Fréttir - Eyjafréttir - 01.06.2023, Blaðsíða 33

1. júní 2023 | | 33
Héðinn sendir sjómönnum og
fjölskyldum þeirra kærar kveðjur
í tilefni sjómannadagsins
„Guðbjörg Sól, Helena og Þóra
heitum við, og fengum þann
heiður að halda ræðu fyrir hönd
útskriftarnema í ár. Við viljum
byrja á því að óska öllum sem hér
sitja til hamingju með áfangann
og þakka ykkur hinum kærlega
fyrir að koma og gleðjast með
okkur.
Framhaldsskólinn í Vestmanna-
eyjum er eins og lítið samfélag
þar sem flestir þekkjast. Innan
veggja þessa skóla höfum við
þroskast, lært og notið samveru
hvers annars. Það sem FÍV bíður
upp á, ólíkt mörgum öðrum skól-
um eru tækifærin til að rækta enn
frekari tengsl og vináttu á sama
tíma og við sækjum menntun.
Vinátta er ómetanleg og erum við
einstaklega þakklátar fyrir þessi
þrjú ár.
Á framhaldsskólaaldrinum breyt-
ist margt í lífi hverrar manneskju,
í fyrsta sinn ber maður sjálfur alla
ábyrgð á eigin námi, í fyrsta sinn
getur maður mætt á bíl í skólann,
því fylgdi þó pínu hræðsla á að
bíllinn yrði hurðaður á bíla-
stæðinu, nemendur fara á fyrsta
busaballið, sem var reyndar aldrei
haldið fyrir okkur, þið megið
giska hvers vegna.
Framhaldsskólagangan okkar
byrjaði með takmörkunum og eft-
ir nokkrar vikur var alfarið farið
í fjarkennslu. Því tóku nemendur
misalvarlega. Í íslensku var kveikt
á myndavélinni og passað upp á
að slökkt væri á míkrafóninum
meðan tími var í gangi. Svo voru
tímar hjá Einari Fidda aðeins
öðruvísi en þeir náðu yfirleitt ekki
yfir tíu mínútur sem gaf nemend-
um kost á að leggja sig aðeins
fyrir næsta tíma. Sumir nemendur
voru djarfari en aðrir og nýttu
tækifærið í fjarkennslunni til að
sýna afrakstur heimaæfinganna og
mættu berir að ofan í mynd.
En sem betur fer varaði þetta
ástand aðeins í eina önn og
hinar annirnar fengum við aðeins
hefðbundnari kennslu, þó með
takmörkunum og grímuskyldu inn
á milli.
Kennararnir stóðu fyrir sínu og
héldu upp á ýmsar hefðir. Til að
mynda umbreyttist skólinn heldur
betur þegar Hrekkjavakan gekk í
garð. Þá náðu Tinna og Margrét
örugglega að bregða hverjum ein-
asta nemanda. Einnig var dönsk
hátíð einu sinni í nesti þar sem
Einar Fidda fór á kostum og flutti
lög eftir Kim Larsen.
Núna förum við líklega öll í
sitthvora áttina og verður mjög
spennandi að sjá hvað hver og
einn tekur sér fyrir hendur. Við
erum ábyggilega öll sek um að
hafa fundist skólinn á tímabilum
leiðinlegur, metnaðurinn hefur
verið af skornum skammti og við
beðið óþolinmóð eftir þessum
degi. Samt er einhvern veginn svo
sárt að þetta sé búið og nú sé tími
til að kveðja þennan skóla. En við
tökum það sem við höfum lært,
hvort sem það er úr bókunum eða
um lífið sjálft og mætum verkefn-
unum sem bíða okkar.
Að lokum langar okkur að segja:
Dagurinn er í dag, njótum lífsins
og til hamingju við,“ sögðu þær
að lokum.
Kveðja frá útskriftarnemum:
Dagurinn er í dag og njótum lífsins
Þóra, Guðbjörg og Helena fluttu kveðju nemenda.