Stuðlaberg - 01.11.2021, Blaðsíða 15

STUÐLABERG 2/2021 15
Margar furður maður sér
á mannlífs ystu jöðrum.
Þeir sem áður undu sér
við ástaleiki og mjaðarker,
samankropnir sitja nú hér
í soðinu hver af öðrum.
Jóna Guðmundsdóttir yrkir um Nöldrara:
Í sífelldu naggi og nuði
stóð Narfi ef hann var í stuði.
Loks var barinn á bar,
það hans banamein var
og nú böggar hann alla hjá guði.
Jón Karl Einarsson á þessa. Hún ber heitið
Eftir árangursríka hagræðingu í heilbrigðis-
sukkinu:
Rúmfjölda ráðherrann fagnaði
og rövlið í lýðnum þagnaði,
því laun höfðu lækkað
og læknunum fækkað
og líkhúsin rekin með hagnaði.
Í bylgjum sveiflast bálsins möskvar
Bókafélagið hefur sent frá sér bókina Á
krossgötum eftir Benedikt Jóhannsson sál-
fræðing. Hún skiptist í þrjá kafla, Í hamsleysi,
þar sem eru óhefðbundin ljóð, Í djúpinu og Í
ham. Í tveimur seinni köflunum yrkir hann
hefðbundið. Þar getur að líta margt athyglis-
vert. Ljóðin í miðkaflanum eru yfirleitt stutt
og hnitmiðuð, oftast aðeins þrjú þriggja línu
erindi samrímuð. Skoðum tvö þeirra. Það
fyrra ber heitið Vitjað um:
Norðurljósin
net hins æðsta
fanga skynjun foldarsálar.
Í bylgjum sveiflast
bálsins möskvar.
Hrífa skreyttir himins álar.
Er vitjar aflans
valdið hæsta
tendrast veigar töfraskálar.
Hitt nefnist Tími og eilífð:
Taktfast tifar
tíminn sífellt
þótt einnig taki óvænt sprang.
Eilífðin er
í augnablikum
þá stundin kær þitt fyllir fang.
Línulaus
liggur eilífð
hornrétt á tímans hamagang.
Í síðasta kaflanum notar Benedikt fleiri
bragarhætti en fylgir þeirri reglu að vera
stuttorður og gagnorður.
Á krossgötum er falleg bók, vönduð og vel
unnin, full af hnitmiðuðum myndum og
skemmtilega útfærðum braglínum.
Hik og vafi á hugann snúa
Snjáfjallasetur, í samstarfi við
Sögumiðlun, hefur gefið út Minn-
ingarrit um Jón Hallfreð Ingvarsson.
Bókin er að uppistöðu til ljóðmæli
eftir frænda hans og nafna, Jón
Hallfreð Engil bertsson. Hér getur
að líta löng kvæði undir þekktum
lögum, tækifærisljóð af ýmsum
toga, brúðkaupskvæði, afmælisljóð, jóla-
og páskahugvekjur og fleira. Létt er yfir kveð-
skapnum og ljóst að hér er ort í því augnamiði
fyrst og fremst að koma fólki í gott skap.
Höfundurinn notar ýmiss konar bragform.
Skoðum tvær limrur sem bera heitið Jóla-
hugvekja 2019:
Tæmd er nú aðventutörnin
og troðfull er skeifugörnin.
Sendum gleði og frið,
jólin góð eigið þið.
Halli, Helga og börnin.
Vandamenn kætast og vinir
í vonsku og illgirni linir.
Í svellkulda hvíla
og svelta nú Grýla,
Leppalúði og synir.