Tölvuheimur - 01.08.2003, Qupperneq 32

U P P L Ý S I N G AT Æ K N I
að éta það ofan í sig. „Það sýnir sig að í Japan hefur
samruni farsíma og Internets gengið vel og fólk
nýtir sér Netið mikið.“
Jón segir flesta sammála um að í Internettækni
fyrir farsíma sé helst að finna möguleika á aukinni
notkun almennings og þá tekjum líka fyrir farsíma-
iðnaðinn. „Myndavélarnar eru skemmtilegar sem
slíkar, en ég efast um að notkunin verði slík að far-
símafyrirtæki geti haft af því verulegar tekjur. Fólk
er aftur á móti vant að nota Internetið. Auðvitað
hættir fólk ekki að vafra á heimilistölvunni, en hún
er jú ekki alltaf við höndina. Maður flettir kannski
upp íþróttaniðurstöðum og þess háttar efni. Um
daginn vorum við dóttir mín að velta fyrir okkur
dagskránni í skólanum næstu daga og fórum þá
bara inn á skólasíðuna og athuguðum það. Slíkar
síður finnur maður ekki í WAP formi, þó ég hefði
kannski mögulega getað fundið WAP síður með
boltafréttum.“
FYRSTI ALVÖRU SÍMAVAFRINN
Jón segir að Internetvafri Operu fyrir farsíma,
sem kynntur var í fyrra, sé í raun sá fyrsti sem
sýni Internetið á farsímaskjá með viðunandi
hætti. „Á sama tíma hafa svo farsímarnir verið að
þróast, skjáirnir komnir í lit og orðnir aðeins
stærri. Nefna má síma á borð við Nokia 7650 og
3650, en það eru týpur sem henta okkur ágæt-
lega.“ Vafrinn hefur, að sögn Jóns, fengið góðar
viðtökur notenda, en honum má hlaða niður af
vef fyrirtækisins, www.opera.com. „Tæknin er
bara ennþá svo ný að við höfum ekki náð að
koma vafranum í síma áður en þeir koma á
markað. En við erum að nálgast það samt,“ segir
hann.
Tæknin kallast Small Screen Rendering eða
smáskjártækni og virkar þannig að efni vefsíð-
unnar er raðað upp á nýtt. Jón viðurkennir að
skiptar skoðanir séu um hvaða leiðir skuli fara í
að gera Netinu skil í farsíma og að sumir séu
þeirrar trúar að WAP verði ofan á. „En við
teljum að WAP gangi ekki því þá þarftu að búa
til sérstakar síður fyrir símana, en með okkar
tækni þarf ekki að gera neitt við vefsíður á
Netinu. Þær bara virka í símanum þínum.“ Jón
viðurkennir þó að til séu vefsíður sem eru
erfiðari en aðrar. „Það eru 98 til 99 prósent
síðna sem virka. Sumar eru erfiðari af því þær
nota javascript og svo aðrar sem gera ráð fyrir
ákveðnum hlutum á ákveðnum stað á skjánum
sem geta riðlast, því vafrinn raðar í raun efninu
upp á nýtt á skjáinn,“ sagði hann og bætti við að
notendur væru yfirleitt hrifnir af símavafranum.
„Síðurnar hlaðast nokkuð hratt inn án þess að
þeim sé „hjálpað,“ en svo er líka hægt að hraða
á þeim með sérstökum miðlarabúnaði til að
þjappa síðunum fyrir þá sem vilja laða farsíma-
notendur sérstaklega til sín.“ Með slíkum
búnaði sagði Jón að síðurnar myndu hlaðast allt
að fjórum sinnum hraðar inn.
GOTT SAMSTARF VIÐ ÖNNUR
FYRIRTÆKI
Opera hefur alla tíð lagt mikið upp úr því að
vera í góðu samstarfi við sem flest fyrirtæki.
„Við höfum lengi verið í samstarfi við Nokia.
Svo höfum við verið að vinna með Symbian og
í gegnum það samstarf á símum Sony-Ericsson,
svona eins og á P800 símanum. Þá höfum við í
gegnum tengslin við Symbian verið að vinna
með fjölmörgum öðrum fyrirtækjum, bæði
stórum og smáum.“ Jón segir að búast megi við
vafra Opera á fleiri símum þegar fram líða
stundir. „Þróunin er í þá átt. Það eru hlutir að
gerast sem gætu gert það að verkum að vafrinn
okkar verði á mjög mörgum símum næstu 18
mánuðina,“ sagði hann, en upp á síðkastið hefur
Opera lagt nokkuð upp úr samstarfi við fjar-
skiptafyrirtæki í símaþjónustu. „Það gerum við
til að fá símafyrirtækin til að kalla eftir vafranum
hjá framleiðendum og jafnvel til að setja vafrann
upp eftir á.“ Í þessu sambandi nefnir Jón nýlega
samninga við portúgalskt símafyrirtæki að nafni
www.heimur.is32 Ágúst Tölvuheimur 2003
„Á árinu höfum við tvöfaldað sölu fyrirtækisins án þess að kæmi til
kostnaðaraukningar. Á sama tíma höfum við svo verið að eiga við
fullt af nýjum hlutum, sérstaklega á sviði farsímatækni.“