Fréttablaðið - 14.03.2023, Blaðsíða 6

Birgir Ármannsson er
einangraður í forsætis-
nefnd Alþingis því
að allir aðrir nefndar-
menn vilja birta grein-
argerðina.
Úttekt Ríkisendur-
skoðunar leiddi í ljós
að 14 af 16 rekstrarleyf-
um sjókvíaeldis eru á
hendi félaga undir yfir-
ráðum þriggja norskra
fyrirtækja.
Flest börn greindust
níu ára gömul.
kristinnhaukur@frettabladid.is
HEILBRIGÐISMÁL 78 börn hafa verið
greind með tengslaröskun á Barna-
og unglingageðdeild Landspítalans
frá árinu 2002. Flest árið 2017, eða
tíu talsins.
Þetta kemur fram í svari Willums
Þórs Þórssonar heilbrigðisráðherra
við fyrirspurn Evu Sjafnar Helga-
dóttur, þingmanns Pírata.
Tengslaröskun er flókin geðrösk-
un sem á oft rætur sínar í vanrækslu
barns á fyrstu árum þess. Röskunin
getur komið fram í hegðunarvanda-
málum, samskiptaerfiðleikum og
skertri tilfinningastjórnun.
Flest börnin greindust við níu ára
aldur, eða ellefu talsins. Aðeins eitt
barn greindist undir fimm ára aldri
en það var eins árs. n
Hátt í áttatíu með tengslaröskun
bth@frettabladid.is
SVEITARSTJÓRNIR Áhrif af tillögu
starfshóps um breytingu á úthlutun
framlaga úr Jöfnunarsjóði mæta
harðri andstöðu oddvita fámennra
sveitarfélaga.
Bragi Þór Thoroddsen, sveitar-
stjóri í Súðavíkurhreppi, segir að hið
opinbera, með Sigurð Inga Jóhanns-
son innviðaráðherra í fararbroddi,
sé að bregðast við ósigri eftir að hafa
orðið afturreka með hugmyndir um
að engin sveitarfélög á landinu yrðu
fámennari en 1.000 manns.
„Þessar tillögur eru hefndargjöf
frá Sigurði Inga,“ segir Bragi.
Tillögurnar bitna sérlega illa á
sveitarfélögum á Vestfjörðum. Ísa-
fjarðarbær myndi missa mestar
tekjur eða 171 milljón ef tillögur
starfshópsins ná fram að ganga.
Næst est missir Reykhólahreppur
eða um 92 milljónir króna.
Súðavíkurhreppur, sem fékk
tæplegar 117 milljónir í síðustu
úthlutun, fengi eftir breytingu
rúmar 50 milljónir. Mismunurinn
er 66 milljónir eða um 57 prósent.
Tekjurnar úr Jöfnunarsjóði hafa
verið nálægt 40 prósent af öllum
tekjum Súðavíkurhrepps að sögn
sveitarstjórans.
„Það er hægt að líta þannig á að
það sé verið að svelta sveitarfélög til
sameiningar en ég held þetta snúist
ekki síður um persónulegan hug,“
segir Bragi. Hann vitnar til harðra
átaka fyrir nokkrum árum á vett-
vangi Sambands sveitarfélaga.
Bragi viðurkennir að 237 íbúar
sé ekki hagkvæm stærð en fámenn
fjölkjarna sveitarfélög sitji ekki við
sama borð og önnur. Yfirbygging
Súðavíkurhrepps sé engin, síðasta
opinbera starfið sé að hverfa og
engar fiskveiðiheimildir eftir.
„Ætli ég verði ekki tíður gestur
hjá Lánasjóði sveitarfélaga ef þessar
breytingar ná fram að ganga.“
Á r neshreppu r, f á menna st a
sveitarfélag landsins, myndi missa
allar tekjur úr Jöfnunarsjóði, fengi
núll krónur í stað 11 milljóna króna
áður. n
Sakar Sigurð Inga um að hefna sín
með niðurskurði á tekjustofnum
Sigurður Ingi
Jóhannsson,
innviðaráðherra
Bragi Þór Thor-
oddsen, sveitar-
stjóri í Súða-
víkurhreppi
benediktboas@frettabladid.is
FISKELDI Í bókun Hafnasambands
Íslands um stjórnsýsluúttekt Rík-
isendurskoðunar um sjókvíaeldi
kemur fram að óskýrt sé hvernig
eigi að rukka hafnargjöld af sjókvía-
eldi.
„Skýrslan endurspeglar og dregur
fram hve litla aðkomu sveitarfélögin
hafa haft að umgjörð atvinnu-
greinarinnar, ákvarðanatöku og
stefnumótun er varðar hana. Í þeirri
vinnu sem fram undan er á grund-
velli skýrslunnar er nauðsynlegt að
sveitarfélögin og hafnarsjóðir komi
að þeirri vinnu ásamt samtökum
þeirra,“ segir í bókuninni. n
Hafnir landsins vita ekki hvernig eigi
að rukka hafnargjöld af sjókvíaeldi
Úttektin leiddi í ljós að umgjörð sjókvíaeldis einkennst af veikburða og
brotakenndri stjórnsýslu. FRÉTTABLAÐIÐ/ANTON BRINK
benediktboas@frettabladid.is
SAMGÖNGUR Björgunarsveitir á
Austurlandi voru við störf í gær á
fjallvegum austanlands og aðstoð-
uðu fjölda manns sem komust ekki
leiðar sinnar sökum veðurs.
Í tilkynningu frá Landsbjörg
kemur fram að á Fagradal var tals-
vert um að ferðamenn kæmust ekki
leiðar sinnar. Veðrið var slæmt og
skyggni lítið sem ekkert á köflum.
Töluverðir skaflar höfðu myndast
á leiðinni og sóttu björgunarsveitir
fólk úr að minnsta kosti fimm
bílum, og þar á meðal snjóruðnings-
tæki sem hafði lent út af veginum.
Fólk hafði ýmist fest bíla sína,
eða ekið út af veginum. Flestir voru
ferðamenn en einhverjir heima-
menn sem voru að fara á milli
byggðarlaga vegna vinnu.
Á Möðrudal varð árekstur tveggja
bíla. Ekki urðu slys á fólki en bílarn-
ir voru ekki ökuhæfir og fékk fólk
far til byggða. n
Heimamenn og ferðamenn í mestu
vandræðum að komast yfir Fagradal
Mynd frá aðgerðum á Fagradal. MYND/LANDSBJÖRG
Þingmenn
gagnrýndu
leyndarhyggju
Birgis Ármanns-
sonar harðlega
á Alþingi í gær.
FRÉTTABLAÐIÐ/
ERNIR
Synjun Birgis Ármannssonar,
forseta Alþingis, um að birta
greinargerð Sigurðar Þórðar-
sonar um Lindarhvolsmálið er
í trássi við upplýsingalög, sam-
kvæmt lögfræðiáliti sem for-
sætisnefnd Alþingis lét gera.
Þá er synjunin einnig brot á
þingsköpum, samkvæmt öðru
lögfræðiáliti sem Fréttablaðið
hefur undir höndum.
olafur@frettabladid.is
STJÓRNSÝSLA Flóki Ásgeirsson,
lögmaður hjá Magna lögmönnum
og sérfræðingur í stjórnsýslurétti,
komst að þeirri niðurstöðu í lög-
fræðiáliti sem hann vann árið 2021
fyrir forsætisnefnd Alþingis að
nefndinni væri ekki bara heimilt að
afhenda fjölmiðlum greinargerð Sig-
urðar Þórðarsonar, fyrrverandi setts
ríkisendurskoðanda, um starfsemi
Lindarhvols heldur bæri nefndinni
beinlínis skylda til að gera það.
Þá hefur Fréttablaðið undir
höndum annað lögfræðiálit frá Lög-
fræðistofu Reykjavíkur, sem kemst
að þeirri niðurstöðu að samkvæmt
þingsköpum sé forsætisnefnd fjöl-
skipuð, líkt og aðrar nefndir þings-
ins, sem þýðir að vilji meirihluta
nefndarinnar ræður niðurstöðu
mála en ekki forseti þingsins einn,
eins og verið hefur túlkun Birgis
Ármannssonar. Samkvæmt því
hefur Birgir setið á greinargerðinni í
trássi við þingsköp og skýrt lögfræði-
álit Flóka Ásgeirssonar um að skylt sé
að birta hana.
Birgir hefur sagt mótmæli stjórnar
Lindarhvols og Ríkisendurskoðunar
ráða mestu um að hann vilji ekki
afhenda greinargerðina.
Forsætisnefnd reyndi ítrekað að fá
afstöðu stjórnar Lindarhvols (stjórn
Lindarhvols er raunar ein mann-
eskja, Esther Finnbogadóttir, starfs-
maður fjármálaráðuneytis Bjarna
Benediktssonar) til þess hvort ein-
hverjar upplýsingar í greinargerð-
inni skyldu fara leynt.
Esther hefur engin svör sent held-
ur jafnan mótmælt því að greinar-
gerðin yrði birt. Hún hefur í engu
sinnt óskum forsætisnefndar um að
veita upplýsingar um atriði í greinar-
gerðinni sem skyldu fara leynt.
Að lokum gafst forsætisnefnd upp
á að reyna að fá slíkar upplýsingar
hjá Esther og fól Flóka Ásgeirssyni
að leggja mat á hvort og þá að hvaða
marki væri að finna viðkvæmar upp-
lýsingar í greinargerðinni sem leynt
skyldu fara.
Í ágúst 2021 skilaði Flóki minnis-
blaði til forsætisnefndar þar sem
fram kemur afgerandi niðurstaða
um að engar viðkvæmar upplýs-
ingar sé að finna í greinargerðinni.
„… er það niðurstaða undirritaðs að
skylt sé samkvæmt 1. mgr. 5. gr. upp-
lýsingalaga nr. 140/2012, sbr. 1. mgr.
91. gr. laga nr. 55/1991 um þingsköp
Alþingis, að veita almenningi aðgang
að greinargerð setts ríkisendurskoð-
anda án takmarkana.“
Á fundi forsætisnefndar 4. apríl
2022 var minnisblað Flóka lagt fram
og formleg ákvörðun tekin, að til-
lögu Birgis Ármannssonar þingfor-
seta, um að veita aðgang að greinar-
gerðinni án takmarkana.
Álit Flóka varð opinbert eftir að
úrskurðarnefnd upplýsingamála
úrskurðaði um að það skyldi birt
síðastliðinn miðvikudag.
Allir í forsætisnefnd ítrekuðu
vilja sinn til að birta greinargerðina
á fundi forsætisnefndar, mánu-
daginn 6. mars, og ljóst er að Birgir
Ármannsson er einangraður í mál-
inu í nefndinni. Fréttablaðið sendi
forsætisnefnd í gær lögfræðiálit Lög-
fræðistofu Reykjavíkur um að forseti
þingsins skuli framfylgja ákvörðun-
um meirihluta nefndarinnar, annað
sé brot á þingsköpum, auk þess sem
ítrekuð var beiðni um að fá greinar-
gerð Sigurðar Þórðarsonar afhenta
með vísun í bæði þessi lögfræðiálit.
Í umræðum um störf forseta á
Alþingi í gær gagnrýndu þingmenn
Birgi Ármannsson harðlega fyrir að
halda greinargerðinni leyndri fyrir
þingi og þjóð. n
Synjun brot á þingsköpum
6 FRÉTTIR FRÉTTABLAÐIÐ 14. MARS 2023
ÞRIÐJUDAGUR