Veiðimaðurinn - 01.08.1984, Side 17

í hylnum. Á fimm tímum lönduðum við
þarna átján löxum. Það var alltaf fiskur á.
Lengstan tíma tók 18 punda hængur, sem
Runólfur setti í. Þetta var mjög erfiður
dreki, og það tók Runólf tæpan hálftíma
að fást við hann.
Þá voru ekki komnir þessir góðu burð-
arpokar. Við vorum bara með strigapoka.
Hann var orðinn fullur klukkan sjö, og þá
hættum við.“
Frá ýmsum ám
„Ég veiddi nokkrum sinnum í Mið-
fjarðará og fannst hún feikilega skemmti-
leg, sérstaklega Austuráin, sem er drauma-
land fyrir náttúrubarn eins og mig. Hún er
svo tröllaukin, og þar eru óhemjufallegir
veiðistaðir.
Einnig eru margir skemmtilegir staðir
í Vesturánni. Jafnvel í efri Kistunni er
hægt að veiða á flugu, en þá verður maður
að vera með þunga flugu og sökklínu. Ég
held, að margir athugi þetta ekki nógu vel,
að koma flugunni vel niður. Ég hnýti oft
flugur, sem ég þyngi með koparvafi. Mér
fínnst betra að þyngja þær strax í hnýting-
unni, því að flugan fer ekki eins vel á girn-
inu, ef blýi er bætt á síðar. Það truflar jafn-
vægið.
Brekkulækjarstrengirnir í Miðfjarðará
og Grjóthylurinn fannst mér líka mjög
skemmtilegir veiðistaðir.
Ég veiddi lengi á miðsvæðinu í Laxá í
Kjós. Þá var SVFR með ána, en þannig
var, að miðsvæðið seldist illa, og þá var
leitað til okkar, nokkurra félaga, og við tók-
um þetta. Svo endaði það auðvitað með
því, að við vorum blóðöfundaðir. En þarna
átti ég margar ágætar stundir.
Stundum fékk maður úthlutun á neðra
svæðinu, en það var alltaf mjög knappt.
Þar fékk ég einn 18 pundarann minn, í
strengnum beint fyrir neðan brúna, sem
þá var kallaður Bláhylur, að því er Einar
Tómasson sagði mér. Við Jón Eyjólfsson
vorum þarna saman, og fengum sína þrjá
hvor, alla á þessum sama stað.
Og svo eru það Strengirnir í Grímsá.
Mér finnst þeir alveg dásamlegir. Hann
tekur ákaflega skemmtilega þar. Það eru
Jóhann ogjón Sveinsson við Nautastreng íNorðurá um 1962 (ijó,m Jón Sveinsson, sjáUtakari)
VEIÐIMAÐURINN
15