Skessuhorn - 30.11.2022, Blaðsíða 4

MIÐVIKUDAGUR 30. NÓVEMBER 20224
Jóhanna Marín Björnsdóttir
hefur verið ráðin forstöðu-
maður hjúkrunar sviðs dvalar- og
hjúkrunar heimilisins Brákarhlíðar í
Borgar nesi. Þrjár umsóknir bárust
um starfið og tekur Jóhanna Marín
við því 1. janúar nk. Þetta kemur
fram á FB síðu Brákarhlíðar.
Jóhanna Marín er 30 ára að aldri.
Hún er stúdent frá Menntaskóla
Borgarfjarðar, lauk prófi í íþrótta-
og heilsufræði frá Háskóla Íslands
2015 og lauk prófi í hjúkrunarfræði
frá Háskólanum á Akureyri árið
2021. Hún hefur síðan þá starfað
sem hjúkrunarfræðingur á Brákar-
hlíð. Á árunum 2008-2021 var hún
einnig starfsmaður í aðhlynningu
og gegndi öðrum störfum með
hléum á Brákarhlíð, bæði samhliða
námi og öðrum störfum.
Jóhanna Marín hefur síðustu ár
kennt heilbrigðisfræði við Mennta-
skóla Borgarfjarðar, hún starfaði
einnig um tíma sem verkefnastjóri
hjá Samtökum sveitarfélaga á
Vestur landi þar sem hún vann að
velferðarstefnu fyrir Vesturland
og loks hefur hún komið að sund-
þjálfun og fleiri störfum tengdum
íþróttastarfsemi. Jóhanna Marín er
í sambúð með Viktori Má Jónas-
syni. Þau eiga þrjú börn og hann á
eina dóttur fyrir.
Sem forstöðumaður hjúkrunar-
sviðs Brákarhlíðar mun Jóhanna
Marín m.a. bera ábyrgð og vera
leiðandi í daglegri hjúkrunarþjón-
ustu Brákarhlíðar, bera faglega
ábyrgð á gæðum hjúkrunarþjón-
ustu heimilisins, lyfjaeftirliti og eft-
irliti með búnaði sem að þjónust-
unni snýr, hafa umsjón með starf-
mannahaldi hjúkrunar Brákar-
hlíðar og vinna náið með öðrum
stjórnendum heimilisins að áfram-
haldandi þróun þjónustu Brákar-
hlíðar, heimilisfólki til heilla.
Hagvangur hafði umsjón með
ráðningarferlinu í samstarfi við
framkvæmdastjóra Brákarhlíðar en
einnig var Margrét Tómasdóttir,
hjúkrunarfræðingur, lögfræðingur
og fyrrum sviðsstjóri hjúkrunar á
Landspítalanum til ráðgjafar við
mat á umsóknum um starfið.
vaks
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Siggi Sigbjörnsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hver hugsi
um sitt
Undir lok síðustu viku hélt ég í bílferð norður yfir heiðar. Það var í raun
nærandi að aka þessa leið að vetri, ekki síst í ljósi þess að veðrið er og var
með eindæmum gott og allir vegir marauðir. Veturinn hefur einhvern
veginn ekki náð að hefja innreið sína hvað svo sem stendur á almanak-
inu. Umferðin var lítil, fáir erlendir ferðamenn á bílaleigubílum og við
vorum utan hefðbundins ferðatíma flutningabílanna. Þannig tók ferðin
óvenjulega stuttan tíma.
Erindið var að sitja málþing sem þeir tveir háskólar hér á landi, sem
kenna einhvern vott af blaðamennsku, stóðu fyrir. Yfirskrift fundarins
var „Blaðamennska og svæðisbundin fjölmiðlun“. Tölfræðilega aukast
með hverju árinu líkurnar á að mér sé fengið hlutverk þegar blásið er
til slíks málþings, í ljósi þess að útgefendum svæðisbundinna ritstýrðra
fjölmiðla hefur fækkað svo um munar á liðnum árum. Þangað mættu
þó þeir sem hvað mest lífsmark er með í atvinnugreininni og svo ara-
grúi fræðimanna. Flestir voru sammála um nokkur atriði, til dæmis að
rekstrarskilyrði frjálsra fjölmiðla fari síst batnandi, RÚV sé ofvaxinn
fíll á auglýsingamarkaði, að samfélagsmiðlar og streymisveitur taki yfir
helming allra auglýsingatekna án þess að vera skattlagðir og að eftir sitji
einkareknir fjölmiðlar með sárt ennið. Þetta hafa menn allir rætt áður
í fjölmiðlum, á fjölmörgum ráðstefnum og við önnur tilefni og fer ég
ekki nánar út í það.
Það sem vakti mesta athygli mína á þessu málþingi voru orð Sig-
ríðar Daggar Auðunsdóttur fréttamanns á RÚV en hún er jafnframt
formaður Blaðamannafélags Íslands. Hún gagnrýndi það hvernig opin-
berir aðilar á borð við ráðuneyti, stofnanir, sveitarfélög og fleiri gera
sífellt meira af því að ráða til sín upplýsingafulltrúa í þeim tilgangi að
stýra umræðu; þ.e. að matreiða þær upplýsingar sem frá þessum stofn-
unum koma. Oft sé verið að segja það sem hentar viðkomandi stofnun,
fegra jafnvel sannleikann með því að setja fram hálfkveðna vísu. Hvatti
hún starfandi blaðamenn til að nota sem allra sjaldnast slíkar matreiddar
orðsendingar án þess að kalla eftir nánari upplýsingum. Sagði hún það
nánast óeðlilegt hversu mikil áhersla væri lögð á slíka miðlun eða stýr-
ingu upplýsinga frá opinberum aðilum.
Ég hygg að allir sem þarna voru hafi tengt úr eigin reynsluheimi við
þessi orð formanns Blaðamannfélagsins. Hér á okkar litla Vesturlandi
eru jafnvel dæmi um slíka ritstjórnarlega tilburði af hálfu hins opin-
bera. Margt hefur því breyst og ég man t.d. þá tíð að upplýsingafull-
trúar sveitarfélaga sendu fjölmiðlum ætíð fréttatilkynningar, ýmist um
rekstur, viðburði sem framundan voru eða annað í þeim dúr þegar eitt-
hvað stóð til. Lögðu áherslu á jákvæð samskipti við fjölmiðla. Ætíð
snerti þá erindið eitthvað sem beint heyrði undir grunnhlutverk við-
komandi stofnunar eða sveitarfélags. Blaðamönnum var síðan ætlað að
vinna úr því, mæta á samkomur, taka viðtöl og skrifa hlutlausar fréttir.
Mjög eðlilegt er að opinberar stofnanir, sveitarfélög og stjórnsýslan
almennt hafi upplýsingasíður um það sem snertir lögbundin hlutverk
þeirra með beinum hætti. Jafn eðlilegt er í mínum huga að slíkar fréttir
fjalli þá um grunnhlutverk viðkomandi stofnunar, en ekki annað sem
fellur þá í hlut starfandi fjölmiðla að fjalla um. Formaður Blaðamanna-
félagsins var á föstudaginn að gagnrýna að vart sé í dag til sú stofnun,
ráðuneyti eða opinbert apparat sem ekki væri búið að ráða til sín upp-
lýsingafulltrúa, ígildi blaðamanns og stundum fleiri en einn, sem hefðu
það eitt hlutverk að sía út matreiddar upplýsingar, þar sem sannleik-
urinn væri í besta falli hálfsagður og stundum vísvitandi þagað um
annað. Slíkt sé einfaldlega ekki í verkahring hins opinbera. Ég hendi
þessu hér með út í kosmóið til umhugsunar.
Magnús Magnússon
Matvælaráðuneytið hefur úthlutað
nýliðunarstuðningi í landbúnaði
fyrir árið 2022 í samræmi við reglu-
gerð um almennan stuðning við
landbúnað. Markmiðið með stuðn-
ingnum er að aðstoða nýliða við að
hefja búskap og auðvelda ættliða-
skipti í landbúnaði.
Styrkur til einstakra nýliða
getur að hámarki numið 9 millj-
ónum króna og allt að 20% af fjár-
festingarkostnaði á ári, en heimilt
er að veita stuðning til sömu fjár-
festingar í allt að þrjú ár eða þar
til hámarki er náð. Til úthlutunar
voru 144,9 milljónir. Fjöldi gildra
umsókna voru 56, þar af 26 frum-
umsóknir og 30 framhaldsum-
sóknir. Umsóknum er raðað í þrjá
forgangshópa samkvæmt eftirfar-
andi lykilþáttum: Í fyrsta lagi eftir
menntun og starfsreynslu umsækj-
enda, í öðru lagi er lagt mat á
verk- og framkvæmda áætlun auk
rekstraráætlunar til fimm ára og
í þriðja lagi er tekið tillit til jafn-
réttissjónarmiða.
Alls uppfylltu 50 umsóknir skil-
yrði um fyrsta forgang. Úthlutun-
arfjárhæðin fer öll til ráðstöfunar
í þann hóp og er fjárhæð á hvern
styrkhafa að meðaltali 2,9 milljónir
króna. Skilyrði fyrir annan for-
gang uppfylltu fimm umsóknir og
í þriðja forgang ein umsókn. Ekk-
ert var til ráðstöfunar fyrir þessa
umsækjendur og eru þeir því án
styrks á þessu ári. mm
Mikill munur er á breytingum á
gjöldum fyrir þjónustu við börn
milli sveitarfélaga á tímabilinu frá
því að lífskjarasamningarnir tóku
gildi í byrjun árs 2019 til dagsins í
dag. Þetta kemur fram í samantekt
Verðlagseftirlits ASÍ sem tók saman
breytingar á leikskólagjöldum,
skóladagvistunargjöldum og skóla-
mat frá 2019–2022 hjá 15 stærstu
sveitarfélögum landsins.
Gjöld fyrir
skóladagvistun og
skólamat hækka mest
í Borgarbyggð
Samanlögð gjöld fyrir þjón-
ustu fyrir barn á grunnskólaaldri,
skóladagvistun með síðdegis-
hressingu og skólamat, hækk-
uðu í 13 sveitarfélögum af 15 frá
2019–2022, um 0,2–20,2%. Hlut-
fallslega hækkuðu heildargjöld
mest hjá Borgarbyggð, 20,2% eða
um 5.985 kr. á mánuði. Það gerir
53.865 kr. á ári m.v. níu mánaða
vistun. Næst mest hækkuðu
gjöldin hjá Seltjarnarnesbæ um
19,3% eða 7.403 kr. á mánuði sem
er mesta hækkun í krónum talið,
66.627 kr. á ári. Gjöldin lækk-
uðu mest hjá Fjarðabyggð, 19,9%
eða 4.914 kr. á mánuði sem gerir
44.226 kr. á ári.
Almenn leikskólagjöld
hækka næstmest
á Akranesi
Almenn leikskólagjöld (8 tímar með
fæði) hækkuðu í flestum sveitarfé-
lögum eða í 12 af 15. Mest hækk-
uðu almenn leikskólagjöld hjá Sel-
tjarnarnesbæ, um 24,2%. Hækk-
unin nemur 6.590 kr. á mánuði
eða 72.490 kr. á ári miðað við 11
mánaða vistun. Næst mest hækk-
uðu gjöldin hjá Akraneskaupstað
og Ísafjarðarbæ, um 11% hjá hvoru
sveitarfélagi fyrir sig.
Gjöldin lækkuðu hjá tveimur
sveitarfélögum, mest hjá Mos-
fellsbæ um 10,6% eða 3.428 kr. á
mánuði. Næst mest lækkuðu gjöldin
hjá Fjarðabyggð um 1,8% eða 6.677
kr. á mánuði en gjöldin stóðu í stað
á tímabilinu hjá Vestmannaeyjabæ.
Aukinn kostnaður
vísutölufjölskyldu
Frá árinu 2019 hefur samanlagður
kostnaður vísitölufjölskyldunnar
vegna þjónustu fyrir börn, þ.e.
kostnaður foreldra með eitt barn
í leikskóla og eitt í grunnskóla,
hækkað mest hjá Seltjarnarnesbæ
um 21,6% eða 139.117 kr. á ári sé
miðað við ellefu mánaða vistun á
leikskóla og níu mánuði í skóladag-
vistun og skólamat. Næst mest hafa
gjöldin hækkað hjá Borgarbyggð,
um 12,6% eða 85.006 kr. á ári. Þar
á eftir kemur Akraneskaupstaður
með 11,8% hækkun eða 82.618 kr.
á ári.
gbþ
Gjöld fyrir þjónustu
við börn hækka víða
Börn í grunnskólanum í Borgarnesi. Ljósm. af FB síða Grunnskólans í Borgarnesi.
Fimmtíu fengu nýliðastuðning
Jóhanna Marín ráðin
forstöðumaður hjá Brákarhlíð
Jóhanna Marín Björnsdóttir.
Ljósm. af FB síðu Brákarhlíðar