Veiðimaðurinn - 01.12.2018, Síða 40

Í hádegishléi safnast veiðimenn saman
til hádegisverðar og er jafnan snætt úti
við og ekki óalgengt að gott hálanda viskí
sé bragðað. Óhætt er að segja að tíma-
skyn veiðimanna breytist í því afslappa
andrúmslofti sem þarna ríkir, enda aldrei
kapphlaup um veiðistaði eða stress.
„Áin Dee er stórkostleg. Hún spannar 110
km og hefur konungsfjölskyldan stundað
veiðar í efri hluta árinnar um margar aldir
nærri Balmoral kasta. Hún byrjar að renna
í um 1400 metra hæð og endar í ósum
sínum við borgina Aberdeen. Þrátt fyrir
eindæma fegurð er það samt fólkið sem býr
við ánna sem hefur myndað þá einstöku
stemmningu sem fylgir heimsókn í Dee,“
segir Anna Þórunn, sem var einmitt svo
lánsöm að njóta aðstoðar eins frægasta
leiðsögumanns Skota, Colin Simpson.
„Colin er eini lærlingur Megan Boyd, sem
er án efa frægasti fluguhnýtari sögunnar.
Hún er nú fallin frá. Colin hefur fetað
að nokkru leyti í fótspor Megan enda
eru flugur hans meðal annars að finna í
Rockefeller safninu og líka í Smithsonian
í Bandaríkjunum. Í dag seljast flugur frá
honum sumar hverjar á 500 - 1000 pund
stykkið. Hann tjáði mér að hann væri
hættur að hnýta en upplifunin ein að hafa
varið heilum degi með honum á svæðinu
„Lower Blackhall & Kinneskie“ var eitt-
hvað sem ég hefði ekki viljað missa af.
Frábær sögumaður, jarðbundinn og ljúfur,
í raun hin sanna fyrirmynd hins örláta
veiðimanns. Laus við allan hégóma. Colin
er maður sem allir með veiðibakteríuna í
konungsfjölskyldunni þekkja.“
Áin Dee er stórkostleg. Hún spannar 110 km og hefur
konungsfjölskyldan stundað veiðar í efri hluta árinn-
ar um margar aldir nærri Balmoral kasta. Hún byrjar
að renna í um 1400 metra hæð og endar í ósum sín-
um við borgina Aberdeen. Þrátt fyrir eindæma feg-
urð er það samt fólkið sem býr við ánna sem hefur
myndað þá einstöku stemmningu sem fylgir heim-
sókn í Dee“
40 Veiðimaðurinn 41 Veitt í River Dee