FLE blaðið - 01.01.2021, Page 36

36 FLE BLAÐIÐ JANÚAR 2021
FÉLAG KVENNA Í
ENDURSKOÐUN
STUTTAR FRÉTTIR
Sara Henný H. Arnbjörnsdóttir,
endurskoðandi hjá PwC
Félag kvenna í endurskoðun (FKE) var stofnað þann 23. nóv-
ember 2004 í Ráðhúsi Reykjavíkur með það í huga að efla
tengslanet kvenna sem starfa í endurskoðun og er því að nálg-
ast bílprófsaldurinn.
Stofnendur félagsins voru nokkrar af fyrstu kvenendurskoðend-
um á Íslandi, þar á meðal Erna Bryndís Halldórsdóttir sem
seinna varð fyrsti heiðursfélagi FKE. Tilgangur félagsins er að
efla samstarf og tengsl ásamt því að styrkja stöðu kvenna sem
hlotið hafa löggildingu í endurskoðun á Íslandi.
Félagið hélt aðalfund sinn í sumarlok 2020 þar sem þessar
myndir voru teknar. Sif Einarsdóttir, endurskoðandi hjá Deloitte
lét af störfum sem formaður FKE eftir gott starf í stjórn félags-
ins og við tók Íris Þ. Ólafsdóttir, endurskoðandi hjá PwC. Ný
fimm manna stjórn var kjörin ásamt tveimur varamönnum.
Tekið var vel á móti nýjum löggiltum konum, þeim Elínu
Pálmadóttur, Önnu Guðrúnu Gunnlaugsdóttur og Fríðu
Elmarsdóttur og voru þær boðnar velkomnar í félagið.
Ný stjórn FKE 2020-2021: Hildur, Kristbjörg, Sara Henný og Íris. Varamenn í stjórn: Rita og Ágústa. Á myndina vantar Elvu Dröfn stjórnarkonu.