Fréttablaðið - 07.03.2023, Side 18

Jóhanna María
Einarsdóttir
jme
@frettabladid.is
Íslandsmeistaramótið í
skeggvexti fer fram í fyrsta
sinn þann 25. mars næst-
komandi. Jón Baldur býst
við mikilli skeggfegurð
enda segir hann Íslendinga
þekkta fyrir einkar myndar-
legan skeggvöxt.
Jón Baldur Bogason hjá Skegg­
fjelagi Reykjavíkur sér um
keppnina en sjálfur skartar hann
myndarlegu alskeggi sem hefur
farið sigurför um heiminn. „Ég
tek ekki þátt sjálfur að þessu sinni
enda hafa margir sagt að þeir
myndu ekki vilja keppa á móti
mér og skegginu mínu. Ég ætla því
að vera þarna á staðnum, líta út
fyrir að vera mikilvægur og sjá til
þess að allt gangi smurt fyrir sig,“
segir hann og hlær.
Keppt er í fjórum flokkum: Yfir­
varaskeggi, hálfskeggi, fullu skeggi
og skeggi með frjálsri aðferð/gervi­
skeggi. „Þetta er allt eftir alþjóð­
legri flokkun en sumum flokkum
þurfti að þjappa saman þar sem
við erum ekkert sérstaklega mörg
hér á landi. Í sambærilegum
keppnum erlendis er fullskegg
flokkað aftur niður eftir lengd og
hvort menn séu með krullað yfir­
varaskegg eða ekki. Í hálfskegginu
er munur á því hvort um sé að ræða
barta eða geitaskegg. Svo ákváðum
við að sleppa freestyle­flokknum
þar sem menn búa til alls konar
listaverk úr skegginu. Það þótti
betra að byrja smátt svona fyrst
um sinn,“ segir Jón Baldur.
Yfirvaraskegg og mullet
Árið 2020 átti að halda þetta fyrsta
keppnismót í skeggvexti. „Tuttugu
höfðu þá skráð sig, nokkuð jafnt í
alla flokka og mikil eftirvænting
í loftinu. En þetta var á planinu
fimm mínútur í faraldur og því
þurfti að hætta við keppnina.
Nú hafa ellefu skráð sig á
Íslandsmeistaramótið og er von á
að fleiri skrái sig þegar nær dregur.
Mest finnst mér skrítið að það
vantar fólk í f lokkinn yfirvara­
skegg, en líklega er fólk bara enn
að láta sér það vaxa. Ég hef fulla
trú á að þetta verði fjölbreytt og
skemmtileg keppni með nóg af
flottu skeggi,“ segir Jón sem býst
við mikilli skeggfegurð þann 25.
mars.
Fullt skegg, undir
fjórum tommum og
krullað yfirskegg
Jón plataði systur sína, Maríu Erlu Bogadóttur, til að
keppa með sér í skeggkeppni í Rugby í Bretlandi 2022 og
enduðu þau bæði í fyrsta sæti í sínum flokki.
Mynd/aðsend
Jón og félag-
arnir skeggræða
málin eftir
keppni í Ant-
werpen 2019.
Mynd/aðsend
„Við Íslendingar erum þekktir
fyrir að vera með mikið skegg og
núna finnst mér skeggið vera að
koma til baka eftir faraldurinn.
Margir rökuðu það af þegar þurfti
að ganga með grímurnar, enda kom
alltaf óþolandi far í skeggið eftir
þær. Sjálfur rakaði ég mig en hélt
yfirvaraskegginu. En núna finnst
mér þetta vera að koma aftur og
ég sé marga með yfirvaraskegg og
flott mullet í stíl. Ætli það sé þó ekki
heimspekileg spurning hvort komi
á undan, klippingin eða yfirvara­
skeggið?“ spyr Jón og skellir upp úr.
Skeggið skapar manninn
Dómararnir að þessu sinni eru
þau Birgir Már Sigurðsson, einn
eigandi Þoran distillery, Katla
Einars förðunarfræðingur og Árni
Eiríkur Bergsteinsson, hárgreiðslu­
meistari hjá Hárbeitt. Þegar kemur
að keppnisvænu skeggi þá skiptir
margt máli.
„Það skiptir máli hvernig þú
hirðir skeggið og mótar það en líka
hvernig það fer þér. Það fer ekki
öllum að vera með yfirvaraskegg
en kannski líta menn betur út með
heilt skegg. Maður verður að finna
sitt. Heildarútlitið skiptir líka máli í
svona keppni. Fólk verður að hugsa
út í hárið og klæðaburðinn líka
og maður hefur jafnvel séð marga
í erlendum keppnum með bera
bringu.“
En skegg með frjálsri aðferð.
Hvað er það?
„Þessi flokkur er fyrir þau sem
geta ekki látið sér vaxa myndarlegt
skegg, aðallega konur. Hér fá menn
frjálsar hendur um hvernig skeggið
eigi að vera. Ég hef séð ýmislegt
skemmtilegt í þessum flokki og má
meðal annars nefna prjónað skegg,
ferðatöskuskegg, blómaskegg og
margt fleira. Ég sá eitt sinn eina
nota mótorhjólavarahluti til að
sníða sér skegg og það kom reykur
úr því.“
Var alla vega ekki neðstur
Jón Baldur er 36 ára og er einn af
þeim sem hafa eiginlega alltaf látið
sér vaxa skegg síðan hann gat það.
„Þetta byrjaði í kringum árið 2013.
Ég var að horfa á fréttirnar og á
meðan textinn rúllaði eftir á var
sýnt frá heimsmeistaramótinu í
skeggvexti í Austurríki eða Þýska­
landi. Þar sá ég geggjuð skegg
og hugsaði með mér að ef þeir
gætu þetta þá gæti ég það líka. Þá
byrjaði ég að safna yfirvaraskeggi.
Þó svo ekki hafi verið haldin
keppni í skeggvexti á Íslandi fyrr
en nú þá var haldin keppni í yfir­
varaskeggi á Tívolí í gamla daga,
sem var kölluð Tom Selleck mottu­
keppnin. Ég náði sjálfur að taka
þátt í henni 2015 og var það fyrsta
slíka keppnin sem ég tók þátt í,“
segir Jón. Eftir það var ekki aftur
snúið.
„Tveimur árum síðar tók ég þátt
í heimsmeistaramótinu í skegg­
vexti í Austin í Texas.“ Aðspurður
í hvaða sæti hann hafi lent þá hlær
hann dátt og segir hálfvandræða­
legur: „Við skulum segja að ég hafi
verið með. Ég held ég hafi verið í
22. eða 25. sæti af 33. Ég var alla
vega ekki neðstur,“ segir hann og
heldur áfram: „Það eru náttúru­
lega bara þeir allra bestu sem fara á
heimsmeistaramótin og þarna var
fullt af f lottum skeggjum.
Árið 2019 tók ég þátt í keppni
í Glasgow og lenti í fyrsta sæti í
mínum flokki sem er fullt skegg,
undir fjórum tommum og krullað
yfirskegg. Sama ár lenti ég í fimmta
sæti í sama flokki á heimsmeistara­
mótinu í Antwerpen í Belgíu. Í
sumar fer ég svo á heimsmeistara­
mótið í Münchhausen og stefni á að
vera í topp þremur í mínum flokki.“
Algerlega þess virði
Núna er orðið ansi langt síðan
Jón var nauðrakaður í framan.
„Síðast rakaði ég mig fyrri part árs
2014 en alla tíð síðan hef ég verið
skeggjaður,“ segir Jón. Hann segir
það ekki einfalt að sjá um andlits­
hárin. „Þetta er náttúrulega allt
of mikil vinna og miklu meiri en
hárið. Ef hárið er ekki nógu gott þá
setur maður bara húfu á hausinn.
Ég sneiði líka hjá ákveðnum
matartegundum vegna skeggsins,
helst ísnum og svínarifjum, já
og kjúklingavængjum. Þá getur
skeggið verið mikið fyrir, sérstak­
lega ef maður er að færa það til með
puttana útataða í sósu, en þetta er
algerlega þess virði,“ segir hann.
„Það skemmtilegasta við þessar
keppnir er að þær snúast alltaf
um gott málefni. Ég hef kynnst
fjöldanum öllum af skemmtilegu
fólki í gegnum þetta áhugamál. Það
er mikið til sama fólkið sem tekur
reglulega þátt. Þetta eru þó alls
konar týpur sem eiga það sameigin­
legt að vera miklar félagsverur og
finnst gaman að hittast og drekka
bjór. Svo passa allir að vera með
gott rör með sér,“ segir Jón og hlær.
Fimmta fallegasta alskeggið
Keppnin fer fram á Gauknum 25.
mars og öllum er velkomið að taka
þátt. Gjald fyrir þátttakendur og
áhorfendur er 1.500 krónur. Aldurs­
takmark inn á staðinn er þó 20 ára.
Allur ágóði af keppniskvöldinu
rennur til Krabbameinsfélagsins og
Krafts, stuðningsfélags fyrir ungt
fólk sem greinst hefur með krabba­
mein og aðstandendur. Skráning fer
fram á beard.is.
Aðspurður hvað taki við hjá
sigurvegurunum í keppninni þann
25. mars segir Jón Baldur: „Þetta
snýst náttúrulega aðallega um góð­
gerðarmálin og að geta montað sig
af því að vera með flottasta skeggið.
Sjálfur get ég montað mig af því
að ég sé með fimmta fallegasta
alskeggið í heiminum sem er undir
fjórum tommum með krulluðu
yfirskeggi. En það er nóg af plássi
að skella sér með mér til Münch­
hausen og taka þátt í heimsmeist­
aramótinu í sumar,“ segir Jón. n
Jón Baldur
segist spenntur
fyrir fyrstu
alvöru skegg-
vaxtarkeppn-
inni á Íslandi.
fréttablaðið/
ernir
4 kynningarblað A L LT 7. mars 2023 ÞRIÐJUDAGUR