AVS. Arkitektúr verktækni skipulag - 01.08.1999, Blaðsíða 54

vistvæn sjónarmið húsbygginga þá leggja þeir
mjög mismunandi áherslu á það hvað það er sem
lagar húsbyggingar að sjálfbærni. Hitt er svo líka
að mörg þessara landa, t.d. Norðurlöndin hafa
ekki fullmótað viðhorf sín í þessum málaflokki,
hvað þá heldur samræmt þau.
Þróunarskrefin sem unnt er að taka á þessari
leið frá hefðbundnum byggingum í átt að sjálf-
bærum byggingum eru raunar nokkuð mörg. Og
án efa mun framtíðin einnig bera nokkur ný slík
skref í skauti sér, sem ekki eru þekkt í dag. - En
það hefur einmitt nokkuð borið á því að ýmsir aði-
lar sem selja vörur eða þjónustu, leyfa sér þann
munað að nefna þessa starfsemi sína sjálfbæra,
einungis með því að taka eitt lítið skref í þá átt.
Stundum er vanþekkingu um að kenna. - Full
nauðsyn er því á því, að leggja línurnar á þessu
sviði. Ákveða hvaða lágamarksþætti þarf að upp-
fylla til þess að lágmarkssjálfbærni sé náð.
Eins og áður segir var fyrsta vistvæna deiliskip-
ulagið samþykkt hér á landi af skipulagsyfirvöldum
árið 1995. Hverfið er á Hellnum í Snæfellsbæ. Það
er lítið íbúðarhverfi á jörðinni Brekkubæ. Svæðið
er alls 3,4 hektarar að stærð og á því eru aðeins
15 íbúðir en að auki þjónustubyggingar. Skipulagið
er unnið eftir níu meginatriðum:
1. Orkusparnaður og orkuvinnsla
2. Hreint vatn
3. Skolp
4. Rusl
5. Byggingarefni
6. Gróður
7. Félagslegi þátturinn
8. Lóðin
9. Húsin
ORKAN
Notkun aðkeyptrar orku er takmörkuð með vörn-
um - hér með þykkari einangrun en venjulega -
eða 30 cm - og svo með húsforminu, sem var
ákveðið sem hvolfbygging. En síðan er gert ráð
fyrir því að vinna orku á margþættan hátt. Bæði
með tækni og öðrum útfærslum í og við húsin. -
Svo sem eins og sólargluggum, sólarvatnshitun-
52