Hljóðabunga - 01.03.1975, Qupperneq 54

William Colby, yfirmaður leyniþjónustunnar Cl A.
Þetta hefur verið stefna þeirra í orði fram í
september 1974 þó að annað hafi orðið uppvíst
á borði.
Nýlega hafa nokkrir fyrrverandi starfsmenn
leyniþjónustunnar rofið þann þagnarmúr, sem
um hana hefur staðið, og skýrt frá aðferðum
hennar og aðgerðum sem þeir tóku sjálfir þátt
í. Þar ber hæst bók njósnarans Philips Agee,
Inside the Company, CIA Diary, sem kom út í
London um síðustu áramót. Þessar upplýsingar
hafa leitt til játninga á borð við fyrrnefnd orð
Colbys og Fords. Komið hefur fram að CIA
hefur stjórnað eða átt þátt í uppreisnum, valda-
ránum og beinum hernaði í fjölmörgum ríkjum
á undanförnum árum auk hvers konar undir-
róðursstarfsemi. Árleg fjárveiting til leyniþjón-
ustunnar jafngildir um 100 milljörðum íslenskra
króna og fer mestur hluti þessa fjár í leynilegar
aðgerðir. Þá er ótalið það fé, sem einkaaðilar
leggja til CIA og það fé sem CIA öðlast með
rekstri fyrirtækja sinna, en það eru t.d. flug-
félög, skipafélög, bifreiðafélög og iðnfyrirtæki.
Yfirmenn leyniþjónustunnar eru skipaðir af
af forsetanum sjálfum eða undirmönnum hans.
Þeir eru oft gamlir herforingjar og hugmynda-
fræðingar kalda stríðsins. Auk venjulegra og
óvenjulegra njósnara starfa svo þúsundir her-
manna hjá CIA. Þeir eru sérþjálfaðir á afskekkt-
um stöðum upp til fjalla, þar sem engir, hvorki
innlendir eða erlendir menn, eiga greiðan aðgang
að. Þessir hermenn gerðu t.d. misheppnaða
tilraun til að steypa Castró af stóli á sínum tíma.
Il
Til þess að gera sér nánari grein fyrir starf-
semi þessarar leyniþjónustu, sem virðist hafa
vakandi auga með smáþjóðum um allan heim,
er athyglisvert að líta á það, sem uppvíst hefur
orðið um afskipti hennar af málefnum Chile í
hitteðfyrra. Það er þó aðeins brot af afskiptum
bandarískra aðila af stjórn marxistans Allende
svo sem stöðvun allra lána Alþjóðabankans og
Alþjóðagjaldeyrissjóðsins að tilhlutan þeirra,
undirróðursstarfsemi auðhringa á borð við ITT
o.f I.
Árið 1970 var sendur hópur manna frá CIA
til að hafa hönd í bagga með kosningum í Chile.
Hann átti að sjá um að Allende næði ekki kosn-
ingu. Þeir fengu til umráða rúmar 700 milljónir
króna, en tókst ekki að múta nægilega mörgum
Chilebúum, svo að Allende náði kosningu engu
að síður. Nú voru góð ráð dýr. CIA ákvað að
eyða meira en milljarði króna til að grafa undan
hinni nýju stjórn. U.þ.b. helmingur þeirrar upp-
hæðar fór til þess að styrkja fjölmiðla, sem voru
andstæðir Allende, aðallega El IVlercurio, stærsta
dagblað Chile. Hluti af fjármagninu fór til stuðn-
ings einstökum stjórnmálamönnum, einkafyrir-
tækjum og verkalýðsfélögum. Einn starfsmaður
CIA hefur orðað þetta svo:
Það sem við vorum raunverulega að gera
var að styrkja borgaralega mótstöðu gegn
óskynsamlegri ríkisstjórn.
Leyniþjónustunni tókst að koma útsendurum
sínum inn í innstu raðir sósíalista. Embættis-
mönnum var mútað til að gera mistök í störfum
sínum til að koma af stað fjármálaóreiðu.
CIA-menn skipulögðu mótmælaaðgerðir á götum
úti. Þegar efnahagsástandið fór versnandi voru
kaupmenn og leigubilsstjórar keyptir til að fara
í verkfall. Áhrifamesta fjárstuðning fengu þó
54
HLJÓÐABUNGA