Veiðimaðurinn - 01.12.2018, Page 48

48 Norsarinn í Elliðaánum
urriða. Honum var nánast grýtt út í á aftur
því við vorum þarna til að ná í 20 til 40
punda lax,“ segir Odd og hlær.

Gekk strax í SVFR
Þegar Odd flutti til Íslands hélt veiði-
mennskan áfram.

„Ég skráði mig í Stangaveiðifélagið um
leið og flutti og sótti strax um leyfi í Elliða-
ánum. Ég fékk ekki úthlutað fyrsta árið en
eftir það skráði ég dóttur mína í félagið og
son minn hann Davíð, Davíð Oddsson,“
segir hann og skellir upp úr. „Sonur minn
var mjög vinsæll fyrstu árin á Íslandi og
honum þótti þetta mjög sniðugt sjálfum
en svo breyttist það.
Davíð fékk úthlutað leyfi í Elliðaánum um
miðjan júlí, besta tíma. Rétt áður mæti ég
með börnin á hreinsunardag ánna. Þau einu
sem mættu vorum við og árnefndin. Ásgeir
Heiðar árnefndarmaður spurði þá börnin
hvort þau væru með leyfi og Davíð sagði
svo vera. Hann ætti leyfi 18. júlí. Sagðist
Ásgeir þá ætla að mæta og sjá til þess að
bæði Davíð og Eydís fengju maríulaxinn
og það innan klukkutíma.

Þetta var í fyrsta skiptið sem ég hitti Ásgeir
Heiðar og ég hugsaði með mér að það væri
ansi bratt hjá honum að lofa börnunum
þessu. Mín reynsla frá Noregi var að það
gæti tekið nokkra daga að fá lax. Ég átti
líka alveg eins von á að hann myndi ekki
mæta, myndi gleyma þessu.

Þegar nær dró frétti ég að Ásgeir væri einn
færasti veiðimaður landsins. Daginn áður
en Davíð átti leyfi voru barnadagar og ég
hringdi þá í Ásgeir til að fá leiðbeiningar
um maðkveiði, því ég vissi að tæknin sem
notuð var hér var töluvert öðruvísi en sú