Veiðimaðurinn - 01.04.2009, Page 57

Grjótá 30 - Hraunkarl
Hraunkarl dregur nafn sitt af háum hraundranga sem áin skríður
meðffam að austanverðu. Misjafnt er hvar laxinn liggur eftir vatnshæð
en oftast er hann utan við aðal strenginn neðantil í hylnum. Best er að
standa við klettinn að vestanverðu og renna maðki niður með
strengnum. Ef lax tekur þá vandast málið því ekki kemst maður niður
með hraundranganum og því eina ráðið að teyma fiskinn upp
strenginn og landa honum í lítilli vík ofan við hraundrangann. I
fýrrasumar vorurn við þarna félagarnir með börnin okkar og einn
morgtininn fengust þrír maríulaxar úr þessum stað. AUir um 5 pund.
Grjótá 31 - Efstabreiða
Efstabreiða er einn af faum veiðistöðum í Gijótá sem vel er hægt að
veiða með flugu. Efitabreiða er löng renna sem breiðir fallega úr sér.
Lax getur legið hvort heldur sem er, uppi í rennunni eða fossinum og
alveg niður á brot. Fara verður varlega að þessum stað og er auðvelt
að skemma fyrir sér með því að byrja að skyggna staðinn. Best er að
byija að veiða þennan stað uppi við fossinn og fera sig hægt og rólega
niður á breiðuna. Mjög skemmtilegt er að veiða neðri hlutann með
gárutúbu eða smáflugum. Oft er flugan komin fast að landinu þegar
laxinn tekur og verður takan því oft grönn og miklar líkur á að
fiskurinn losi sig af. Eitt sinn var ég við veiðar á þessum stað með
góðum felaga.Vorum við búnir að fa sinn fiskinn hvor. Renndi ég
maðki niður í strenginn fyrir neðan fossinn og fljótlega fann ég að
nartað var í. Beið ég nokkra stund eftir að fiskurinn væri búinn að
taka aknennilega. En hvað gerðist? Það var allt fast hjá mér. Öngullinn
hafði lent á milli mosavaxinna steina og fest þar. Á meðan ég reyndi
að losa festuna þá beið felagi minn ekki boðanna og renndi maðki
undir línuna hjá mér og viti menn, eftir skamma stund var lax kominn
á hjá honum og ég enn með allt fast í botni.Var því fatt um góð ráð
hjá mér annað en slíta. Aðstoðaði ég svo félaga minn að landa og
innan skamms var falleg 6 punda hrygna komin á land.
Grjótá 32 - Efstifoss
Efstifoss er efsti veiðistaður í Gijótá. Ekki veiðist mikið í Efstafossi
en af og til fæst þar fiskur. Helst þegar nóg vatn er í ánni. Ef lax
er í Efstafossi liggur hann í rennu við landið að vestanverðu.
Grjóta ofan við Efstafoss
Fyrir ofan Efstafoss er hægt að hitta á staðbundinn urriða sem
kernur úr Gijótárvatni. Af og til hef ég séð urriða skráðan í
Grjótá ofan við Efstafoss. Veiðst hafa urriðar allt að 5 pundum
fyrir neðan Gijótárvatn. En þetta svæði er lítið stundað.
Veiðisvæði Hítarár II er víðfemt og fjölbreytt og gerir misjafnar
kröfur til veiðimanna.
Höfundurinn Reynir Þrastarson er í árnefnd Hítarár og hefur
verið leiðsögumaður við ána um árabil.
4 09
57