Þingtíðindi Alþýðuflokksins - 24.10.1981, Blaðsíða 51

Alyktun um fjölskyldumál
Þeim mönnum fer fjölgandi sem gera sér ljóst að fjöl-
skyldan er sú eining þjóðfélagsins sem ber að treysta og
efla með öllum tiltækum ráðum. Með því móti er framtíð
lands og þjóðar best tryggð. Alþýðuflokkurinn hefur frá
stofnun sinni barist fyrir fjölmörgum málum sem snerta
þennan málaflokk.
Stefna flokksins byggist raunar á því að allir þegnar
landsins búi við sem jöfnust og best kjör og þjóðfélagið
beri að hluta til ábyrgð á velferð þegna sinna.
Alþýðuflokkurinn hefur nú tekið þessi mál til athugunar
og meðferðar með það í huga að marka og móta ákveðnari
og markvissari heildarstefnu í þessum málum.
Meginmarkmið þeirrar stefnu skal vera að skapa góð
uppvaxtarskilyrði fyrir börn, efla jafnrétti karla og kvenna,
taka mannlega þáttinn í samfélaginu fram yfir sjónarmið
peninga og gróðahyggju.
Vinnumarkaðurinn, umhverfið og samfélagsbyggingin
verður að aðlaga sig þörfum fjölskyldunnar og öryggi
hennar.
Aðalþættirnir í fjölskyldupólitík Alþýðuflokksins eru:
a) Húsnæðismál.
b) Skipulags- og umhverfismál með tilliti til fjölskyld-
unnar.
49