Veiðimaðurinn - 01.04.2009, Qupperneq 56

Grjótá 31 - Efstabreiða
lítið yfir sér en á milli steinanna er hægt að hitta á lax. Fer mikið eftir
vatnsmagni hvar fiskurinn heldur sig. Eitt sinn er ég var þarna við
veiðar þá fór ég niður að þessum stað og renndi á undan mér maðki.
Þegar ég var búinn að fara í gegn um allan staðinn lágu fjórir fiskar á
bakkanum og var enginn af þeim á sama stað. Þetta er svolítið lýsandi
fyrir Gq'ótá. A göngutíma er hægt að hitta á fisk hvar sem er.
Grjótá 24 - Minkurinn
Minkurinn er lítill foss rétt ofan við Mosa. Undir fossinum er
ekki hylur og er því laxinn í strengnum við útfallið úr hylnum.
Liggur hann við landið austanvert og oft fast upp við land. Þessi
staður er veiddur með maðki.
Grjótá 25 - Fossbreiða
Fossbreiða er djúpur hylur í framhaldi af Fosshyl. Fara verður varlega
að þessum stað til að styggja ekki lax sem getur verið í hylnum.
Laxinn liggur þar sem grynnkar upp við steina sem eru í botninum
austan megin. Best er að veiða þennan stað með maðki.
Grjótá 26 - Fosshylur
Fosshylur er nokkrum metrum ofan við Fossbreiðu og er fallegur
hylur niðurundan einum affossum Grjótár. Laxinn liggur neðan
við hvítfyssið og stundum, þegar vatn er gott, i útfallinu þar sem
fellur ofan í Fossbreiðu. Best er að koma að þessum stað að ofan
og renna maðki niður í hylinn.Við löndun er hætta á að maður
trufli hylinn svo fara verður varlega.
Grjótá 27 - Fossbrún
Frá Flathyl er þó nokkur spotti niður að Fossbrún. Fossbrún er litili
hylur ofan við Fosshylinn og er helst að hitta á fisk á þessum stað í
göngu. Ekki hefbr verið skráður fiskur á þessum veiðistað í mörg ár.
Grjótá 28 - Flathylur
Neðan við Múlaselsstreng tekur við nokkurt svæði þar sem
veiðivon er dauf. En margir veiðimenn ganga fram hjá Flathyl og
halda að ekki sé nokkur fiskur í honum. Enda lætur hann lítið
yfir sér. Oft er hægt að hitta hér á fisk en það er misjafnt milli ára.
Ain rennur þarna í stuttum streng niður í grunnan hyl með
steinum á víð og dreif. Á milli þessara steina liggur oft lax en þar
sem straumurinn er hægur er erfitt að koma agninu rétt að
fiskinum og vegna steinanna er erfitt að nota flugu.
Grjótá 29 - Múlaselsstrengur
Rétt neðan við Hraunkarl beygir áin til vesturs og rennur í streng
meðfram hraunkanti. Neðantil í strengnum eru nokkrir steinar
sem lax liggur við ef hann er á staðnum. Þegar ég veiði þennan
stað læt ég maðkinn síga hægt og rólega niður strenginn að
steinunum. Helst er að hitta á fisk á þessum stað i göngu.
56
4'09