AVS. Arkitektúr verktækni skipulag - 01.08.1999, Page 75

GronlandsBANKEN
- clin stcerke partner
pá clet finansielle omráde
Samkeppnti um íbúð
á GRÆNLANDI
- I/ r. 'l llt
tiinngassuteqartunut ijlit
suleqatissat nukittooq
Síðastliðinn vetur gekkst Grænlandsbanki
fyrir hugmyndasamkeppni um íbúðarhús
á Grænlandi. Til samkeppninnar var
boðið tveimur teiknistofum frá hverju
Norðurlandanna, ásamt nokkrum græn-
lenskum teiknistofum.
Teiknistofurnar sem urðu fyrir valinu á íslandi voru
Batteríið og samstarfshópur á vegum Skipulags-
arkitekta- og verkfræðistofunnar sem í voru arkitektarnir
Alena Anderlova, Gestur Ólafsson, Guðrún Jónsdóttir,
Haukur Viktorsson, Jón Kristinsson, Knud Jeppesen,
Pétur Örn Björnsson og Ævar Harðarson, auk prófess-
ors Guðna A. Jóhannessonar.
Fram komu margar áhugaverðar tillögur, en dönsk
teiknistofa, Schmidt, Hammer & Lassen varð hlutskörp-
ust, MYND 1. Sú teiknistofa hefur m.a. hannað nýja
menningarhúsið KATUAQ í Nuuk. í niðurstöðu dóm-
nefndar um vinningstillöguna segir m.a.: „Húsformið er
mjög sannfærandi. Gert er ráð fyrir að húsin séu dökk á
lit og með hallandi þaki og veggflötum. Þannig minna
þau að vissu leyti á gömlu grænlensku veiðihúsin.
Tillagan byggir í megindráttum á mjög hreinum formum,
uppskiptingu íbúða í köld og heit rými, góðum mögu-
leikum fyrir alla aldurshópa til að búa í húsunum og
lagnakjarna í miðju húsi. Á milli dvalarrýma og útirýma
er gert ráð fyrir millirými (gler- og skermveggir) sem
eykur notagildi húsanna og lækkar rekstrarkostnað
hvað snertir upphitun."
Um tillögu Batterísins, MYND 2, segir almennt: „í
tillögunni er megináherslan lögð á að sýna nýjar bygg-
ingaraðferðir."
Um tillögu samstarfshóps á vegum Skipulags-
arkitekta- og verkfræðistofunnar, MYND 3, segir m.a.
almennt í umsögn dómnefndar: „Mjög áhugaverð tillaga
sem sýnir möguleika á framtíðarhúsnæði á Grænlandi.
Tillagan gerir ráð fyrir að húsinu (íbúðunum) sé skipt í
heit og köld rými. í tillögunni er unnið með samsett
bogin form. Byggingaraðferðin leiðir til þess að hægt er
að víkja frá hefðbundnum húsformum/húsagerðum.
Tillagan er sú eina af samkeppnistillögunum sem gerir
ráð fyrir gólfhitun með vatni. Dómnefndin hefur mikla trú
á þessu sem framtíðarlausn viðvíkjandi upphitun húsa.
Samkeppninni var ætlað að blása lífi í umræðuna um
nýja byggingarhætti og nýjar húsagerðir á Grænlandi.
Þá átti að gera grein fyrir aðlögun bygginga að lands-
lagi og samfélagsmynstri. Auk þess var óskað eftir nýj-
ungum sem leitt gætu til styttri byggingartíma, lægri
byggingar- og rekstrarkostnaðar. Þá átti einnig að gera
grein fyrir hvernig tillögurnar gætu styrkt grænlenskan
byggingariðnað og lengt framkvæmdatímann. ■