Stuðlaberg - 01.11.2021, Page 33

STUÐLABERG 2/2021 33
Nokkrum árum síðar sammæltumst við
Halldór Blöndal og Steingrímur Sigfússon
um það að gefa kost á okkur öllum þremum
undir stjórn Ólafs G. Einarssonar og fara
eingöngu í okkar kjördæmi sem var Norð-
austurkjördæmi. Við fórum á nokkra staði
þessara erinda en ekki rekur mig minni
til þess hverjir styrktu liðið. Þó hygg ég að
Hjálmar Jónsson hafi farið einhverjar ferðir
með okkur. Ég veit þó ekki til þess að fleiri
slíkar grúppur hafi verið myndaðar um
vísnagerð.
Kveðskapar lið okkar varð raunar ekki lang-
líft, enda lágu leiðir okkar fljótt sín í hverja
áttina eftir að þingmennsku var hætt. Mér
er heldur ekki grunlaust um að hagyrðinga-
mót séu ekki eins tíð nú í skemmtana lífinu
og áður var. Ég hef orðið var við að Breið-
firðingafélagið heldur í þennan sið á sínum
samkomum, og hef ég tekið þátt í þeim. Ég
vona hins vegar að menn haldi áfram að ríma
sér til skemmtunar og fara með góðar vísur.
Útgáfa Stuðlabergs og viðlíka rita á ríkan
þátt í því að svo verði.
konu sem Fjóla heitir orti Kári Arnórsson,
skólastjóri frá Húsavík:
Víst er hann Jóhannes vænn
og víst er hann Jóhannes klár.
Var áður vinstri grænn
en virðist nú Fjólublár.
Í framhaldi af umræðu um kosningar og
loforðaflaum er gaman að skoða vísu sem
Sveinn Indriðason orti um veðrið:
Á vesturlofti vísir þykjast sjá
að verði býsna hvasst ef ekki lygnir.
Um veðurhorfur vont er nú að spá
það verður máski þurrt ef ekki rignir.
Rukkararnir hafa ekki alltaf notið mikilla
vinsælda. Sigurborg Björnsdóttir orti um
innheimtumann: 
Settu upp hattinn, hnepptu frakkann, 
hafðu á þér fararsnið. 
Mér finnst betra að horfa í hnakkann 
heldur en sjá í andlitið. 
Björn Ingólfsson fyrrum skólastjóri segir
að þessi 18 ára gamla limra hafi dottið
óvart inn á skjáinn. Hagyrðingar hafa
löngum haft gaman af orðaleikjum:
Þegar kýrnar á Útsynningsöldu
komu arkandi á síðdegi köldu
sagði Hyrna: „Mér gremst
þegar Grána er fremst
því þá gengur hún fram fyrir Skjöldu.“
Sigrún Á. Haraldsdóttir skrifstofumaður
segist hafa róast með aldrinum. Það lýsir
sér svona:
Ekkert reyni yfir klóra,
öllu tek sem fyrir ber,
heima róleg hangsa og slóra,
hætt að leita að sjálfri mér.
Diðrik nokkur Diðriksson var á sínum
tíma var mjólkurbílstjóri hjá Mjólkur -
búi Flóamanna. Í þá daga notuðu menn
mjólkur bílana gjarna til að komast á milli
staða og einhverju sinni hafði Oddur Bene-
diktsson, bóndi í Tungu í Flóa, fengið ádrátt
um far á Selfoss. Af einhverjum orsökum
var Diðrik fyrr á ferð en til stóð og Oddur
missti af bílnum. Hann orti:
Fyrir tímann fór á kreik,
framdi svik og hrekki.
Djöfullinn hann Diðrik sveik.
Drottinn bless’ann ekki.
RIA.