Veiðimaðurinn - 01.12.2019, Blaðsíða 56

Hörður Filipsson er flugu-
hnýtari sem hnýtir engar
venjulegar flugur. Klass-
ískar laxaflugur leika í
höndum hans og Hörður
hannar líka sínar eigin flugur þar sem
framandi fjaðrir sjaldgæfra fugla leika
lykilhlutverk. Góðir veiðifélagar komu
Herði á bragðið.
„Ég byrjaði að hnýta hefðbundnar flugur
fyrir 15-20 árum og þegar ég hafði náð
ágætum tökum á því langaði mig að sjá
hvort ég gæti ekki líka hnýtt klassískar
laxaflugur úr fjöðrum. Það tók mig mörg
ár að ná tökum á því þannig að ég væri
sáttur. Þó ekki fullkomlega því þegar ég
komst að því að gömlu meistararnir hefðu
hnýtt flugur sínar eingöngu í höndunum
þá varð ég að kafa enn dýpra. Ég var
algjörlega heillaður af þeirri tilhugsun.
Þetta var þrautaganga á köflum og tók
mikinn tíma en smám saman náði ég
betri tökum á þessu.
Ég hnýtti talsvert af klassískum flugum
á árunum 2008-2013 en tók mér þá hlé.
Hætti bara að hnýta. Fyrir ári byrjaði ég
hins vegar að hnýta aftur og nýt hvers
augnabliks. Vinur minn Helgi, betur
þekktur sem Reiða öndin í veiðiheimum,
sagði við mig að það væri orðið tíma-
bært að flugurnar mínar kæmu upp á
yfirborðið og fólk fengi að njóta þeirra.“
Flugurnar voru sýndar á Íslensku flugu-
veiðisýningunni í mars á þessu ári. „Það
virkaði ágætlega. Eftir aðeins fimm mín-
útur voru pantanir teknar að berast,“
segir Hörður og flugur hans prýða nú
mörg veiðihús við landsfrægar laxveiðiár.
Til dæmis við Vatnsdalsá, Laxá í Ásum
og Miðfjarðará og sending frá honum er á
leið í fleiri veiðihús. „Ég hnýtti fyrst bara
fyrir mig en svo fór ég að hugsa hvort ekki
væri skemmtilegt að flugurnar væru upp
á vegg einhvers staðar svo fleiri gætu
notið.“
Á borðinu liggur Green Higlander. „Ég
er að klára að hnýta hana“ en það tekur
sinn tíma. Fluga sem margir elska en aðrir
eru ekki eins hrifnir af. Lengi vel var hún
í sérstöku uppáhaldi hjá Herði en hann
viðurkennir að aðdáunin sé örlítið að
dvína þar sem svo margir biðji hann um
að hnýta hana. En að sjálfsögðu verður
hann við óskum þeirra sem kjósa Græna
Hálendinginn. Falleg er hún sannarlega
en flugan varð til undir lok 19. aldar eins
og fleiri glæsilegar klassíkar laxaflugur.
Ein fluga getur verið samsett úr allt að
50 ólíkum hlutum og það er tímafrekt að
hnýta þær. Hörður notar japansk silki til
að hnýta búkinn saman og stálþráð svo
Blacker stærð 7/0.
„Þetta var þrautaganga
á köflum og tók mikinn
tíma en smám saman náði
ég betri tökum á þessu.“
Veiðimaðurinn 57 56 Litríkar listaverkaflugur