Veiðimaðurinn - 01.12.2018, Side 104

104 Undir sumarhimni – sögur af veiðiskap
Draumastundin?
„Er það ekki bara hinn ólandaði 100
sentímetrari sem bíður mín? Af því sem
gerst hefur þá hugsa ég annars að það sé
dagurinn í Blöndu IV sem ég lýsi í nýju
bókinni. Þennan dag setti ég í það marga
stórlaxa að ég hef ekki á þeim tölu. Sá
stærsti örugglega í kringum 100 sentí-
metra. Hann átti að lokum ekki erfitt með
að slíta sig af og rauk af með hvelli eftir
svona 50 metra roku. Ég var eiginlega
hálf feginn samt af því að ég hafði lent í
basli við að sleppa fiski þennan dag sem
var með túpuna ofan í maga, og það mátti
ekki drepa stórlax þarna. Þessu er öllu lýst
í nokkuð löngu máli í Undir sumarhimni.“
Lax eða urriði?
„Skiptir mig engu máli. Mér finnst alltaf
jafn gaman að veiða, svo lengi sem það
er fiskur. Og jafnvel þótt það sé enginn
fiskur. Þetta er allt skemmtilegt.“
Morgun- eða kvöldvakt?
„Veltur bara á aðstæðum, morgunvakt af
því að þá er dagurinn að byrja og maður á
hann allan framundan, en er þó stundum
smá syfjaður, og kvöldvaktin? Þær geta
verið æðislegar og ótrúlegt t.d. hvað lax er
gjarn á að taka þegar klukkuna vantar 2-3
mínútur í tíu að kvöldi. Í Veiðivötnum eru
kvöldvaktirnar og ljósaskiptin tvímæla-
laust besti tíminn. Þá kemur fiskurinn upp
að landi í leit að æti og verður oft veisla.“
Næsta veiðiferð?
„Ekki búinn að plana ennþá en gæti trúað
því að hún yrði tekin í fyrra fallinu í vor.
Kannski í Steinsmýrarvötn í Skaftafells-
sýslu? Hef heyrt vel af þeim látið. Og svo
Hólaá við Útey, hún er mjög skemmtileg.
Eins og ég segi þá er þetta allt skemmti-
legt. Skaparinn var góður við mann þegar
hann gaf manni þessa dásamlegu dellu.“
Takk fyrir bókina og delluna.
Í Undir sumarhimni – sögur af veiðiskap eru sögur fjölmargra
veiðimanna, sögur af þeim stóru sem sluppu, sögur af fiskum
á óvæntum stöðum, sögur af því þegar allt gengur upp
og því þegar ekkert gengur upp, sögur af frábærum félagsskap
og ævintýralegu umhverfi.
Suðurlandsbraut 4 / 776 – 2400 / www.salka.is
– 20% Félagsmenn Stangaveiðifélags Reykjavíkur fá 20% afslátt með
kóðanum SVFR á vef okkar eða með því að koma í heimsókn.
„Þennan dag setti ég í það marga stórlaxa
að ég hef ekki á þeim tölu. Sá stærsti örugglega
í kringum 100 sentímetra. Hann átti að lokum
ekki erfitt með að slíta sig af og rauk af með
hvelli eftir svona 50 metra roku.”