Veiðimaðurinn - 01.08.1984, Page 43

Víglundur vitnar í Steingrím Thor-
steinsson, og er það vel. Boðskapur Stein-
gríms var góður, og er það enn. Þó lýsir
grein Víglundar mest honum sjálfum, og
gott er að fá að njóta hans.
Eg þakka fjölbreytnina í blaðinu og
alúðina, sem lögð er við það.
Mér líkar vel, að þið skylduð birta
sögurnar hans Leifs Sveinssonar. Ykkur
Leifi þakka ég skemmtunina. Eg styð
ykkur í því að hafa eina eða tvær opnur í
blaðinu okkar fyrir gamansögur. Þær þurfa
ekki endilega að vera um veiðiskap. Eg vil
hvetja félaga í SVFR til að senda Veiði-
manninum góðar gamansögur. Þær krydda
tilveruna.
Stangaveiðimenn eru einhvern veginn
þannig gerðir, að þegar þeir eru beðnir um
veiðisögu, vefst það fyrir þeim. En í fyll-
ingu tímans kemur svo góð veiðisaga.
Fræðsluefni og frábærar myndir þakka
ég og vona, að þetta verði áfram aðalefni
blaðsins.
Að endingu þetta: Það hafa orðið tíma-
mót í blaðinu okkar.
Með veiðikveðjú.
Eyjólfur Ágústsson.
4 ♦ 4
Reykjavík, 16.06. 1984.
Ágætu ritstjórar.
Ég vil byrja á því að þakka vandað og
skemmtilegt blað og allar þær ánægju-
stundir, sem það hefur veitt mér og mörg-
um öðrum þeim, er á svipuðu andlegu
svæði eru staddir. Síðan ætla ég að snúa
mér að efninu, sem er að biðja ykkur að
koma á framfæri einni leiðréttingu.
í 113. tbl. Veiðimannsins, jólablaði
1983, birtist frásagnarkorn frá Svartá í
Húnavatnssýslu og með því mynd af veiði-
stað þeim, er þar er nefndur Gjáarendi.
Hið rétta er, að þessi fallegi hylur heitir
Skeggsstaðahorn.
Reyndar er það svo, að Gjáarendanafnið
hefur verið notað af veiðimönnum síðustu
árin, sem líklega hafa líka gefið staðnum
þetta nafn, en eðlilegra verður að teljast
að nota gömul nöfn, ef tekst að hafa upp á
þeim.
Við gerð nýs veiðikorts af Svartá í vetur
nutum við leiðsagnar Árna Björnssonar,
félaga í SVFR, sem uppalinn er á Skeggs-
stöðum og var reyndar eina tíð leigutaki
Svartár, varðandi nöfn á neðri hluta efsta
svæðis árinnar. Nú í vor hafa þeir Pétur
Sigurðsson frá Skeggsstöðum og Friðrik
Björnsson bóndi á Gili bætt við upplýsing-
um um þetta svæði, og reyndar alla ána.
Við þetta hafa nokkrir staðir, sem áður
voru taldir nafnlausir, eða undir samheit-
inu „í Gjánni“, fengið sín réttu nöfn, sem
öll eiga sínar eðlilegu skýringar og falla vel
að landi og sögu Svartárdals.
Ef einhver, eftir að hafa séð kortið, sem
notað er í sumar, telur sig hafa meiri eða
betri upplýsingar, vil ég eindregið hvetja
viðkomandi til að koma þeim á framfæri
við mig eða Karl Björnsson, og vinna
þannig að því, að gömul örnefni glatist
ekki.
Einhvers staðar í framtíðinni bíður svo
fullkomnara veiðikort af Svartá.
Með þökk fyrir birtinguna.
Grettir Gunnlaugsson.
VEIÐIMAÐURINN
41