Stuðlaberg - 01.11.2021, Blaðsíða 17

STUÐLABERG 2/2021 17
Stúfur birtist óvænt
Bókaútgáfan Bjartur
hefur sent frá sér bókina
Jóðl eftir Braga Valdi-
mar Skúlason. Hann er
þekktur fyrir skemmti-
lega og grípandi söng-
texta. Bókin Jóðl er stór og efnismikil, rúmlega
hundrað og tuttugu blaðsíður. Hér birtast
söngtextar Braga Valdimars, lausavísur og
kvæði um allt milli himins og jarðar. Mikið
er um vísanir í ljóðaarfinn, þekkt kvæði góð-
skálda teygð og toguð fram og aftur. Kvæði,
sem heitir Afi minn og amma, hefst þannig:
Afi minn og amma
eru sæt og fín.
Úti á bakka búa
með öll bætiefnin sín.
Amma eldar kjötfars
og afi tyggur skro
og gengur um í grænum inniskóm
sem gjarnan mætti þvo.
Stúf hendur fjalla um minnsta jólasveininn:
Stúfur birtist óvænt, eftir enga bið
— á mettíma úr móðurkvið.
Grýla hafði gengið um á gömlum serk
— möglað yfir magaverk.
Lúði tók hann léttvægan í loðinn hramm
— varla meir en milligramm.
Hanteraði hikandi í höndum sér:
— „Þetta’ er ekki undan mér!“
Bragi Valdimar setur tvær stúfhendur
saman í fjögurra lína erindi og kvæðið fjallar
um Stúf og vandamál hans og niðurstaðan
kemur á óvart.
Jóðl er afar fjölbreytt og skemmtileg bók,
full af óvæntum sjónarhornum. Kveðskapur
sem léttir lundina.
Seiðurinn kallar á mig
Bókaútgáfan Sæmundur hef ur sent frá sér
bókina Orðinn að vissu eftir Sigurð Kristjáns-
son. Bókin er að mestu leyti hefðbundin. Hún
er efnismikil, meira en 130 blaðsíður.
Sigurður yrkir um lífið og tilveruna,
ljóðin einkennast af íhugun og inn-
sæi, vel gerð og vönduð. Höfundur-
inn hefur, að því segir á bókarkápu,
meðal annars fengist við grjót-
hleðslu eins og kemur fram í sumum ljóðunum.
Skoðum ljóð sem ber heitið Nokkur orð úr
grjóthleðsluverki við bæinn á Þingvöllum:
Sagan blundar við sérhvert fótmál
seiðurinn kallar á mig,
handan við lundinn og tjaldskör tímans
tilvera minnir á sig,
skálda sem geymdu auð sinn í orðum,
áttu við ljóðadís mót.
Við höfugan gróðurilm hugmyndir vakna,
ég hlýt þær að meitla í grjót.
Þetta er vel unnin bók.
Vonirnar dámlíkar díóðuljósum
Bókafélagið hefur gefið út bókina
Aðkvæða eftir séra Braga J. Ingibergs-
son. Þetta er efnismikil bók, rösk-
lega sextíu ljóð, ort af vandvirkni og
næmri til finningu fyrir bragnum.
Yrkisefnin eru margvísleg, þetta er
fyrsta ljóðabók höfundar, safn frá
heilli ævi og kemur út í tilefni af
sextugsafmælinu.
Skoðum ljóð sem nefnist Útrás:
Séra Bragi hefur vandað til verka. Hann
yrkir af kunnáttu og fimi, bragurinn verður
í höndum hans leikandi léttur og fallegur,
efnistökin bera vott um innsæi og fágaðan
smekk. Aðkvæða er góð bók.
RIA.
Ef skynjun hið innra er garður án gáttar
með gráleitu rökkri og litlausum blómum,
er þráin svo rík eftir rísandi hljómum
sem rásina gefa til bjartari áttar.
Og vonirnar dámlíkar díóðuljósum
þá dreifa þar blæfögrum regnbogans tónum
og læðast um garðinn á skínandi skónum
að skera burt myrkrið frá einmana rósum.