Þingtíðindi Alþýðuflokksins - 24.10.1981, Síða 29

- Að hrinda af okkur íhaldsstjórn.
- Að stöðva framrás íhaldsaflanna og snúa vörn í sókn.
- Að berjast fyrir auknum jöfnuði og jafnrétti í þjóð-
félaginu.
- Að má smánarblett lægstu launanna af þjóðfélags-
myndinni.
- Að styðja launafólk í vörn gegn lífskjaraskerðingu
af falskri vísitölu.
- Að leggja grundvöllinn að nýrri lífskjarasókn með
nýrri atvinnustefnu.
- Að standa vörð um velferðarkerfið, sem við höfum
byggt upp, en íhaldsöflin ráðast nú hvarvetna
gegn.
- Að draga úr misrétti þjóða í milli og rétta hinum
vanþróuðu ríkjum hjálparhönd.
- Að leggja okkar skerf af mörkum til að stuðla að
friði í heiminum, stöðva vígbúnaðarkapphlaupið
og herða eftirlit með vígbúnaði.
Jafnaðarstefnan á sér engin landamæri. Verkefnin eru
óþrjótandi bæði mitt á meðal okkar og í þeim heimi
öllum, sem við byggjum. Sameinumst öll um þessi verk-
efni. Að sameiginlegu átaki getum við aukið veg jafnaðar-
stefnunnar. í sameiningu getum við eflt Alþýðuflokkinn.
Eining er afl. Samstaða er styrkur.
40. flokksþing Alþýðuflokksins er sett.
27