Leyfi til að elska - mar. 2023, Blaðsíða 9

N I Ð U R S T Ö Ð U R
Niðurstöðurnar eru settar fram með dæmum úr
gögnunum um frásagnir sem þátttakendur veittu.
Rannsakendur greindu sex þemu sem einkenndu
upplifun útsetta foreldrisins af foreldraútilokun
og útilokandi hegðun: 1) aðferðir, 2) fjarlægð,
3) kerfið, 4) geðheilsa, 5) heimilisofbeldi, og 6)
spjörun. Skýringarmynd 1 sýnir kort yfir þemu og
undirþemu sem greind voru.
AÐFERÐIR
Útsettir foreldrar nefndu mörg mismunandi en
ákveðin hegðunarmynstur sem eru útilokandi og
hafa skaðleg áhrif á andlega velferð, bæði hjá útsetta
barninu og útsetta foreldrinu. Það voru 152 tilvísanir
í 80 gagnaatriði í gagnasafninu ( fjöldi = 126). Sex
undirþemu voru greind í flokknum „Aðferðir“.
Tilfinningaleg stjórnun Þær aðferðir sem oftast
voru nefndar voru flokkaðar sem leiðir til
tilfinningalegrar stjórnunar. Margir foreldrar (
fjöldi = 9) sögðu útilokunarforeldrið „heilaþvo“
barnið. Gögnin innihéldu dæmi þar sem
útilokunarforeldrið krafði barnið um tryggð. Þau
bjuggu til þessi staðföstu viðbrögð með því að ala á
ótta og sektarkennd hjá barninu, hóta barninu eða
draga sig í hlé frá því, eða með því að refsa barninu
með öðrum hætti ef það reyndi að nálgast útsetta
foreldrið eða sýna því stuðning.
Móðir þeirra er búin að stjórna þeim, ljúga
að þeim og heilaþvo þau í 22 ár og ef það er
eitthvað við okkur sem þau kunna að meta
þá lætur hún þeim finnast eins og þau séu að
svíkja hana.
Þegar barnið mitt gerir eitthvað með mér þá
gerir móðir hennar henni lífið leitt eða vill
ekkert með hana hafa.
Útsettir foreldrar lýstu því hvernig útilokunar-
foreldrið notaði útsetta foreldrið eða barnið „eins og
peð í valdatafli”.
Þau eru meistarar í að ráðskast með aðra
og viðhalda ímynd út á við. Börnin verða
hjálparlaus í slíkum aðstæðum.
Margar athugasemdir snerust um að útilokunar-
foreldrið veitti barninu óviðeigandi upplýsingar til
að snúa því gegn útsetta foreldrinu. Þetta felur meðal
annars í sér að demba umkvörtunarefnum sínum
yfir barnið og segja því eitthvað neikvætt varðandi
sambandið á milli þeirra foreldranna.
[Hún] léttir á … sinni tilfinningalegu byrði
við 5 ára barnið okkar.
Hvatt til óhlýðni og afstöðu Margir útsettir foreldrar
lýstu því hvernig útilokunarforeldrið hvatti
barnið til að óhlýðnast útsetta foreldrinu og
vanvirða það fyrirkomulag sem ekki hentaði
útilokunarforeldrinu.
Hún var stöðugt að senda honum
textaskilaboð og segja honum að bjóða mér
byrginn og gera mig þannig reiðan. Báðum
sonum mínum var talin trú um að þeir þyrftu
ekki lengur að sýna mér, dómsúrskurðinum
eða yfirlýsingunni um forsjá virðingu.
Útsettir foreldrar lýstu aðstæðum þar sem
börnunum var kennt að standa eingöngu með
útilokunarforeldrinu og að skilja sig frá þeim sem
gætu hugsanlega hindrað útilokunarherferðina.
Báðir synirnir voru einnig hvattir til að
halda sig frá þeim sem höfðu stutt mig í
gegnum skilnaðinn, þar á meðal voru margir
ættingjar sem voru þeim nánir þegar þeir
voru að alast upp.
Röskun á samverutíma útsetts foreldris og útsetts barns.
Svörin vörpuðu ljósi á leiðir sem útilokunarforeldrar
notuðu til að trufla samverutíma útsetta foreldrisins
með barni þeirra. Til dæmis lýstu margir foreldrar
því hvernig útilokunarforeldrið er stöðugt að ónáða
með símtölum og skilaboðum.
9
GLEYMDA FORELDRIÐ: FORELDRAÚTILOKUN FRÁ SJÓNARHÓLI ÚTSETTA FORELDRISINS CLARE POUSTIE O.FL.