Leyfi til að elska - mar. 2023, Blaðsíða 15

SPJÖRUN
Þrjátíu og sex af 126 svörum innihéldu tilvísanir sem
fengu gildi undir þessu þema og það voru alls 65
tilvísanir í þessum svörum. Þessar athugasemdir bentu
til ákveðinnar spjörunar og sýndu almenn merki um
æðruleysi og von þrátt fyrir foreldraútilokun.
Ég einsetti mér að læra meira um
[foreldraútilokun]… að rífa mig upp og hlúa
að líkamlegri, andlegri og tilfinningalegri
heilsu. Það koma enn upp augnablik þar sem
ég finn fyrir örvæntingu, oftast þegar ég er
ein/n. Ég sakna stelpunnar minnar mjög,
mjög mikið. Ég er og var mjög gott foreldri. Það
eru ótalmargir sem sjá/sáu það og minna mig
á það. Ég á þessa framkomu ekki skilið. Ekki
heldur dóttir mín. Ég mun ekki gefast upp. Ég
verð alltaf til staðar fyrir stelpuna mína.
Meðferð. Lítill hluti útsettra foreldra minntist á
sálfræðimeðferð í frásögnum sínum.
Í byrjun átti ég erfitt með að takast á við þetta
allt saman en ég fór í mikla meðferðarvinnu
[sem]… gerði mér kleift að takast á við álag,
hafa stjórn á tilfinningum mínum, eiga
skýrari samskipti og vera meðvitaðri um
sjálfa/n mig og aðra í kringum mig.
Félagslegur stuðningur Lítill hluti útsettra foreldra(
fjöldi = 5) minntist sérstaklega á þann stuðning sem
þeir fengu frá tengslanetinu sínu, hvort sem það var
fjölskylda eða vinir.
Ég er þakklátur fyrir að ég hef stuðning frá
fjölskyldu og vinum og þá sérstaklega frá
kærustunni minni.
Sjálfsmenntun Útsettir foreldrar sýndu fram á töluverða
þekkingu sem þeir höfðu sjálfir aflað sér, sem og
viðvarandi sjálfsmenntun, sem ein leið spjörunar.
Það sem er öðruvísi í þetta sinn er að ég
er loksins hætt/ur að hafa sektarkennd
vegna fortíðarinnar. Ég vissi alltaf að þetta
væri ekki mér að kenna en núna trúi ég því
virkilega vegna þess að ég bý yfir þessum
upplýsingum. Fyrir mér hefur það verið
algjörlega magnað að finna loksins fyrir
viðurkenningu og réttmætingu á einhverju
sem ég vissi innst inni að væri algjörlega satt.
Fræða aðra. Annað undirþema undir spjörun var
frumkvæði í að fræða aðra og kappkosta við það.
Ég hef reynt að vekja samfélagið í kringum
mig til meðvitundar.
Von um sameiningu á ný. Fjölmargir útsettir foreldrar
létu í ljós von um að útsetta barnið myndi einn
daginn sameinast þeim á ný.
Ég bið og vona að einn daginn muni synir
mínir leyfa sér að efast um hinar nýju
skoðanir sínar á mér. Ég vona að þeir muni
leyfa sér að sjá hvers virði það er fyrir þá að
hafa mig í lífi sínu.
Æðruleysi Fjölmörg dæmi um undirliggjandi seiglu
og æðruleysi voru meðal útsettra foreldra.
Það sem hjálpar mér er að sjá til þess að
hver einasta mínúta með barninu mínu sé
dásamleg og ánægjuleg. Þegar barnið mitt er
ekki með mér vil ég að hann muni eftir góðu
stundunum sem við áttum saman og muni
alltaf eftir því að ég er að berjast fyrir því að
fá hann heim. Ég kýs að sætta mig við það að
ég get ekki breytt hlutunum þegar í stað og að
það mun taka tíma. Það er bara eitt sem ekki
er hægt að slíta… ást okkar á hvoru öðru og
sú staðreynd að barnið mitt vill koma heim.
Virk spjörun, eins og sjálfsmenntun og aukin
meðvitund, virtist vera hjálpleg leið til að þola
tilfinningalegt álag, auka sjálfsgetu í annars
valdalausri stöðu og líklega sporna gegn
(stigmagnandi) geðrænum vanda.
15
GLEYMDA FORELDRIÐ: FORELDRAÚTILOKUN FRÁ SJÓNARHÓLI ÚTSETTA FORELDRISINS CLARE POUSTIE O.FL.