Veiðimaðurinn - 01.12.2019, Side 69

68 Veiðimaðurinn 69 SVFR 80 ÁRA Árnaðaróskir
SVFR 80 ÁRA
Árnaðaróskir
Ég fékk meðmæli en inngöngu fengu menn
ekki í SVFR nema með góðum orðum frá
þeim sem þegar voru orðnir félagar. Það
var reynt að plata mig til liðs við Frímúrara,
Oddfellow og Lionshreyfinguna og ég veit
ekki hvað og hvað. En ég sagði alltaf að ég
væri upptekinn þar sem ég væri að vinna
fyrir Stangaveiðifélag Reykjavíkur.
Þetta þótti fínn klúbbur og þykir enn. Ég
var formaður í sex ár en sat í stjórn í yfir
tuttugu ár. Störf fyrir árnefndir koma þar
til viðbótar en ég tók einnig þátt í starfi
skemmtinefndar félagsins og sat í full-
trúaráði SVFR.
Það sem upp úr stendur á þessum tíma-
mótum er ánægjan yfir því að hafa kynnst
yndislegu fólki í gegnum tíðina. Ég hef
kynnst mínum bestu vinum í gegnum
þetta félag og hef verið svo heppinn að
hafa átt þá að alla ævina. Það er gulls ígildi.
Á þessum tímamótum óska ég Stanga-
veiðifélagi Reykjavíkur heilla um ókomna
tíð. Mér finnst yndislegt að það hafi lifað
svona lengi og ég sé ekkert fararsnið á því.
Ég held að það sé enn pláss fyrir SVFR á
markaðnum þó svo að margt hafi breyst.
Ef við byggjum á þeim grunngildunum
sem voru í heiðri höfð í gamla daga. Sjálf-
boðaliðastarfinu sem er göfugt þegar það
er unnið fyrir gott málefni. Framtíðin er
björt og ég óska SVFR til hamingju með
afmælið!
Jón G. Baldvinsson, fyrrverandi formaður,
gullmerkjarhafi og félagsmaður frá 1961.
Stangaveiðifélag Reykjavíkur hefur alla tíð verið félagið mitt -
allir mínir starfskraftar áttu að fara þangað. Allt frá því að ég
uppgötvaði að félagið væri til vildi ég leggja því lið. Ég gekk í það
aðeins sextán ára gamall árið 1961 og á ennþá kvittunina fyrir
inntökugjaldinu sem var nokkuð hátt í þá daga.