Harmonikublaðið - 15.05.2021, Blaðsíða 4

' * # a§ 0 • % 0 y
„Er hægt að spila svona tónlist
á harmoniku?“
„Er hægt að spila svona tónlist á harmoniku?“
heyrði undirrituð ungan mann spyrja á balli
í Beituskúrnum á Norðfirði í glampandi
miðnætursólinni í fyrrasumar. Dansgólfið
hafði fyllst af ungu fólk og rífandi stemning
á staðnum er Rock around the Clock og fleiri
stuðlög hljómuðu.
fiessi orð hafa öðru hverju komið upp í hugann
í tengslum við umræður um hvernig er hægt
að auka áhuga fólks á harmonikuleik.
Harmonikur fóru að berast til landsins á 19.
öld og hefur fjöldi hljómsveita starfað vítt og
breitt um landið frá þeim tíma. Tímarit um
harmonikutónlist hefur verið gefið út frá árinu
1986 og er sérstakt að því leyti að
umfjöllunarefni blaðsins er um eitt einstakt
hljóðfæri.
I lögum Félags harmonikuunnenda í Reykjavík
(2. grein) segir svo:
-Tilgangur félagsins er að vinna að framgangi
harmonikutónlistar og efla kynni félagsmanna
og annarra áhugamanna á harmonikutónlist.-
En hvernig verður það mögulega gert? Hvað
er það sem höfðar til fólks? Ymislegt hefur
verið reynt í þessum efnum, t.d. hafa
harmonikuhljómsveidr gefið tónlistarskólum
hljóðfæri, efnt hefur verið til kynninga á
hljóðfærinu, Harmonikudagurinn haldinn
hátíðlegur árlega víða um land og fleira. I
tónlistarskólum er víða boðið upp á kennslu
á harmoniku og má nefna sérstaklega
nemendur Guðmundar Samúelssonar en
sumir þeirra hafa stundað háskólanám í
harmonikuleik og hafa nú tónlist að aðalstarfi.
I dag hefur heldur fækkað þeim harmoniku-
leikurum sem leika með harmonikuhljóm-
sveitum landsins, þar sem nýir spilarar hafa
ekki bæst í hópinn þegar aðrir hverfa frá.
Hvernig er mögulega hægt að hafa áhrif á þessa
þróun? Þegar stórt er spurt er oft fátt um svör.
Er harmonikan ekki bara fyrir „gamla fólkið“
er stundum spurt. Líklega tengist það þeirri
tegund tónlistar sem er leikin og flestir þekkja,
eins og dans- og dægurlög frá ýmsum tímum.
Greinarböfundur er hjúkrunarfrœðingur og er að Ura á harmoniku
Væri e.t.v. nær að spyrja
hvort ekki mætti færa
tónlistina aðeins nær
nútímanum hvað varðar
lagaval til að auka sýnileika
og mögulega áhuga yngri
spilara á að leika í
hljómsveit. Hljóðfæri
tilheyra að sjálfsögðu ekki
ákveðnum aldurshópi.
Það er tónlistin sem leikin
er sem höfðar til fólks og
skiptir máli. I dag má
heyra harmonikuna
hljóma m.a. í tónlist
Sóleyjar Stefánsdóttur og
Valdimars Guðmundssonar
auk margra annarra og er það vel.
Nýliðun í harmonikuhljómsveitum þyrfti e.t.v.
að vera sérstakt verkefni hjá hljómsveitum og
væri áhugavert að styrkja slíkt verkefni og sjá
hverju það myndi skila.
Sagt hefur verið að harmonikan sé hljóðfæri
gleðinnar. Eg hvet alla harmonikuleikara að
spenna á sig hljóðfærið, setjast á útikaffihúsin,
leika í görðum og á torgum eða fara í
sjálfboðaliðastarf og leika fyrir lasburða fólk,
sem þarf á tilbreytingu að halda.
Rannsóknir hafa sýnt fram á að það að hlýða
á tónlist kveikir tilfinningar, vekur minningar
og veitir gleði.
Gleðilegt harmonikusumar!
Úlfhildur Grímsdóttir
‘Tm not sure...l think it’s Grantlpa's childhood computer."
Eg er ekki viss, en ég held aðþetta séJyrsta tölvan hans afa
4
Skoðið timariLis og flettið harmonikublöðum frá 1986