Skessuhorn - 30.11.2022, Blaðsíða 17
MIÐVIKUDAGUR 30. NÓVEMBER 2022 17
Í húsi Skátafélags Akraness eru
á nokkurra vikna fresti haldnir
Rekka- og Svannasveitarfundir
en það eru skátafundir fyrir full-
orðna skáta. Þeir eru iðulega vel
sóttir og mæta þar milli 25 og 30
skátar en bróðurpartur þeirra eru
konur. Blaðamaður kíkti á skáta-
fund síðast liðið mánudagskvöld
en það var svokallaður jólafundur
sveitarinnar. Fundirnir byrja alltaf
á samsöng og var engin undan-
tekning á því. Þar voru öll þrettán
erindi Ragnars Jóhannessonar úr
laginu Aðfangadagskvöld sungin
og var þá gott að vera með textann
á blaði. Hátíðlegar veitingar voru á
boðstólnum og hélt Eydís Líndal
Finnbogadóttir utan um dagskrána
en hún er formaður Rekka- og
Svannasveitarinnar. Þá voru sagðir
brandarar, spurningakeppni og
sungið meira. Bræðurnir Giljagaur
og Ketkrókur litu við á fund-
inum og útbýttu gjöfum við mik-
inn fögnuð. Fundinum var slitið á
hefðbundinn hátt þar sem allir tók-
ust hönd í hönd og sungu Bræðra-
lagssönginn og Kvöldsöng skáta.
Í ár er 100 ára afmæli kvenskáta
á Íslandi en fyrsta skátafélagið, sem
var stofnað á Íslandi árið 1912, var
einungis ætlað drengjum. Það var
svo tíu árum seinna sem fyrsta kven-
skátafélagið á Íslandi var stofnað,
árið 1922. Þeir kvenskátar sem eru
í Rekka- og Svannasveit Skátafélags
Akraness hafa margar hverjar verið í
skátastarfi frá því þær höfðu aldur til
að ganga í hreyfinguna og segja þær
að gildi skátahreyfingarinnar hafi
verið þeim góður leiðarvísir í lífinu.
Skátahreyfingin er alþjóðleg upp-
eldis- og friðarhreyfing en mark-
mið hennar er að leggja sem mest af
mörkum við uppeldi ungs fólks og
skila af sér sjálfstæðum, virkum og
ábyrgum einstaklingum út í sam-
félagið. „Það er m.a. gert með því
að hjálpa ungu fólki að byggja upp
eigið gildakerfi sem grundað er á
siðferðilegum lífsgildum, félags-
legu réttlæti og persónulegri stað-
festu,“ segir í Grunngildum Banda-
lags íslenskra skáta.
Skátafélag Akraness á einnig
stórafmæli í ár, því nú eru 70 ár
frá stofnun þess. Í tilefni af því og
100 ára afmæli kvenskáta á Íslandi
býður skátafélagið til kvöldvöku í
sal Brekkubæjarskóla, á morgun,
fimmtudaginn 1. desember frá kl.
17:30-19:00. Þar verða ýmis atriði
og skátasöngvar í bland við jólalög
og eru allir velkomnir.
gbþ
Miðvikudaginn 18. nóvember
1942 var Skógræktarfélag Akraness
stofnað og fagnar því 80 ára starfs-
afmæli á þessu ári. Stofn félagar
voru meðal annarra Arnljótur Guð-
mundsson bæjarstjóri, Svafa Þor-
leifsdóttir skólastjóri og Hálf-
dán Sveinsson kennari en á fund-
inn mættu um 30 manns. Í dag eru
félagar rúmlega 100 talsins. Hægt
er að skoða sögu félagsins nánar á
FB síðu Skógræktarfélags Akraness.
Mánudaginn 21. nóvember síð-
astliðinn var haldinn afmælisfundur
í Jónsbúð af þessu tilefni og mættu
yfir 40 gestir. Mikið var um dýrðir
og voru félaginu færðar gjafir og
heillaóskir. Jens Baldursson for-
maður Skógræktarfélags Akra-
ness stiklaði á stóru í sögu félags-
ins og Jón Arnar Sverrisson garð-
yrkjustjóri Akraneskaupstaðar hélt
tölu um framtíð skógræktarsvæða
í nágrenni bæjarins. Boðið var upp
á gómsætar veitingar og að lokum
var fundi slitið með hópsöng.
vaks
Líf Lárusdóttir formaður bæjarráðs færði félaginu gjöf frá Akraneskaupstað.
Ljósm. Katrín Leifsdóttir.
Skógræktarfélag Akraness 80 ára
Grunngildi skátahreyfingarinnar
vísa leiðina út í lífið
Fundi slitið.
Fedda og Hulda eru elstar í Skátafélagi Akraness. Þær hafa báðar verið í skátun-
um frá níu ára aldri.
Enginn fór tómhentur heim eftir heimsókn þessara gjafmildu bræðra.
S
K
E
S
S
U
H
O
R
N
2
02
2
Skipulagslýsing vegna breytingar
á Aðalskipulagi Grundarfjarðar og
tveggja deiliskipulagstillagna á
Framnesi
Bæjarstjórn Grundarfjarðar samþykkti á fundi á sínum 24.
nóvember sl. skipulagslýsingu vegna breytingar á Aðalskipulagi
Grundarfjarðarbæjar 2019-2039 í tengslum við tillögu að nýju
deiliskipulagi fyrir Framnes og breytingu á deiliskipulagi fyrir
Framnes austan Nesvegar (hafnarsvæði).
Lýsingin er sett fram í samræmi við 1. mgr. 30. gr., 1. og 3. mgr. 40.
gr. og 1. mgr. 43. gr. skipulagslaga nr. 123/2010, með vísan í 1. mgr.
36. gr. laganna.
Skipulagslýsingin er til sýnis á vef sveitarfélagsins og á
bæjarskrifstofunni þar sem íbúar og aðrir hagsmunaaðilar geta kynnt
sér efni hennar. Lýsingin er jafnframt send Skipulagsstofnun og
öðrum aðilum til umsagnar eins og skipulagslög gera ráð fyrir.
Skipulagslýsingin verður kynnt sérstaklega á opnu húsi, sem haldið
verður þriðjudaginn 13. desember kl. 17-18 í Sögumiðstöðinni
í Grundarfirði en auk þess verður lóðarhöfum á Framnesi boðið til
sérstakra samráðsfunda á kynningartímanum.
Ábendingar varðandi skipulagslýsinguna skulu vera skriflegar
og berast skipulagsfulltrúa til og með 21. desember 2022 að
Borgarbraut 16, 350 Grundarfirði eða á netfangið:
skipulag@grundarfjordur.is, merkt „Skipulagslýsing,
Framnes og hafnarsvæði“.
Grundarfirði 30. nóvember, 2022.
Kristín Þorleifsdóttir
Skipulagsfulltrúi Grundarfjarðarbæjar
www.skessuhorn.is
Fréttaveita Vesturlands