Stuðlaberg - 01.11.2021, Qupperneq 32

32 STUÐLABERG 2/2021
Eru víða átök stíf
Hagyrðingar hafa í tímans rás verið fund-
vísir á athyglisverð sjónarhorn og verið
ósparir á að koma þeim á framfæri. Jón
Ingvar Jónsson leiðsögumaður var á hag-
yrðingamóti þar sem þátttakendur voru
beðnir að yrkja um tískuna, hvað hann gerði
svikalaust:
Alla tíð það angrar mig
að ég klæðum fleygi.
En tískan drepur sjálfa sig
svo hún lifa megi.
Ármann Þorgrímsson, ellilífeyrisþegi á
Akur eyri, yrkir vísu og kallar hana Vonandi:
Eru víða átök stíf
ýmsir svíkja og pretta.
Ég ætla að vona að annað líf
sé eitthvað skárra en þetta.
Eyjólfur Óskar Eyjólfsson bókagerðar-
maður yrkir um einhvern heiðursmann:
Lagði’ í marga frægðarför,
fremstur ætíð var hann.
Haltan fót og hundrað ör
sem heiðursmerki bar hann.
Hvað er satt og hvað er logið? Þessi spurn-
ing hefur löngum raskað hugarró okkar, ekki
síst á kosningaári. Vestur-Íslendingurinn
Valdimar Pálsson orti:
Lygin flaug um lönd og sjó,
langt í burtu héðan.
Sannleikurinn sat og skó
sína batt á meðan.
Guðmundur Arnfinnsson sakaskrárritari
yrkir fallega haustvísu undir dróttkvæðum
hætti:
Fellur snjór til fjalla,
fölna blöð og sölna,
bára ólm sig bærir,
brim við kletta glymur,
rok um hnjúka rýkur,
refur holu grefur,
híma í skjóli heima
halir fram til dala.
Jóhannes Sigfússon, bóndi og hagyrðingur
á Gunnarsstöðum, er bróðir Steingríms J.,
fyrrum þingmanns og ráðherra fyrir Vinstri
græna. Þegar Jóhannes hóf sambúð með
Einhverju sinni þurfti Hjálmar að ávarpa
Sólveigu formann og notaði þá titilinn „Sól-
veig allsherjar”.
Þá hripaði ég þetta á minnis blað:
Frómur í kirkjunni fyrr hann vann,
frá henni er nú sprottinn.
„Sólveig allsherjar,“ segir hann.
Hann sagði það áður um drottin.
Eftir því sem vísnagerðin óx á Alþingi fór
að verða eftirspurn eftir þingmönnum til
þess að taka þátt í hagyrðingamótum sem
voru vinsæl á þessum tíma. Ég mætti nokkuð
víða á hagyrðingamót, einkum þegar komið
var fram á síðari hluta þess tíma sem ég sat
á Alþingi. Af þeim viðburðum þykir mér
minnisstæðast hagyrðingamót á Siglufirði
á 80 ára afmæli bæjarins. Það var gríðarlegt
fjör á gömlu Hótel Höfn, og lá vel á fólkinu,
enda hásumar og staðurinn skartaði sínu
fegursta á hátíðisdaginn. Ekki rekur mig
minni til kveðskapar sem eftir er hafandi á
þessari samkomu, en það spillti ekki stemn-
ingunni.
Lausavísnaþáttur