Þingtíðindi Alþýðuflokksins - 16.11.1984, Page 56

áhyggjuefni að í stað samstarfs og samstöðu sundrast lýðræð-
issinnaðir jafnaðar- og félagshyggjumenn í flokka og fram-
boð sem í raun eiga meira sameiginlegt en skilur þá að. Með
því að taka höndum saman geta þessir aðilar orðið það sátta-
afl sem þjóðina skortir. Alþýðuflokkurinn boðar slika sam-
stöðu og mun taka frumkvæði að málefnalegri samstöðu
allra jafnaðarmanna.
Alþýðuflokkurinn og aðrir þeir sem aðhyllast hugmyndir
jafnaðarstefnunnar, lýðræði, frelsi, félagslega samhjálp og
jöfnuð í samfélaginu, verða að taka höndum saman og hrekja
núverandi ríkisstjórn fjármagns og gróðahyggju frá völdum,
en mynda í hennar stað nýja ríkisstjórn sem beiti sér fyrir
sáttargjörð við launþega og samtök þeirra um breytta tekju-
skiptingu í þjóðfélaginu sem tryggi mannsæmandi lágmarks-
laun fyrir eðlilegt vinnuframlag.
42. flokksþing Alþýðuflokksins leggur áherslu á að áfram
verði fylgt óbreyttri stefnu í öryggis- og varnarmálum ís-
lensku þjóðarinnar. Flokksþingið telur að íslendingar eigi að
hvetja stórveldin til gagnkvæmrar afvopnunar undir eftirliti
og leggur áherslu á baráttu kúgaðra fyrir frelsi og mannrétt-
indum hvar sem er í veröldinni.
54