Skessuhorn - 30.11.2022, Blaðsíða 2

MIÐVIKUDAGUR 30. NÓVEMBER 20222
Útgáfan til jóla
VESTURLAND: Skessu-
horn mun koma út vikulega til
jóla. Miðvikudagana 7. og 14.
desember, en Jólablað Skessu-
horns verður gefið út þriðju-
daginn 20. desember, degi fyrr
en venjulega. Það er gert til að
tryggja að það berist öllum
áskrifendum í tæka tíð fyrir
hátíðirnar. Jólablaðið verður
síðasta blað ársins og jafn-
framt það stærsta. Fyrsta blað
nýs árs kemur út miðviku-
daginn 4. janúar. -mm
Fatagámur við
Íþróttahúsið
BORGARNES: Í tilkynn-
ingu frá Vesturlandsdeild RKÍ
kemur fram að fatagámur
Rauða krossins í Borgarnesi
hefur nú verið færður og er við
Íþróttahúsið. „Við þökkum
fyrir ykkar framlag til Rauða
krossins og til umhverfismála
um leið og við minnum á að
einnig er hægt er að fara með
fatnað í Gámastöðina á Sól-
bakka. Það er alveg bannað að
skilja eftir poka eða dót fyrir
utan fatagáminn. Göngum
snyrtilega um og njótum þess
að láta gott af okkur leiða,“
segir í tilkynningu frá Vestur-
landsdeild RKÍ. -mm
Gunnar ráðinn
hafnarstjóri
F A X A F L Ó I :
Gunnar Tryggva-
son er nýr hafnar-
stjóri Faxaflóa-
hafna. Stjórn
Faxaflóahafnar samþykkti
ráðningu hans á fundi sínum
25. nóvember síðastliðinn en
Gunnar hefur verið starfandi
hafnarstjóri frá maí síðast-
liðnum. Í tilkynningu frá Faxa-
flóahöfnum segir að stjórnin
hafi byggt ákvörðun sína á
tillögu ráðgefandi hæfnis-
nefndar sem hafi mælt ein-
róma með ráðningu Gunnars
í stöðuna. -gbþ
Skoða breytingar
á Akraneshöll
AKRANES: Fram kom á
fundi skipulags- og umhverfis-
ráðs Akraneskaupstaðar
sl. mánudag að fyrir liggi
kostnaðar áætlun vegna við-
gerða eða breytinga á ytri
klæðningu Akraneshallar-
innar. Ásbjörn Egilsson verk-
efnastjóri fór yfir hugmyndir
varðandi viðhald á ytra byrði
hússins og jafnframt yfir hug-
myndir um að einangra húsið
og ná meiri hita inn í það að
vetrarlagi. Ráðið fól Ásbirni
frekari vinnslu málsins í sam-
vinnu við helstu hagsmunaað-
ila. -vaks
Til minnis
Fyrsti í aðventu var síðasta
sunnudag og þar með hófst
jólaundirbúningurinn formlega.
Kveikt var á jólatrjám víðs vegar
um landið og jólaskreytingar
settar upp innan sem utan dyra
á húsum. Það hefur færst í vöxt á
síðustu árum að fólk skreytir hús
sín og setur jólaseríur miklu fyrr
en áður var gert sem er bara hið
besta mál. Ekki veitir af í svartasta
skammdeginu, einkum þegar
jörð er auð, og alltaf skemmti-
legt að sjá vel skreytt hús út um
allan bæ.
Veðurhorfur
Á fimmtudag eru líkur á sunnan
10-18 m/s, hvassast vestast og
skúrir víða um land, en hægara
og bjartviðri á Norður- og Austur-
landi. Hiti 3 til 8 stig. Á föstudag
má búast við suðlægri átt, 3-10
m/s og víða skúrum, en slydduél
á Vestfjörðum og bjartviðri norð-
austan til. Hiti 0 til 7 stig, mild-
ast syðst. Á laugardag má gera
ráð fyrir hægri breytilegri átt og
víða bjartviðri, en sunnan kaldi
og skýjað vestast. Hiti í kringum
frostmark. Á sunnudag verður
suðvestanátt, skýjað með köflum
og hlýnar heldur. Dálítil væta
vestan til um kvöldið.
Vestlendingur
vikunnar
Snjólfur Björnsson opnaði í haust
Sjúkraþjálfun Stykkishólms í
íþróttamiðstöðinni þar í bæ og
hefur sinnt skjólstæðingum þar
tvo daga í viku síðan þá. Hann
hefur sett stefnuna á Hólminn
og hyggst ásamt konu sinni,
Björgu Gunnarsdóttur, flytja
þangað alfarið þegar líður á
næsta ár. Snjólfur og Björg eru
Vestlendingar vikunnar að þessu
sinni.
Vel hefur gengið hjá Límtré
Vírneti undanfarið og horft hefur
verið til þess að bæta tækjabúnað í
öllum deildum fyrirtækisins til að
mæta auknum verkefnum og stytta
afgreiðslutíma. Fyrirtækið er með
starfsstöðvar á þremur stöðum í
dag; í Reykjavík, á Flúðum og í
Borgarnesi.
Í Borgarnesi er framleitt valsað
stál og ál til klæðninga utanhúss
og innanhúss, ásamt framleiðslu á
milliveggjastoðum úr stáli. Þar er
einnig blikksmiðja og járnsmiðja auk
framleiðslu á ýmiskonar lykkjum
og beygðum teinum úr kambstáli
fyrir steinsteypt burðarvirki. Aðal-
söludeild Límtrés Vírnets er einnig
í Borgarnesi. Sala og framleiðsla
álklæðninga hefur breytt miklu í
starfseminni og ákveðið hefur verið
að fara í breytingar á skipulagi
innan húss til að bæta flæði í fram-
leiðslu og vörumeðhöndlun.
Möguleg stækkun
í Borgarnesi
Einnig hefur verið rætt um að
stækka húsnæðið í Borgarnesi. Að
sögn Jakobs Guðmundssonar for-
stöðumanns framleiðsludeildar er
ekki hægt að segja til um hvenær
það verkefni fer af stað, en alltaf sé
hugsað til stækkunar en ekki minnk-
unar þótt hagræðing sé alltaf efst á
blaði. Búið er að teikna ýmsar hug-
myndir til að velta upp möguleikum
varðandi viðbyggingu. Fjárfest
hefur verið í tækjum og búnaði enda
engin ástæða til að ætla annað en
að fyrirtækið verði með starfsstöð
áfram á staðnum. Viðbyggingu sem
slíkri hefur samt aðeins verið slegið
á frest, en þess í stað stefnt á endur-
röðun innanhúss til að bæta nýtingu
auk þess sem lítið hús verður byggt
utan dyra sem nota á sem hleðslu-
rými fyrir lyftara.
Gæðastjórnunarvottun
Jakob segir að fyrirtækið sé komið
með ISO 9001 gæðastjórnunar-
vottun. „Við erum ákaflega stolt af
því,“ segir hann. „Enda erum við
með afskaplega góðan og hæfan
mannskap sem hefur verið undir-
staðan að góðu gengi fyrirtækisins.“
gj
Á fundi í byggðarráði Borgar-
byggðar síðastliðinn fimmtu-
dag var lagt fram yfirlit yfir fast-
eignir sveitarfélagsins og yfirlit um
viðhaldsþörf eigna. Fram kemur í
fundargerð að þetta hafi verið gert
til upplýsingar og stefnumótunar
vegna nýtingar fasteigna sveitar-
félagsins til framtíðar. Hjá sveitar-
félaginu fer nú fram greining og
umræða um hvernig efnahags-
reikningur og fjárbinding sveitar-
félagsins styður við kjarnastarf-
semi þess. Þar fellur eignarhald og
rekstur félagsheimila ekki undir
kjarnastarfsemi.
„Byggðarráð vísar til sveitar-
stjóra að taka safn félagslegs hús-
næðis sveitarfélagsins til skoðunar
með það fyrir augum að auka
dreifingu og að það endurspegli
betur þá tegund húsnæðis sem
spurn er eftir. Sala eigna kemur
til greina,“ segir í fundargerð.
Samþykkt var að fela sveitarstjóra
að hefja samtal við meðeigendur
sveitarfélagsins að félagsheimil-
um með nýtingu og eignarhald til
framtíðar í huga. Sveitarstjóra var
jafnframt falið að gera tillögu um
hvar hefja skuli leit að samstarfs-
aðilum til lengri eða skemmri tíma
með langtímaleigu í huga.
Varðandi skólahúsnæði vísaði
byggðarráð til yfirstandandi vinnu
með skólastefnu Borgarbyggðar og
væntanlegrar niðurstöðu hennar.
„Miðað við fjárfestingaráætlun sem
kynnt var við fyrri umræðu að fjár-
hagsáætlun næsta árs er fyrirsjáan-
legt að fjárfesting í skólahúsnæði
mun aukast verulega á næstu árum
svo sem með endurnýjun Grunn-
skóla Borgarfjarðar á Kleppjárns-
reykjum og stækkun Uglukletts.
Eðlilegt er að samhliða sé skoðað
hvar hægt er að draga úr fjár-
bindingu í skólahúsnæði og fækka
fermetrum,“ segir í bókun ráðsins.
Til skýringar á Borgarbyggð nú
fimm félagsheimili í sveitarfélaginu
að hluta eða öllu leyti, þ.e. Þing-
hamar í Stafholtstungum, Brún í
Bæjarsveit, Lyngbrekku á Mýrum
og helmingshlut í Lindartungu í
Kolbeinsstaðarhreppi. Einnig á
sveitarfélagið Samkomuhúsið við
Þverárrétt en búið er að samþykkja
að selja húsið gegn málamynda-
gjaldi til Kvenfélags Þverárhlíðar.
mm
Innlausnarmarkaður ársins 2022
með greiðslumark í sauðfé var
haldinn 15. nóvember síðastliðinn.
Matvælaráðuneytinu bárust 226
umsóknir um kaup og 22 umsóknir
um sölu. Innlausnarverð ársins
jafngildir beingreiðslum næstu
tveggja ára og er 11.904 krónur á
ærgildi. Sama verð gildir fyrir kaup
og sölu og er ráðuneytið þannig
einungis milligönguaðili.
Alls var óskað eftir 57.425
ærgildum til kaups. Til ráðstöf-
unar voru 5.135 ærgildi, eða 8,9%
af kaupóskum. Úthlutað var sam-
kvæmt forgangsreglum reglu-
gerðar um stuðning við sauðfjár-
rækt. Af 226 umsækjendum töld-
ust 170 til forgangshóps og 56 til
almenns hóps. Allt það greiðslu-
mark sem var til ráðstöfunar rann
til forgangshóps og var því ekkert
til úthlutunar í almennan hóp.
Sala greiðslumarks fer nú fram
samkvæmt úthlutun. Matvælaráðu-
neytið mun senda öllum tilboðs-
gjöfum upplýsingar um afgreiðslu
tilboða og gera breytingar á skrán-
ingu greiðslumarks þegar uppgjör
hefur farið fram.
mm
Límtré Vírnet með gæðavottun og
eflir starfsstöðina í Borgarnesi
Starfsstöð Límtrés Vírnets í Borgarnesi. Hluti fyrirtækisins, Vírnet hf, var stofnað
þar 5. febrúar árið 1956.
Tífalt meiri eftirspurn en framboð
af greiðslumarki í sauðfé
Skoða leigu og jafnvel
sölu félagsheimila
Borgarbyggð á nú fimm félagsheimili að hluta eða öllu leyti, þ.á.m. Lyngbrekku á
Mýrum. Ljósm. úr safni