Verzlunartíðindi - 01.06.1964, Qupperneq 11

Afgreiðslutími
verzlana í Reykjavík
eftir Jónas Gannarsson
íormann Féla^s kjötveezlana í Reykjavík
Jónas.
Að undanförnu hafa staðið yfir all harðar
deilur um afgreiðslutíma verzlana í Reykjavík.
Um þessi mál hefur verið mikið ritað og rætt,
en þótt ótrúlegt megi virðast, þá hefur lítið
borið á að meirihlutavilji kaupsýslumanna og
verzlunarfólks kæmi skýrt í ljós. Ég vil nú í
fáum orðum leitast við að skýra sjónarmið þess-
ara aðila, og jafnframt sýna fram á, að þau geta
verið jafn hagkvæm jafnt neytendum sem verzl-
ttninni og þeim, er við liana vinna.
Eins og kunnugt er samþykkti Borgarstjórn
Reykjavíkur s.l. vetur nýja reglugerð um af-
greiðslutíma verzlana o. fl. Reglugerð þessi var
æði lengi í deiglunni hjá Borgarstjórn, en hún
fól í sér meðal annars að þær verzlanir, sem
höfðu þau forréttindi að mega selja, ýmist um
söluop eða í opnum búðum hvers konar varning
til kl. 11.30 daglega, voru sviptar þeirri sérstöðu,
þá var einnig takmarkað nokkuð hvaða vöruteg-
undir hinir svonefndu söluturnar máttu selja og
þeim einnig gert að selja einungis um söluop.
Eins og áður getur þá var reglugerðin lengi
t smíðum, enda gerð að vel athuguðu máli. M. a.
var skrifstofustjóri borgarstjóra, Páll Líndal,
sendur utan til að kynna sér afgreiðsluhætti og
annað er þessi mál varðar, í nágrannalöndunum,
auk þess sem Sigurður Magnússon, form. Kaup-
ntannasamtaka íslands, sem ásamt Páli Líndal
samdi frumdrög að hinni nýju reglugerð, reyndi
eftir því sem unnt var að samrýma sjónarmið
kaupsýslumanna í málinu, og að reglugerðin
hæmi sem mest til móts við réttlátar kröfur neyt-
enda, án þess að leggja á verzlunina kvaðir, sem
°hjákvæmilega hefðu í för með sér stórfelldar
hækkanir á vöruverði.
f samþykktum borgarstjórnar er gert ráð fyrir
að leyfa rýmri afgreiðslutíma verzlana, en áður
hefur tíðkast, þó að því tilskyldu að samkomu-
lag næðist við hlutaðeigandi aðila. Verzlunar-
mannafélag Reykjavíkur hefur í sínum kjara-
samningi skýr ákvæði um afgreiðslutíma verzl-
VERZLUNARTÍÐINDIN
ana í borginni. Viðsemjendur V. R. og þá fyrst
og fremst matvörukaupmenn hugðust notfæra
sér þessa rýmkun afgreiðslutíma þannig að taka
upp skiptiverzlun, og ráðgerðu að ein til tvær
matvöruverzlanir væru að jafnaði opnar í hverju
hverfi til kl. 11 e. h. Hófu þeir því samningavið-
ræður við fulltrúa V. R. til að reyna að fá þá
til að veita leyfi fyrir þessa þjónustu. Þær við-
ræður hafa engan árangur borið, þar sem V. R.
þvertekur fyrir að neinar breytingar séu gerðar
á þessu stigi málsins. Það er því staðreynd að
málin standa þannig i dag að engra breytinga
er að vænta á núverandi ástandi nema V. R.
breyti afstöðu sinni, því enignn trúir því, að
borgarstjórn Reykjavíkur ætli sér þá dul að
ganga í berhögg við gerða kjarasamninga Verzl-
unarmannafélags Reykjavíkur við atvinnurek-
endur með því að gera einhverjar breytingar á
gildandi reglugerð, sem aðilar geta ekki sætt sig
við.
S.l. sumar, nánar tiltekið dagana 20., 21. og
22. ágúst, fór fram á vegum Félags matvörukaup-
manna í Reykjavík skrifleg atkvæðagreiðsla um
þessi mál. Af 81 félaga, sem atkvæði greiddi,
vildu einungis 25 að söluopafyrirkomulagið héldi
áfram, en 56 greiddu atkvæði á móti því. Rétt
er að athuga viðhorf neytenda til þeirra breyt-
inga, sem gerðar hafa verið. Auk sérréttinda kaup-
manna, þ. e. a. s. þeirra, er kvöldsöhdeyfi höfðu,
hafa ýmsir leikmenn geystst fram á ritvöllinn
eða í ræðustóla hafandi litla eða enga þekkingu
á málinu og ekki heldur hirt um að reyna að
afla hennar, reynandi að telja almenningi trú um
að verið sé að svipta hann einhverjum sjálfsögð-
um rétti og lífsþægindum. Ekki hefur þó ennþá
tekizt betur til hjá þessum mannvinum en svo,
að þegar Neytendasamtökin efndu til almenns
mótmælafundar um málið, mættu aðeins um
100 rnanns, þar af einungis ein húsmóðir, en
margir hafa haldið því fram, að breytingin kæmi
harðast niður á húsmæðrum.
43