Veiðimaðurinn - 01.04.2009, Qupperneq 46

BRÉF FRÁ VEIÐIMÖNNUM
TVÆR BLEIKJUR Á í EINU
Ari og Jónas segja frá ævintýralegri Grænlandsför.
Til að krydda fibreytta tilveru okkar sumarið
2008 ákváðum við að fara sex saman til Nuuk
á Grænlandi í lok ágúst í bleikjuveiði. Þessi
ferð varð sú eftirminnilegasta það sumarið því enginn
okkar hafði lent í annarri eins veiði. Bleikjurnar sem
við náðum töldust í hundruðum þessa þijá daga sem
fengum að veiða. Allar veiddust á flugu og flestum
var sleppt aftur eins og venja er á þeim slóðurn.
A morgnana sigldum við yfirleitt eina klukku-
stund á hraðbát áður en við komunr að veiðiánni.
Síðan var gengið í rúman klukkutíma áður en við
komum að íýrstu hyljunum.Við ætluðum ekki að
trúa okkar eigin augum þegar við sáum torfurnar
í hyljunum. Það var bara blámi sem var oft tugir
fermetra að umfangi, eingöngu bleikjur. Þegar
maður kastaði varlega var yfirleitt strax fiskur á.
Ein áin sem við kunnum ekki nafnið á átti upptök
sín í stöðuvatni sem var fiskgengt. Okkur var sagt
að þar væri oft góð veiðivon í útfallinu. Þegar við
komum þangað gáraði vatnið og enginn fiskur
sást. Samt var kastað og fljótlega hljóp fiskur á.
Síðan lygndi aðeins og þá sást ein stærsta bleikju-
torfa sem við höfuni augum litið. En hvegu átti
að kasta á torfuna?
Við prófuðum rauðgulan Nobbler sem gafnokkra
fiska, síðan Heimasœtuna sem gaf líka. Síðan voru
hinar og þessar flugur prófaðar og gaf okkur einna
best á Síli bleikt. Síðan var farið yfir fluguboxið og
þá uppgötvuðum við tvo Súdda sem Jónas hafði
hnýtt fyrir Súdda leiðsögumann í Breiðdalnum til
sjóbleikjuveiða. Um leið og hún kom í vatnið var
bleikja á og svo önnur og önnur.Jónas prófaði því
að setja hinn Súddann á „dropper" og þá fékk
hann tvær bleikjur á í einu. Það var ekki leiðinlegt
að vera með stöng fyrir línu 5 og þreyta tvær
þriggja punda bleikjur samtímis. Þetta var hins
vegar svolítil kúnst að fá tvær til að taka í sama
kastinu. Best reyndist að láta þá sem var fyrri til að
taka fluguna draga út línuna og yfir torfuna.
Þannig landaði doktorinn þrisvar sinnum tveimur
bleikjum í einu.
Ari ÞórSarsoti og dr. Jónas Jónasson
em áhugamenn um stangveiði
Flugfélag Islands býður upp á ævintýraferðir
til Grænlands. jlugfelag.is