Fréttablaðið - 30.03.2023, Blaðsíða 18

Isabella Rossel ini
sem er sjötug var
rekin frá Lancôme 42
ára eftir langan feril
en var ráðin aftur
65 ára.
Frances Dunscombe er
níræð bresk fyrirsæta sem
hóf ferilinn 82 ára. Hún
þykir vera sönnun þess að
fyrirtæki sækist orðið meira
í eldri fyrirsætur og eru þó
nokkrar af þeim starfandi í
bransanum.
elin@frettabladid.is
Mikið hefur verið fjallað um Fran-
ces í fjölmiðlum erlendis enda er
hún líklegast elsta fyrirsæta heims.
Það var umboðsskrifstofan Gray
sem réð hana til starfa. Hún fékk
fyrsta verkefnið sitt hjá Prada með
tímaritinu Hunger en það varð til
þess að hún var beðin um að sýna
á tískuvikunni í London árið 2015
fyrir kínverska tískuhönnuðinn
Youjai Jin. Hönnuðurinn tileinkaði
sýninguna móður sinni með því
að sýna að hönnun hans henti
öllum aldri. Þessi ákvörðun kín-
verska hönnuðarins vakti athygli á
honum um allan heim, sérstaklega
í Kína, Ástralíu, Brasilíu og Ítalíu.
Á verðlaunamynd
Nokkru síðar sat Frances nakin
fyrir hjá ljósmyndaranum Josh
Redman en sú mynd fékk bæði
John Kobal-ljósmyndaverðlaunin
og National Portrait Gallery-verð-
launin. Frances hefur komið fram
í heimildarþættinum Secrets of
Growing Old auk þess að vera
fyrirsæta í tímaritinu Vogue
og Harper’s Bazaar UK ásamt
fleiri verkefnum.
Þegar Frances var fyrst
boðinn samningur við umboðs-
skrifstofuna hélt hún að þetta
væri grín. Hún hafði þá nýlega
misst eiginmann sinn. Frances
lítur á hlutverk sitt sem að vera
hvetjandi málsvari eldri
kvenna. Hún er hluti af
svokallaðri silfurbylgju
tísku- og snyrtivöru-
geirans. Undanfarin
ár hafa lúxus-tísku-
merki valið að hafa
eldri konur til að
kynna vörur sínar
í auknum mæli og
koma með því á
framfæri að konur á
öllum aldri ættu að
sjást í auglýsingum.
Silfurrefir og
eldri dömur
Breska leikkonan
Helen Mirren sem
er 78 ára, Jane
Fonda sem er 85,
Viola Davis, 57
ára, og Maye Musk, 75 ára, eru allar
að kynna vörur tískuheimsins.
Maye Musk var elsta forsíðustúlka
CoverGirl árið 2017, þá 69 ára.
Þá var tískumerkið Saint Lauren
nýlega með Betty Catroux, 78 ára,
og Joni Mitchell, 79 ára, í aug-
lýsingum sínum. Fyrirsætur sem
eru komnar yfir fimmtugt sjást
nú reglulega á sviðinu á tískusýn-
ingum, meðal annars hjá Valentino,
Simone Rocha, Balenciaga, Rachel
Comey og fleirum. Eldri karlmenn
hafa líka sést hjá Prada. Silfurref-
irnir Jeff Goldblum, 70 ára, og Vin-
cent Callel, 56 ára, sýndu nýjustu
tísku hjá Prada,
„Þráhyggjan fyrir ungdómnum
er leiðinleg,“ sagði tískuhönnuður-
inn Rachel Comey en á heimasíðu
hennar má sjá fólk á mismunandi
aldursbili. „Við hönnum fatnað
fyrir fólk á öllum aldri og fyrir alls
konar augnablik í lífi þess,“ segir
hún.
Rosselini aftur hjá Lancôme
Fyrirsætur hefja venjulega ferilinn
á táningsaldri. Samkvæmt vefsíðu
Fashion Model Directory er meðal-
aldur fyrirsæta 23 ár. Fáar fyrir-
sætur voru komnar yfir fimmtugt
í mælingum blaðsins. New York
Times skrifaði um það strax árið
1996 hversu skrítið það væri
að tískuhúsin væru
að markaðssetja
sig með unglings-
stúlkum. „Tán-
ingsstelpur líkja
eftir fullorðnum
svo þær eldri
upplifa að þær
séu að halda í æsku
og fegurð með því
að klæðast sömu
fötum.
Lancôme-snyrtivörumerkið
notaði leikkonuna Isabellu Ros-
selini á níunda og tíunda ára-
tugnum sem andlit merkisins og
fyrir vörur sem ætlaðar voru gegn
öldrun. Þegar hún varð 42 ára var
samningi hennar skyndilega sagt
upp. „Konur dreymir um að vera
ávallt ungar en þegar konur eru
komnar á fimmtugsaldurinn geta
þær ekki lengur verið tákn fyrir
þann draum,“ sagði Isabella að
stjórnendur fyrirtækisins hefðu
sagt við hana. „Ég held að þeir hafi
gert mistök,“ sagði Isabella síðar
um þetta mál í viðtali við Charlie
Rose en hún birtist aftur 65 ára í
auglýsingum Lancôme.
Í nýju YouTube-myndbandi segir
Isabella að lífið geti komið stórkost-
lega á óvart. Hún hafi verið rekin
frá Lancôme en 23 árum síðar hafi
henni verið boðin staða aftur. „Ég
sagði þeim að ég væri eldri, 23 árum
eldri, en allt hefur breyst. Nú vilja
konur vera eins og þær eru og Lan-
côme vill fagna með öllum konum.
Lífið er yndislegt,“ segir hún í
myndbandinu.
Stórstjörnur snúa aftur
Nokkrar fyrirsætur byrjuðu
ungar og eru enn að. Þær eru
stjörnur með ótrúlegt langlífi
í bransanum. Þar má nefna Pat
Cleveland og Jerry Hall. Þær hófu
fyrirsætustörf á sjöunda og áttunda
áratugnum. Sömuleiðis Beth ann
Hardison sem er áttræð og var ein
af fyrstu svörtu ofurfyrirsætunum
á sjöunda áratugnum. Hardison
kom fram fyrir undirfatamerkið
Victoria’s Secret árið 2022.
Mikill áhugi sem varð alls-
ráðandi á fyrirsætum á níunda
áratugnum hefur ýtt undir
áhuga á þeim í dag, þar má
nefna ofurfyrirsæturnar
Christy Turlington, Naomi
Campell og Cindy Crawford
sem eru farnar að birtast aftur
enda eftirspurnin eftir eldri
módelum í hámarki. Áhorf-
endur fagna því að sjá
þessi kunnuglegu
andlit birtast
aftur.
Hin þekkta
bandaríska
umboðsskrif-
stofa Ford
Models
hefur aug-
lýst eftir
eldri fyrir-
sætum til
að koma
til móts
við eftir-
spurnina.
Fyrir-
tækin
horfa
fram hjá
ungu, grönnu fyrirsætunum og
leita eftir þroskuðum módelum á
eldra aldursbili.
Rebecca Valentine stofnaði
Gray Model-umboðsskrifstofuna
í London árið 2015. Hún sérhæfir
sig, eins og hún orðar það, í fyrir-
sætum yfir fimmtugt. „Við höfum
séð sprengingu í þessum efnum.
Fyrirtækin vilja eldri fyrirsætur,
til dæmis silfurhærðar tískukonur.
Allt í einu hafa samfélagsmiðlar
opnast með sögum um eldri fyrir-
sætur undir myllumerkjunum
#silversisters og #fitoverfifty,“
segir Rebecca.
Hin níræða Frances segir: „Þú ert
ekki endilega hin fullkomna mann-
eskja. Þú ert einfaldlega dæmi um
það sem allir gætu stefnt að.“ n
Fyrirsætur yfir fimmtugt eftirsóttar
Jerry Hall (66 ára) er aftur komin á sýningarpallana. Hér er hún með dóttur
sinni, Georgia May Jagger, en faðir hennar er Mick Jagger. Georgia fetaði í
fótspor móður sinnar í tískuheiminum en hefur einnig leikið í bíómyndum.
FRÉTTABLAÐIÐ/GETTY
Frances Dunscombe er níræð og
hefur starfað sem fyrirsæta í átta ár.
Stórleikkonan
Helen Mirren
hefur verið að sýna
fyrir snyrtivöru-
merkið L’Oreal
Paris.
6 kynningarblað A L LT 30. mars 2023 FIMMTUDAGUR