Framkvæmdafréttir Vegagerðarinnar - 23.10.2023, Blaðsíða 14

14 Framkvæmdafréttir nr. 727
5. tbl. 31. árg.
Vinnuflokkar í vega- og brúargerð
á fyrri tímum
Á síðari hluta 19. aldar og fram undir 1920 voru
verkefni í vega- og brúagerð yfirleitt boðin út og sú
tilhögun er því síður en svo einhver nýlunda. Alþingi
tók ákvörðun um einstakar stærri framkvæmdir og
landsstjórnin óskaði eftir tilboðum í verkin. Steinsmiðir,
húsasmiðir eða aðrir framkvæmdamenn skiluðu
Brúarvinnuflokkar
Vegagerðarinnar
Yfir 100 ára saga
inn tilboðum og yfirleitt var lægsta tilboði tekið. Sá
sem fékk verkið fékk síðan til liðs við sig verkamenn
og oft bændur, starfsmenn sem ekki voru endilega
vanir slíkum framkvæmdum. Smiðirnir tóku oft að sér
verk hvert á fætur öðru en höfðu ekki fastan flokk
starfsmanna með sér, enda verkefnin stopul. Oft voru
aðdrættir á efni boðnir út sérstaklega og yfirleitt voru
það bændur með sínu vinnufólki sem tóku það að sér
og þurftu oft stóran hóp hrossa við flutningana.
Höfundur:
Hreinn Haraldsson,
fyrrverandi
vegamálastjóri
Í þessari grein er ætlunin að fara fyrst
stuttlega yfir tilurð og sögu brúarvinnuflokka
Vegagerðarinnar. Í síðari hluta hennar er
lýsing á dæmum um verk slíkra flokka við
smíði þriggja bráðabirgðabrúa eftir skyndileg
flóð í ám á Suðurlandi sem ollu skemmdum á
mannvirkjum og rofi á vegasamgöngum. Greinin
byggir á fyrirlestri höfundar á brúarráðstefnu
Vegagerðarinnar 26. apríl 2023.