Veiðimaðurinn - 01.04.2009, Page 50

Tálmi 11 - Úrhylur
bleikju á þessum stað snemmsumars og liggur hún oft í enda
strengsins ofarlega.
Tálmi 6 - Hólmabrekkur
Hólmabrekkur er fyrsti staðurinn í Tálma fyrir neðan
hraunkantinn. Þarna sameinast tvær kvíslar og er aðal
tökustaðurinn neðan til þar sem áin hægir á sér. Helst er að fá
bleikju á þessum stað með andstreymisveiði en af og til veiðist
þarna lax síðsumars.
Tálmi 8 - Skógargljúfur
VEIÐISTAÐIR FYRIR
OFAN TÁLMAFOSSA
Skógargljúfur er kyngimagnaður staður rétt ofan viðTálmafossa.
Eins og íTálmafossum má segja að Skógargljúfur geymi nokkra
veiðistaði. Bæði fyrir ofan og neðan skiltið er merkir staðinn. Að
jafnaði er besti staðurinn þar sem skiltið er. Þar er mjó renna í
ánni og getur fiskurinn legið beggja vegna í rennunni alveg niður
á brot.
Tálmi 7 - Tálmafossar
Tálmafossar eru einn af fallegri veiðistöðunum á vatnasvæði
Hítarár.Tálminn fellur niður meðfram hraunkantinum í mörgum
litlum fossum og flúðum. Umhverfi Tálmafossa er dulúðugt og
fagurt. Segja má að Tálmafossar séu í raun átta mismunandi
veiðistaðir. Ofantil eru nokkrir litlir fossar sem laxinn stansar oft
í á leið sinni í Grjótánna. Neðantil fellur áin niður í djúpan hyl
sem geymir laxa mest allt sumarið. Þennan hluta Tálmafossa er
best að veiða ofan við klettinn á bakkanum austanmegin. Rétt
fyrir neðan þennan hyl tekur áin beygju til austurs og á þessu
svæði eru nokkrir hyljir sem allir geta geymt fisk. Neðst í
Tálmafossum er falleg breiða og er þessi staður skemmtilegur
flugustaður. Hér liggur fiskurinn milli mosavaxinna steina og
erfitt að koma auga á hann þó að horft sé næstum beint niður í
hylinn ofan af hrauninu. Fara verður varlega að öllum hyljunum
í Tálmafossum og eins og í öðrum stöðum í Tálma og Grjótá skal
veiða staðinn fyrst áður en hann er skyggndur.
Tálmi 9 - Rauðhóll
Rauðhóll dregur nafn sitt af rauðleitum vikurhól á bakkanum
vestanmegin. Meðfram Rauðhólnum er grunnur strengur og
liggur laxinn við landíð að vestanverðu ef hann er á þessum stað
á annað borð. Gott er að fara yfir þennan stað með flugu og getur
laxinn legið á örgrunnu vatni neðantil í staðnum ef vatn er gott.
Síðasta sumar var töluvert um að lax stoppaði í strengnum og
fengust þónokkrir á mismunandi Frances-flugur.
Tálmi 10 - Hólmi
Einn af betri bleikjuveiðistöðum í Hítará II. Frábær staður til
þurrfluguveiða þegar aðstæður bjóða upp á það. Bleikjan getur
legið á ýmsum stöðum í Hólma en mest er hún við landið
vestanvert þar sem kvíslarnar koma saman aftur. Af og til veiðist
lax í Hólma og liggur hann í strengnum sem myndast þegar
kvíslarnar koma saman.
50
4'09