Fréttir - Eyjafréttir - 01.06.2023, Blaðsíða 16

16 | | 1. júní 2023
Erla Signý Sigurðardóttir og Gylfi
Frímannsson kynntust í Vest-
mannaeyjum þegar Gylfi kom til
að leysa af á sjó. Hér er hann enn
tólf árum seinna og er vélstjóri á
Ísleifi. Saman eiga þau dæturnar
Ísey Hrefnu á níunda aldursári og
Önnu Guðný á sjöunda aldursári.
Ísleifur er uppsjávarskip og koma
úthöldin í törnum. Stundum er
hann lengi á sjó í einu og þess á
milli er hann mikið í landi. Þar
sem Gylfi er vélstjóri þarf hann
að sinna verkefnum um borð alla
daga þótt skipið sé í landi. Erla
Signý segir það krefjandi að vera
sjómannsfrú, en líka lærdómsríkt
og þroskandi.
„Þegar Gylfi er á sjó geng ég í öll
verk og hefur kennt mér margt.
Gert mig mun sjálfstæðari en ég
ímynda mér að ég væri annars.
Það eru alltaf viðbrigði þegar
hann fer á sjó eftir langan tíma
í landi en það venst fljótt,“ segir
Erla Signý sem fannst sá tími mun
erfiðari þegar dætur þeirra voru
yngri og heimilisaðstæður meira
krefjandi. Segir hún að sjó-
mennskunni fylgi oft mikil óvssia
sem getur verið þreytandi þar sem
erfitt getur reynst að plana fram í
tímann.
„Við vorum til dæmis einu
sinni í Herjólfi á leið í frí þegar
Gylfi fékk símtal um að hann
væri skyndilega að fara á sjó,
svo hann snéri við aftur heim.
Við látum það samt sem áður
ekki stoppa okkur. Ég er dugleg
að fara með stelpurnar í frí yfir
sumartímann sem getur verið
annasamur tími á sjónum. Erfiðast
er þegar Gylfi missir af stórum
áföngum hjá stelpunum eins og
afmælunum þeirra, íþróttamót-
um, sýningum og fleira. Það hafa
komið tímabil þar sem það hefur
verið mjög erfitt fyrir þær að eiga
sjómannspabba sem er stundum
lengi í burtu. Ég þekki þá tilfinn-
ingu sjálf þar sem pabbi minn er
sjómaður og var mikið í burtu
þegar ég var lítil. Guðni bróðir
minn er líka sjómaður svo við
konurnar og börnin í fjölskyldunni
erum orðin nokkuð vön sjómanns-
lífinu“, segir Erla Signý að loku
Þórdís Gyða Magnúsdóttir er gift
Baldvini Þór Sigurbjörnssyni.
Dætur þeirra hjóna eru Anna
Rakel níu ára, Sigrún Arna að
verða sjö ára og Selma Björk sem
er á öðru ári. Þórdís og Baldvin
kynnast árið 2009 þegar Baldvin
var að klára smiðjuna. Á þeim
tíma var hann ekki á sjó en fór
aftur á sjó ári seinna.
Þórdís hefur því verið sjómanns-
frú frá árinu 2010. Hún segir það
að sjálfsögðu mun hvort Baldvin
sé í landi eða ekki. Ef eitthvað
kemur uppá og hann kemur
strax, fá hann heim á kvöldin og
hoppa í frí eftir hentisemi. Í dag
er Baldivn á Sigurði VE. Hún
segir þau heppin að Baldvin vinni
á vertíðum og sé því heima frá
sirka miðjum maí til júlí og þau
fjölskyldan nái oft að fara í gott
frí saman þá.
Þórdís segi að þegar Baldvin
fer á sjó fari ósjálfrátt skipulag í
gang. „Við látum þetta allt ganga
upp, annað er ekki hægt. Við
eigum gott fólk í kringum okkur
sem hjálpar þegar þarf.”
„Gleðilega sjómannahelgi sjó-
mannskonur, menn og börn. Stórt
klapp fyrir okkur öllum,“ segir
Þórdís að lokum.
Krefjandi en lærdómsríkt
Líf sjómannskvenna með þeirra eigin augum:
Gylfi, Anna Guðný, Erla Signý og Ísey Hrefna.
Anna Rakel, Selma Björk,
Þórdís Gyða, Baldvin
og Sigrún Arna.
Stórt klapp fyrir okkur öllum