Stuðlaberg - 01.11.2021, Qupperneq 19

STUÐLABERG 2/2021 19
Hverjir hafa verið helstu stuðningsaðilar?
Menningarsjóður Sparisjóðs Siglufjarðar
var mikilvægasti styrktaraðilinn fyrstu árin,
síðan fór Fjallabyggð einnig að veita svolitla
styrki til verkefnisins, Kiwanisklúbburinn
Skjöldur hefur verið okkur hliðhollur og
Menningarráð Eyþings veitti styrki til af-
markaðra verkefna þegar uppbygging var
komin vel á veg, en megnið af fjármagninu
fyrstu árin kom frá forstöðumanni setursins.
Síðustu ár hafa svo stærstu styrkirnir komið
frá Uppbyggingarsjóði Norðurlands eystra en
Ljóðasetrið hefur fengið ómetanlegan rekstr-
arstyrk þaðan undanfarin sex ár. Þá má ekki
gleyma ýmsum vildarvinum okkar sem hafa
stutt við bakið á setrinu þegar gefið hefur á
bátinn og „Vinum ljóðsins“ sem eru styrktar-
aðilar setursins og greiða 3.000 kr. árgjald sem
rennur til rekstursins. Þeir eru nú um 70 talsins
og við erum alveg til í að fjölga í þeim hópi.
Hvernig hefur aðsóknin verið?
Ég held ég megi segja að aðsóknin hafi verið
góð og reyndar meiri en margir bjuggust við.
Það er aðeins opið hjá okkur í um tvo mánuði
á hverju sumri, þar sem forstöðumaður sinnir
kennslu á veturna, en yfir vetrartímann er
tekið á móti hópum og haldnir ýmsir við-
burðir. Gestafjöldi hefur verið á annað þús-
und manns á ári en að meðaltali erum við að fá
tuttugu til þrjátíu gesti hvern dag sem opið er.
Hvenær hefur verið opið?
Alla daga í sumaropnun er opið frá kl. 14
til 17 og lifandi viðburðir, þar sem íslensk
ljóðlist er í brennidepli, eru á hverjum degi kl.
16, þegar einhverjir eru til að njóta. Listafólk
sem hefur komið fram hjá okkur á þessum
tíu árum telur um 140 manns, þar af um 50
ljóðskáld, og hafa verið haldnir vel á fjórða
hundrað viðburðir hjá okkur þennan fyrsta
áratug. Þessir viðburðir eru hugsaðir fyrir
heimafólk til að koma sér og sínu efni á fram-
færi, til að kynna listafólk þjóðarinnar fyrir
íbúum og gestum Fjallabyggðar og síðast en
ekki síst til að þjálfa börn og ungmenni í að
koma fram. Svo má ekki gleyma því að það
er frítt inn svo það er um að gera að líta inn
og njóta.
Hvernig gengur reksturinn?
Reksturinn gengur betur með hverju ár-
inu. Það var ljóst strax í upphafi að þetta
yrði langhlaup og við erum mögulega komin
hálfa leiðina. Megnið af vinnunni er enn
unnið í sjálfboðavinnu af forstöðumanni.
Við höfum náð að hressa upp á húsið, í fyrra
settum við á það nýtt þak og í ár útbjuggum
við svo nýtt og glæsilegt bókarými í tilefni af
tíu ára afmælinu og hreinsuðum vel til á lóð-
inni. Fleira er á döfinni ef allt gengur eftir, en
þetta er barátta frá degi til dags og sótt er um
styrki hér og þar með misjöfnum árangri eins
og gengur.
Hvaða viðbrögð hefur þú fengið?
Viðbrögðin hafa verið ótrúlega góð og
maður finnur fyrir miklu þakklæti frá inn-
lendum gestum. Ljóðið hefur kannski ekki
verið mjög áberandi út á við undanfarin ár en
er vel geymt í þjóðarsálinni og mín upplifun
er að það standi okkur nær en margir eru til-
búnir að láta uppi svona opinberlega. Þegar
maður spjallar við gesti geta margir þeirra
vitnað í ljóðlínur, ýmsir eiga sín uppáhalds
Þórarinn grípur oft í gítarinn
þegar gesti ber að garði.
Si
gu
rð
u
r
Æ
gi
ss
on