Skessuhorn - 30.11.2022, Blaðsíða 16

MIÐVIKUDAGUR 30. NÓVEMBER 202216
Fimmtudaginn 24. nóvember var
góðgerðardagur í Grundaskóla á
Akranesi til styrktar hjálparstarfi í
Malaví. Undanfarna daga og vikur
höfðu nemendur og starfsfólk skól-
ans undirbúið markaðinn en þar var
til sölu fjölbreytilegur varningur.
Fullt var út úr dyrum og margir
með seðla á lofti til að tryggja sér
fljóta og örugga afgreiðslu. Meðal
annars var hægt að kaupa handverk
úr leir og textíl, skreyttar krukkur,
kökudeig, kókoskúlur, bækur og
dót, pulsur og djús og kökur og
kaffi. Eins og svo oft áður segja
myndir meira en orð.
gbþ
Síðastliðinn sunnudag voru ljósin á
jólatrjánum í Ólafsvík og á Hellis-
sandi tendruð í flottu veðri. Fjöl-
menni mætti á báða staðina. Olga
Guðrún Gunnarsdóttir, Hanna
Imgront og Sigurður Ragnar
Haralds son spiluðu og sungu
falleg jólalög, jólasveinar gengu
með börnum í kringum jólatré,
áður en þeir kvöddu yngri kyn-
slóðina með nammi og mandar-
ínum við mikla gleði. af
Dagur í lífi...
Umsjónarkennara
í Brekkubæjarskóla
Nafn: Erna Hafnes
Fjölskylduhagir/búseta: Bý
á Akranesi ásamt eiginmanni
mínum Ásmundi Haraldssyni,
fjórum börnum; Birni Darra, Auði
Maríu, Magneu Ósk, Haraldi
Orra og hundinum Tinna.
Starfsheiti/fyrirtæki: Umsjónar-
kennari í 3. bekk í Brekkubæjar-
skóla og myndlistarmaður í
skúrnum heima.
Áhugamál: Fjölskyldan mín,
myndlistin, garðurinn minn.
Dagurinn: Þriðjudagur 22.
nóvem ber 2022.
Klukkan hvað vaknaðirðu og
hvað var það fyrsta sem þú
gerðir? Ég vaknaði klukkan 5.30
og það fyrsta sem ég geri er að
klæða mig, fara á klósettið og fá
mér tvöfaldan kaffibolla áður en
ég fer í leikfimi hjá 300 þjálfun.
Hvað borðaðirðu í morgun-
mat? Ég drekk oftast bara kaffi á
morgnana og drekk þá óhóflega
mikið af því fram að kaffitíma í
vinnunni.
Hvenær fórstu til vinnu og
hvernig? Ég mæti í vinnuna um
klukkan 8.00 alla daga labbandi,
ef ég fer á bíl sem gerist ekki oft,
þá er líklegt að ég gleymi honum í
vinnunni.
Fyrstu verk í vinnunni? Fá
mér meira kaffi og taka á móti
skemmtilegum krökkum í 3. BS.
Við byrjum daginn alltaf á yndis-
lestri, lesum fjölbreytt efni og þar
á meðal Skessuhorn, bækur af
skólasafninu og Andrés Önd. Þá
tökum við Ipad-yndislestur einu
sinni í viku þar sem við hlustum,
horfum á og lesum gott íslenskt
efni af Veraldarvefnum. Eftir það
fengum við rithöfundaheimsókn,
Bjarni Fritzson kom og las fyrir
okkur.
Hvað varstu að gera klukkan
10? Þá aðstoðaði ég nemendurna
mína, þar sem þau voru að vinna í
hópverkefnum um Barnasáttmála
Sameinuðu þjóðanna. Hver hópur
fékk úthlutað einni eða fleiri
greinum sem þau gerðust sér-
fræðingar í og ætla svo að kynna
fyrir foreldrum sínum og sam-
nemendum á bekkjarskemmtun.
Hvað gerðirðu í hádeginu? Þar
sem ég er með stuttan vinnudag
sem umsjónarkennari á þriðju-
dögum þá hentist ég í málningar-
gallann rétt fyrir hádegi og hélt
mig að mestu úti í vinnuskúr þann
daginn með tilheyrandi skutli.
Hvað varstu að gera klukkan
14? Málaði úti í skúr, hlustaði á
æsispennandi glæpasögu, drakk
kaffi og borðaði súkkulaði.
Hvenær hætt og það síðasta
sem þú gerðir í vinnunni? Ég er
í þannig vinnu að ég hætti sjaldan
að vinna.
Hvað gerðirðu eftir vinnu? Ég
fór á fund með fullt af flottum
listamönnum. Við erum að stofna
nýtt félag sem samanstendur af
listamönnum á Akranesi. Í þeim
tilgangi að halda betur utan um
þessa flottu listaflóru sem er á
Akranesi, hafa gott stuðnings-
net sem listamaður, að efla okkur
sem listamenn og vera sýnileg.
Við ræddum einnig um það hvað
Vökudagar væri flott listahátíð hér
í bæ sem hefur farið ört vaxandi
og er góður vettvangur fyrir okkur
listamennina. Í sameiningu þá
tókum við okkur nokkur saman,
eða 31 listamaður, og héldum
myndlistarsýningu sem bar yfir-
heitið „Falið afl.“ Heiðurslista-
maður á sýningunni var Philippe
Ricart. Eftir fundinn sótti ég svo
litla prinsinn í afmælisveislu og
fórum heim í kvöldmat.
Hvað var í kvöldmat og hver
eldaði? Maðurinn minn eld-
aði hakk og spaghettí við mikinn
fögnuð. Ég elda oftast en þegar
hann eldar þá eru alltaf flugeldar í
eldhúsinu.
Hvernig var kvöldið? Ótrúlegt
en satt þá fór ég aftur út í skúr
að mála og var þar til að verða
klukkan tíu um kvöldið. Settist svo
niður með manninum mínum til
að ræða heimasíðugerð sem er á
prjónunum hjá okkur.
Hvenær fórstu að sofa? Alltof
seint!
Hvað var það síðasta sem þú
gerðir áður en þú fórst að
hátta? Þvottur, tannburstun,
kossar og ástarjátningar.
Hvað stendur upp úr eftir
daginn? Hvað ég er heppin kona
við góða heilsu!
Eitthvað að lokum? Gerum það
sem gerir okkur glöð!
Jólatrén í Ólafsvík
og Hellissandi ljóma
Fullt út úr dyrum
á Malavímarkaði
Þessar hressu stúlkur afgreiddu pulsur ofan í fólk.
Ýmiss konar textílmunir voru til sölu.
Nemendur þurftu að hafa hraðar hendur við afgreiðslu.
Hér er verið að selja jólatrésskraut.
Mikill áhugi var hjá nemendum að skoða muni hjá hver öðrum.