Framkvæmdafréttir Vegagerðarinnar - 06.09.2023, Blaðsíða 2

2 Framkvæmdafréttir nr. 726
4. tbl. 31. árg.
Bryndís Friðriksdóttir, svæðisstjóri Höfuðborgarsvæðis
Vegagerðarinnar, Ari Sigurðsson, forstjóri Loftorku, og
Dofri Eysteinsson, forstjóri Suðurverks, skrifuðu undir
verksamning í húsakynnum Vegagerðarinnar þann
28. júlí. Verkið snýst um þriðja áfanga Arnarnesvegar,
milli Rjúpnavegar og Breiðholtsbrautar. Um er að
ræða nýbygginu vegar á um 1,9 km kafla, auk þess
sem byggð verða brúarmannvirki og undirgöng.
Undirbúningur hófst strax en fyrsta skóflustungan
var tekin 23. ágúst. Sigurður Ingi Jóhannsson
innviðaráðherra stýrði þá stærðarinnar gröfu til að
marka upphaf framkvæmdanna.
Við það tækifæri sagði hann: „Það er ánægjulegt
að framkvæmdir á Arnarnesvegi séu hafnar því þessi
nýja leið mun létta á umferð við Vatnsendaveg og
stytta ferðatíma fólks. Auk þess munu undirgöng, brýr
og göngu- og hjólastígar verða mikil samgöngubót og
stórt umferðaröryggismál fyrir gangandi og hjólandi
vegfarendur.“
Markmiðið með framkvæmdinni er að auka
umferðaröryggi og stytta ferðatíma, auk þess að létta
verulega á umferð um Vatnsendaveg en í Kópavogi,
austan Reykjanesbrautar, búa hátt í 15 þúsund manns.
Vegkaflinn mun bæta til muna viðbragðstíma fyrir
neyðaraðila í efri byggðum Kópavogs og Reykjavíkur.
Áætluð verklok eru í ágúst 2026.
Skrifað undir verksamning
vegna Arnarnesvegar
Fyrsta skóflustungan tekin 23. ágúst↑
Séð til norðausturs eftir nýjum
Arnarnesvegi.
↓
Bryndís Friðriksdóttir, svæðisstjóri hjá
Vegagerðinni, Ari Sigurðsson, forstjóri
Loftorku og Dofri Eysteinsson, forstjóri
Suðurverks.