Tölvuheimur - 01.08.2003, Síða 53

Lesandi vildi fá að vita hver væri besta
leiðin til að taka öryggisafrit af
Registry-möppunni – og það sem
væri enn mikilvægara – að endurstilla hana
Windows 98, Me og XP taka sjálfvirkt
öryggisafrit af Registry möppunni með reglu-
legu millibili, en það er samt sem áður öruggast
að taka öryggisafrit handvirkt af henni áður en
ráðist er í meiri háttar breytingar á tölvunni.
Hér koma bestu leiðirnar til að taka öryggisafrit
af Registry í hinum ýmsu útgáfum Windows.
Windows 98: Veljið Start>Run sláið síðan inn
scanreg og styðjið á <Enter>. Þegar þið fáið
tilkynningu um að engar villur séu til staðar
smellið þið á Yes til að taka öryggisafrit af
Registry og síðan á OK. Til að endurheimta
Registry-möppuna veljið þið Start>Shut Down
smellið á Restart in MS-DOS mode og smellið á
OK. Þegar C:WINDOWS> skipunin birtist
sláið þið inn scanreg /restore (ekki gleyma að
setja bil á undan skástrikinu) og styðjið aftur á
<Enter>.
Windows 2000: Það er engin góð leið til, til að
taka öryggisafrit af Registry-möppunni í þessu
stýrikerfi. Sumir nota Export möguleikann í
Regedit en reynsla mín er sú að það er ekki
áreiðanleg leið til að taka heildaröryggisafrit af
Registry (þó svo að það virki vel þegar verið er að
taka afrit af einstökum hlutum möppunnar). Til
að öryggisafrita og endurstilla Registry-
möppuna í Windows 2000 mæli ég með
WinRescue frá Super Win Software sem kostar
um 2.500 krónur (25$). Farið á find.pcworld.
com/32849 til að hala niður prufuútgáfunni.
Windows Me og XP: Veljið Start>Programs
(All Programs í XP) >Accessories>System
Tools>System Restore til að fá upp System Restore
hjálparálfinn. Til að taka öryggisafrit af
Registry veljið þið Create a restore point til að
endurheimta Registry-möppuna veljið þið
Restore my computer to an earlier time.
GÖMLU <ALT>-<TAB> AÐFERÐINA
TAKK!
Lesandi sagðist vera ósáttur við að geta ekki
flakkað á milli opinna forrita í Windows XP
með því að styðja á <Alt>-<Tab> þar sem
stýrikerfið sýndi opnu forritin í eins konar
forskoðunarham, sem hægði á öllu ferlinu.
Hann vildi fá að vita hvort hægt væri að
slökkva á þessum forskoðunarmöguleika.
Þessi ofhlaðna útgáfa af <Alt>-<Tab>
möguleikanum er í raun ekki hluti af Windows
XP heldur hluti af PowerToys for Windows XP
pakkanum frá Microsoft. Þetta ókeypis
tólasafn inniheldur nokkur nytsamleg tól, þar á
meðal hið margumtalaða Tweak UI. Power Toy
tólið sem hægir á forritaflakki lesandans er
kallað Alt-Tab Replacement. Á MYND 1 eru
bæði gamli <Alt>-<Tab> glugginn og Power
Toys útgáfan sýnd. Það er ekki skrýtið að álykta
að þetta sé aukamöguleiki fyrir Windows. Það
er auðvelt að lenda í því að setja upp
fleiri Power Toys tól en maður vill. Á
sumum tölvum er jafnvel búið að setja
upp Power Toys þegar þær eru keyptar.
Það sem meira er, er að Alt-Tab
Replacement tólið sést ekki á
ræsivallistanum með hinum
Power Toys tólunum.
Til að losna við það veljið þið Start>Control
Panel tvísmellið síðan á Add or remove Programs.
Í listanum yfir þau forrit sem eru virk veljið þið
Powertoys for Windows XP og smellið á Change.
Í hjálparálfinum sem birtist þá smellið þið á
Next veljið Modify og smellið aftur á Next.
Veljið síðan íkonið vinstra megin við Alt-Tab
Replacement og síðan This feature will not be
available. Smellið á Next>Install>Finish og
keyrið Windows upp aftur.
ENDURKOMA ÖRVANNA
Lesandi sagðist hafa notað Tweak UI til að
losna við örvarnar sem birtust á flýti-
leiðaríkonum en eftir að hann hefði sett upp
öryggisuppfærslu fyrir Windows og Internet
Explorer 6 þá hefðu örvarnar aftur skotið upp
kollinum. Tweak UI forritið heldur samt
ennþá að þær séu ekki þarna. Hvað er til ráða?
Margir Windows 98 notendur hafa lent í
því að örvarnar birtust aftur eftir að þeir settu
inn öryggisuppfærslu. Tweak UI lítur svo á að
örvarnar séu ekki þarna og það virkar ekki að
nota forritið til að setja örvarnar á aftur og
taka þær síðan aftur af.
Ókeypis Fresh UI tólið frá Freshdevice
kemur til bjargar. Beinið vafranum á
find.pcworld.com/31472 til að ná ykkur í
eintak. Í vinstri glugga Fresh UI skuluð þið fara
í Windows Interface>Desktop>Shortcuts >Short-
cut Arrow. Í hægri glugganum tvísmellið þið á
Show arrow on shortcuts möguleikann. Takið
hökin úr möguleikunum þremur sem boðið er
upp á og smellið síðan á OK.
www.heimur.is 53Ágúst Tölvuheimur 2003
S V O N A G E R U M V I Ð
Spurt og svarað
Hvernig á að endurstilla
Registry-möppuna?
MYND 1: Power Toys setur inn fínni
valkost í stað hins einfalda <Alt>-<Tab>
möguleika.
Lesandi benti á hraða og auðvelda leið til að
taka öryggisafrit af mörgum tölvum sem eru
tengdar saman á netkerfi (t.d. með beini til að
deila Internetaðgangi). Þið takið einfaldlega
öryggisafrit af einni tölvu yfir á aðra á net-
kerfinu. Það er fljótlegra en að taka öryggisafrit
á CD-RW disk eða annan færanlegan miðil og ef
það er nóg pláss á hörðu diskum tölvanna er
þetta einnig ódýrara. Ef harði diskurinn á einni
tölvu bilar þá eru gögnin vistuð örugglega á
annarri tölvu. Hann sagðist nota QuickSync frá
Iomega til að taka afritin en sama aðferð ætti að
virka á flestum tegundum hugbúnaðar til
öryggisafritunar.
ÖRYGGISAFRITUN Á AUGABRAGÐI