Stuðlaberg - 01.11.2021, Blaðsíða 31

STUÐLABERG 2/2021 31
um að flytja opinbera stofnun á Sauðárkrók.
Einhverjar rökræður urðu í þingflokknum
um hvort menn mundu flykkjast frá höfuð-
borginni á Krókinn ef málið væri samþykkt.
Páll Pétursson gerði þá þessa vísu í orðastað
félaga síns.
Eg skal segja ykkur frá,
— ekki eru málin flókin —
andskotinn má eiga þá
sem ekki flytja á Krókinn.
Mér hefur verið sagt að Jón á Akri hafi haft
framsögu um nefndarálit í bundnu máli um
kjörbréf varaþingmanns sem hét Sigurður.
Vísan mun hafa verið svona:
Á varamönnum er vaxandi trú
vonirnar hafa þeir með sér.
Sigurður vinur er sigurviss nú
er sætið tekur að nýju hér.
Það er óhætt að segja að fyrri parturinn sé
orðinn klassískur og varamenn heyrðu þetta
oft frá félögum sínum.
Þegar Hjálmar Jónsson bættist í þing-
mannahópinn jókst vísnagerð þingmanna.
Hann var iðinn við að ljóða á menn, ef svo
má að orði komast, og þá þurfti að svara.
Allt mögulegt varð honum að yrkisefni. Má
þar nefna að við vorum í allsherjarnefnd Al-
þingis undir formennsku Sólveigar Péturs-
dóttur. Nefndin var vel skipuð þingkonum,
m.a. Guðrúnu Helgadóttur, sem lagði margt
til málanna og hafði húmorinn í lagi. Sól-
veig hafði þann háttinn á að kalla færustu
lögfræðinga til ráðgjafar um þingmál sem
voru til meðferðar í nefndinni. Þessir menn
voru alvarlegir í bragði þegar þeir gengu í
fundarherbergið. Guðrún sagði þegar hún sá
þá koma til fundar: „Þarna koma þessir gleði-
pinnar hennar Sólveigar.“ Þá varð Hjálmari
að orði:
Nefndin mætt til vinnu var,
vakti yfir blöðum,
gleðipinnar Guðrúnar
gengu þá inn í röðum.
Feluvísur um Fálkaorðuna
Skúli Guðmundsson (1900–
1969) sat á þingi fyrir Fram-
sóknarflokkinn sem þing maður
Vestur-Húnvetninga 1937–1959
og Norðurlands vestra 1959–1969.
Hann var atvinnumálaráðherra
1938 til 1939 og fjármálaráð-
herra um tíma árið 1954. 
Hér að neðan endurprentar
Stuðlaberg frétt sem birtist í Akureyrarblaðinu Degi
16. nóvember 1966. Við hana þarf engu að bæta.
Gamansamur þingmaður
Skúli Guðmundsson alþingismaður er skáld-
mæltur vel og oft gamansamur. Nýlega flutti hann
á Alþingi tillögu um athugun á því að leggja Fálka-
orðuna niður.
Í greinargerð segir: „Hér er farið fram á það að
fella niður orðuveitingar og spara útgjöldin sem
til þess fara. Orðan barst frá okkar grönnum eins
og fleira þarflaust tildur. Þeir eru vanir þessu, til
að mynda Danir. Og sagt er að Rússar sæmi ýmsa
svona skrauti. Það er hengt á vildarvini vald-
hafanna í heiðursskyni. Þó að sumir þrái krossa
þá munu fleiri mæla að enginn Íslendingur ætti að
dýrka þannig glingur.“
Fáa mun hafa grunað við lestur þessara orða, að
hér var um bundið mál að ræða sem hljóðar svo:
Hér er farið fram á það að fella niður
orðuveitingar og spara
útgjöldin sem til þess fara.
Orðan barst frá okkar grönnum eins og fleira
þarflaust tildur. Þeir eru vanir
þessu, til að mynda Danir.
Og sagt er að Rússar sæmi ýmsa svona skrauti.
Það er hengt á vildarvini
valdhafanna í heiðursskyni.
Þó að sumir þrái krossa þá munu fleiri
mæla að enginn Íslendingur
ætti að dýrka þannig glingur.