Þingtíðindi Alþýðuflokksins - 24.10.1981, Blaðsíða 57

Hinsvegar verður að varast að þróun þess verði í þá
átt að hvetja til misnotkunar.
Vinna þarf að því að tryggingarkerfið verði manneskju-
legra, komið verði í auknum mæli til móts við fatlaða
svo sem með skattaívilnunum.
Lögð verði aukin áhersla á meira jafnrétti í bótaupp-
hæðum almannatrygginga.
Húsnæðismál og skipulagsmál.
Grundvallarsjónarmið jafnaðarmanna í húsnæðismálum
er, að allir þegnar samfélagsins eigi fullan rétt á að búa
í vönduðu og öruggu húsnæði, hvað sem líður efnahag
og ytri aðstæðum.
Sveitarfélög verða að sjá fyrir nægu skipulögðu landi
undir íbúðabyggð til að ná þessu markmiði. Samþykkt
á tillögum Alþýðuflokksins um þjóðareign á landi er for-
senda þess að mörg sveitarfélög geti valdið þessu verk-
efni og þannig mætt þörfinni fyrir úrlausn í húsnæðis-
málum.
Með félagslegu átaki verður að mæta húsnæðisþörfum,
þeirra sem versta aðstöðu hafa til að eignast þak yfir
höfuðið. Einfalda þarf og endurbæta gildandi skipulag
í þessum efnum til þess að sníða það betur að þörfum
ungs fólks og annarra sem höllum fæti standa.
Jafnaðarmenn telja, að í nánasta umhverfi sérhverrar
íbúðabyggðar eigi að vera rúmgóð og vel skipulögð úti-
vistarsvæði þar sem borgarar á öllum aldri geti unað sér
við útivist, leik og heilsubótaríþróttir jafnt vetur sem
sumar. Við teljum að slík útivistarsvæði eigi að vera í
beinum tengslum við híbýli manna og sem aðgengilegust
fyrir alla aldursflokka.
55