AVS. Arkitektúr verktækni skipulag - 01.12.2003, Qupperneq 47

Að minnka umferðarteppuna með fleiri og stærri
umferðarmannvirkjum hefur mikið verið gagnrýnt er-
lendis þar sem það þykir ekki hafa borið árangur. í
mörgum borgum þar sem þetta hefur verið gert er
útkoman endalaus umferðarteppa. Þessar borgir eru
samansettar úr hraðbrautum og öðrum stórum
umferðarmannvirkjum sem og ógönguvænum göt-
um. Til eru aðferðir sem vinna á umferðarteppunni
og eru langtímalausnir og árangursríkar. Mælt er
með þeim fyrir borgir sem vilja stefna í átt að sjálf-
bærri byggðarþróun. Þær ganga út á að minnka
þörfina fyrir að ferðast langar vegalengdir. Það er
gert með blandaðri þéttri byggð með gönguvænum
götum sem býður þannig upp á valkosti að velja
ólíka ferðamáta. Aðrir ferðamöguleikar, svo sem
að hjóla, ganga eða nota almenningssamgöngur,
verða þá raunhæfari kostur. í erlendum borgum sem
hafa upp á að bjóða borgarumhverfi notar fólk yfir-
leitt ekki einkabílinn til að ferðast í og úr vinnu, nema
það búi eða sæki vinnu út fyrir borgina. Það er yfir-
leitt þægilegra að nota aðra samgöngumáta.
í dag er verið að þétta miðborg Reykjavíkur en lítið
er gert fyrir byggðina fyrir utan hana nema þá í
stækkun á umferðarmannvirkjum. Miðborginni er því
ætlað að verða gönguvænni en gisni hluti borgarinn-
ar verður meira háður bílnum. Borgarbúar eiga því
að öllum líkindum eftir að eyða meiri tíma í bílnum en
þeir gera í dag sem flestum þykir ekki skemmtilegur
kostur. Sumir borgarbúar vilja búa í úthverfum þar
sem langt er á milli staða, en þeir eru ekki það stór
hópur að það réttlæti að einungis séu byggð slík
hverfi. Margir myndu eflaust sjá kosti þess að fleiri
áfangastaðir væru nær, jafnvel innan göngufjarlægð-
ar við heimili og vinnu. ■
ÝMSIR MÖGULEIKAR VIÐ RÝMIS- OG LAGERLAUSNIR.
GETUM MEÐ STUTTUM FYRIRVARA AFGREITT GAMAHUS DANBERG -
EFTIR ÞÍNUM ÓSKUM. Skúlagötu 61 Sími: 562-6470