Fréttablaðið - 07.03.2023, Blaðsíða 32
frettabladid.is
550 5000
RitstjóRn
ritstjorn@frettabladid.is
AuglýsingAdeild
auglysingar@frettabladid.is
PRentun & dReifing
Torg ehf.
2022 - 2025
bakþankar |
Kristbjargar
Þórisdóttur
Í Spámanninum eftir Kahlil Gibran
er fjallað um sorgina. Þar er ritað
að sorg og gleði séu systur. Báðum
systrunum kynnumst við á lífs-
leiðinni en mismikið og á ólíkum
tímapunktum. Sorgin er föru-
nautur lífsins. Hún er samofin öllu
okkar lífsferli. Sjálf kynntist ég sorg
snemma á lífsleiðinni.
Þar sem ég er miðaldra horfi
ég líka stundum á Gísla Martein.
Í síðasta þætti var meðal annars
fjallað um áföll og sorg í tengslum
við sálgæslunám Eddu Björgvins-
dóttur leikkonu. Þar kom meðal
annars fram sá mikilvægi punktur
að við lærum líklega of lítið um
sorgina og hvernig við eigum að
bregðast við þegar hún bankar upp
á. Því þurfum við að breyta.
Sem sálfræðingur hitti ég oft fólk
sem er að takast á við sorg. Sorgin
sem slík þarfnast ekki klínískrar
meðferðar. Hún er eðlileg viðbrögð
við þeim missi sem hefur orðið.
Þegar fólk upplifir sorg er gott að
veita fræðslu, hlýju og stuðning.
Stundum kemur sorgin vegna
áfalls. Það er flókin flétta því áfallið
getur komið í veg fyrir að sorgin fái
að hafa sinn eðlilega gang. Í slíkum
tilfellum getur fólk þurft klíníska
meðferð sálfræðings.
Ég gæti skrifað heila bókaröð
um skortinn á aðgengi að slíkum
meðferðum. Það sem mig langar
hins vegar að koma inn á hér er
mikilvægi þess að við sem sam-
félag komum okkur upp teymi og
skýrum verkferlum sem tryggja
stuðning og sálfræðimeðferð fyrir
fólk sem verður fyrir því áfalli
að missa barn. Það er óásættan-
legt að fólk sem verður fyrir slíkri
lífsreynslu fái tilviljanakennda
þjónustu í okkar ófullkomna geð-
heilbrigðiskerfi. n
Sorg
Kynntu þér
dreifingu
Fréttablaðsins
Skannaðu kóðann í
snjalltækinu þínu
Nánari upplýsingar
www.frettabladid.is/stodsidur/dreifing
Veldu páskaegg frá Nóa
sem passar þér!
Páskaeggin frá Nóa Síríus eru tilbúin. Það eru spennandi nýjungar í
boði og egg sem hæfa öllum. Þau eru nefnilega allskonar, sæt stökk,
smá og stór en fyrst og fremst ómótstæðileg.
Skoðaðu úrvalið, veldu og njóttu!
N Ó I S Í R Í U S