Þingtíðindi Alþýðuflokksins - 16.11.1984, Qupperneq 15

en ekki að verða þræll tækninnar. Við verðum að hafa fram-
tíðarsýn, undirbúa breytingarnar. Við verðum að skapa ný at-
vinnutækifæri.
íhaldsöflin telja atvinnuleysi til hagstjórnartækja. Við
jafnaðarmenn krefjumst þess að allir eigi rétt til vinnu. Hlut-
verk okkar er að móta og framfylgja farsælli atvinnustefnu,
sem tryggir öllum vinnu og lífvænleg laun. Það höfum við
gert og skulum ávallt gera.
Atvinnan er undirstaða alls. Við jafnaðarmenn gerum
kröfur um velferð og efnahagslegt öryggi. Forsenda þess að
það náist er að við búum við traust og vaxandi atvinnulíf. Á
því byggist krafa okkar um róttækar kerfisbreytingar og
sterkt efnahagslíf.
Við krefjumst jafnréttis sem mannréttinda, en það hefur
Iíka efnahagslega hlið því að efnahagslegur stöðugleiki næst
ekki meðan misréttið magnast og efnahagslegar framfarir
nást ekki án stöðugleika.
Þannig tengjast saman markmiðin þrjú um vinnu, jafnrétti
og velferð. Þau styðja hvert annað. Bresti eitt skortir stoðir
undir hin.
Tímarnir eru sífellt að breytast. Þá breytast verkefnin líka.
En það eru þættir sem aldrei breytast. Það eru Iífsviðhorfin,
félagshyggjan, samhygðin — það er jafnaðarstefnan sjálf —
og hún kemur ekki til okkar í prósentum og hagspeki — hún
kemur frá hjartanu.
Alþýðuflokkurinn má aldrei glata þeirri grundvallarhug-
sjón á altari augnablikstækifæra. Hann verður að vera stefn-
unni trúr og staðfastur í trúnni á sjálfan sig. Við skulum vera
það sem við erum, róttæk og kröfuhörð fyrir jafnaðarstefn-
una.
Nú þarf gerbreytt tök í efnahagsmálum.
Ég hef áður reifað nauðsyn atvinnustefnu, en jafnhliða
þurfa að koma til viðtækar kerfisbreytingar.
Tekjuskatt á launatekjur á að afnema en leggja um sinn á
stighækkandi skatt á stóreignir.
13