grafarmegin. Er það
vafalaust einn bezti flugustaður í ánni
einkum þegar vindurinn stendur niður
dalinn og vatnið er hæfilega gárað.
Við neðri enda Grafarhyls er Hross-
hylur. Laxinn sveimar oft á milli hylj-
anna og er þess vegna frekar vandhitt-
ur.
Um alla þá staði, sem nú hafa verið
nefndir er það sameiginlegt, að laxinn
kemur þangað uppeftir ekki að neinu
ráði fyrr en um miðjan júlímánuð eða
seinna.
Frá Hrosshyl niður að Strengjum eru
engir staðir teljandi. Smá strengir eru
þó framundan Mávahlíð, en lítt eru þeir
reyndir af veiðimönnum. Þá er og hyl-
ur ofan við Strengina er Klapparfljót
nefnist. Þangað fer lax, sem eftir er á
haustum í hyljunum næst fyrir neðan,
til að hrygna.
Strengirnir skiptast í þrjá veiðistaði,
efsta, mið og neðsta Streng. í Strengj-
um þessum liggur lax allt sumarið frá
því hann á annaðborð er kominn upp
fyrir foss, enda eru þeir drýgstir að gefa
lax af öllum veiðstöðum í ánni. Veiða
má báðum megin við ána, en þó munu
flestir vera Hestmegin, því þeim megin
koma menn að ánni.
Efsti strengur er mjór og straumharð-
ur ofan til, en breikarr nokkuð er kom-
ið er niður fyrir miðju og myndast þar
lygna Múlakotsmegin við klöppina. Þar
liggur laxinn mest.
Mið-strengur er þar sem breiðast er.
Þar eru rennur 1 klappirnar, sem lax-
inn liggur í. Þarf aðgæzlu við að veiða
30