Veiðimaðurinn - 01.12.2018, Side 97

og kalt vatn í ánni sökum rigninganna gerði það að
verkum að lítið sem ekkert af laxi var genginn upp
fyrir Brúarfoss og ekki skorti laxinn en veiðiálag á
staði neðarlega í ánni jókst vitanlega þar sem veiði-
svæðið styttist verulega.
Hafrannsóknarstofnun bendir á að röskuð svæði
í ánni sem nái frá ármótum Tálma og að efri enda
lónsins sem myndaðist séu um 10 km að lengd.
Áætlað sé að röskuð svæði séu um 30% af fram-
leiðslugetu Hítarár sjálfrar en um 20% af fram-
leiðslugetu alls vatnasvæðisins. Óljós sé hver fram-
leiðslugeta nýs farvegar Hítarár frá neðri enda lóns
að ármótum Tálma verði í framtíðinni en veiðimenn
og landeigendur vona það besta.
Átján merktir veiðistaðir heyra nú sögunni til og
laxastiginn við Kattarfoss hefur lokið hlutverki sínu
en hann var reistur 1971 til að bæta uppeldisskilyrði
laxaseiða í ánni og stækka veiðisvæðið þar sem eldri
stigi sem byggður var árið 1943 hafði aldrei komið
að gagni. Fáeinum árum áður hafði þó komið til
tals að veita Hítará yfir í Tálma til að gera stækka
laxveiðisvæði árinnar þar sem óhugsandi þótti á
þeim tíma að byggja laxastiga í Kattarfossi. Það er
Ólafur Sigurðsson ráðunautur fiskræktarmála og
bóndi á Hellulandi sem greinir frá þessu í Búnaðarriti
Búnaðarfélags Íslands sem kom út árið 1937.
„Allmikið fór ég með ánni og skoðaði meðal annars
möguleika á því að veita Hítará yfir í Tálmá, og
á þann hátt gera hana laxgenga inn í Hítarvatn.
Verður það mun léttara verk en að gera Kattarfoss
laxgengann, sem er allhár í erfiðu gljúfri.“
Stangaveiðifélag Reykjavíkur hefur verið leigutaki
Hítarár frá árinu 1993 og félagsmenn átt þar góðar
stundir áratugum saman. SVFR þakkar veiðifélagi
Hítarár fyrir gott samstarf og óska því velfarnaðar en
nýr leigutaki hefur tekið við sölu veiðileyfa í Hítará
frá og með næsta sumri.
Veiðimaðurinn 97